المشاركة الأصلية كتبت بواسطة المتس

انا متفاءل جدا بوزارة العدل
يوم سويت المقابلة سألني الشيخ اللي جلس يسوي معي المقابلة قالي انت متزوج ؟ قلت لا .. قال ليش ؟ قلت وظفني علشان اتزوج
وجلس يبتسم وقال تبي تتوظف قريب قريب ان شاء الله
لم أشعر مثل هذا التفاؤل في حياتي قط اقسم بالله
اللهم وفقنا يارب ولاتخيب آمالنا

المشاركة الأصلية كتبت بواسطة نص حبه شوايه

بسم الله

و الصلاة و السلام على رسول الله عليه الصلاة و السلام



كلام اخوي فاقد الاحبه صحيح في نقطة ( ان اسماء و الدرجات المقابلات و الاختبارات و كل شي )
رفعت الى الوزاره بالرياض
لكن هل تم الاختيار تحديدا ً او خلصو فرز ( لا اعلم )
لاني حاولت اتواصل مع الوزاره اكثر من مره و ما قدرت اخذ منهم معلومه
الشي الوحيد اللي فهمته منهم انه تقريبا ً 10 رمضان ( بالكثير ) بتكون اعلنت اسماء المقبولين باذن الله

و ممكن تعلن قبل هالموعد بإذن الواحد الاحد


بخصوص الاحتياج

((( اتوقع ))) ان كل محكمه نزل اسمها في التقديم مطلوب لها عالاقل محاسب 1 و مقدر املاك مساعد 1

و احتمال المحاكم الكبيره مثل بريده و الرياض و غيرها تكون ما بين 5 محاسبين و 5 مقدرين املاك او 4 محاسبين و 4 مقدرين املاك الزبده بيكونون اكثر من 1


اللي انا متاكد منه

بخصوص منطقة القصيم شفت الكشف حقهم وقت المقابله

ومتاكد من هالمعلومه

مطلوب فيها ( عالاقل ) 8 مأمور تنفيذ و اللي ترشحو للمقابله كانو 26 شخص

و المحاسبين مطلوب (( عالاقل )) 7 و المقدرين (( عالاقل )) 7
واللي ترشحو للمقابله بالقصيم على المحاسبين و مقدرين الاملاك مع بعض 50 شخص


تفائلو يا جماعه

المطلوب اعداد حلوه مره و المترشحين قليل

يعني صدقوني اللي كان مستواه بالمقابله متوسط مرشح و بقوه باذن الله

وحطو في بالكم ان على قلة المرشحين فيه ناس انسحبت

اللي نزل اسمه بالديوان و اللي ما حضر مقابله و اللي لقى وظيفه بمكان ثاني و و و
و احتمال بعد بعضهم تجيه الوظيفه و تطلع مو على رغبته المكانيه و ينسحب من الوظيفه
و يكلمون المرشح اللي بعده و هكذا

تفائلووو بالله و ستجدونه عند حسن الظن
فهو الرزاق العليم


و الله يرزقنا و اياكم بالخير سواء في هالوظيفه او غيرها
والله لا نعلم اين الخيره لنا و يعلمها الله وحده سبحانه