السلام عليكم ورحمة الله وبركاته

الحمدلله دائما وابدا ..


أخوي كان مع واحد من إخوياه .. وخويه قاعد عالنت ويقول لاخوي بأطلب لي غرض من الصين
أخوي قاله كيف تضمنهم ..قال له الموقع مضمون .. قال له اخوي طيب وش رايك تطلب لي معك ..
قال له إبشر ..

وطلب أخوي 20 قطعه كورية من الصين وكانت نيته التجربة فقط .. ووصلت بعد شهر وشوي .. وعطاني إياهم وقال لي صرفها لي ولك المكسب الفلاني منها

والحمدلله عرضتها في النت ، ويوميا الواتساب شغغال .. وصرت أطلع من البيت بدال الفرفره أروح أقابل إلي يبي يشتري مني وأعطيه طلبيته ويعطيني حسابي
والآن مر أسبوع ونص .. وأخوي جاب بضاعه جديد وبيطلب بضاعه الأيام المقبله بكمية كبيره

الحمدلله الحمدلله كانت نسبة مكسبي من القطعه الواحده فوق 100% وكان سعر بيعي للقطع مابين 60 ريال و 65 ريال

عموما إلي يبي يشتري جملة أبعطيه سعر يرضيييه باذن الله والله يرزقنا واياكم
وبرضه إلي يبي يصرف لي بتكون نسبة ربحه زينه ان شاء الله

وإلي يبي يطلع حق يومه أنصحه يجيب شي من برا ويسوقه في النت ..ولا يجيب الغالي عشان لو ما مشيت بضاعته ما تكون خسارته كبيره