القصيده للشاعر : مطلق بن ناصر ال طايع الهاجري تجمع بين الغزل والفكاهه
عن الدخان يقول فيها :

التتـن دامـه فالدكاكيـن بشـريـه ***
بريـال ولا بألـف ماهـو خسـاره



يا مخبلك يا معذربـه عنـد راعيـه***

من عذربه عنـدي بينقـص وقـاره



لاجيت باخليـه مـا أحتلـت أخليـه***

ما يطرد الهاجـوس كـود الزقـاره



لـولاه بوسـوس وبمـرض وباتيـه ***

وتشوفني في كـل شـارع وحـاره



مثل الهبيل اللي يضيع البصـر فيـه ***

ياكل من الضيقه حبـوب الحـراره



أنشهـد انـه حلـو واللـي محليـه ***

راعيه مـا تطفـي مشاهيـب نـاره



راعي الهوى غير التتن وش يسليـه ***

خص (ن) ليا منعت عليـه الزيـاره



لاجيت جنبتـه وانـا كـان ناصيـه ***

وحطيت من بينـي وبينـه زبـاره



خايف عليه وخايف(ن) من دناويـه ***

أبطفـي الشعلـه تمـوت الشـراره



امصاحب (ن) جيرانه اللي حواليـه ***

حيلة اضعيف (ن) في طرفها صقاره



أحب ضيفـة جـاره اللـي يواليـه ***

القلـب يمـه والوجـه يـم جـاره



البـر لـولا البـدو مانـي بدانيـه ***

لخضر ما خضـر بقلبـي خضـاره



اليا خلا جـال المريـر ومضاميـه ***

بعت البـداوه واشتريـت الحضـاره



لي صاحب (ن) يغليني أغلاي وأغليه ***

مـن يـوم حبيتـه ودلـيـت داره



مـادام منطوقـه فديـتـك ولبـيـه ***

ماني بفكـر فـي الفقـر والتجـاره



أسمر لعل البيـض تفـدى مواطيـه ***

أموت في سكبـة عضـاه وسمـاره



اليا ضحك قلبـي يخافـت عراويـه ***

على نـذر ماعـاد عنـدي عيـاره



تنشب عيوني في سنونـه وأشافيـه ***

لا أبعد عن الوجه المليـح الستـاره



عرقا على كبدي ولا قلـت لـه ليـه ***

البـزر طامستـه سمـاة الـبـزاره



أقول يا شاطر شـف اللـي تسويـه ***

مانيب أحسد الشاطريـن الشطـاره



مابيه يزعل ودي أنضـر وأراضيـه ***

ولو أحذف عمري من أطول عمـاره



امنـول أهـذب كـلامـي وأنقـيـه ***

واليوم خاشـرت الغجـر فالغجـاره



هاجوس قلبي مفرد(ن) بـه ومعميـه ***

عشاي كرز ومرقدي فالغمـاره !!!

اسئل الله ان يتوب على من تاب وانا الحمد لله مالي بها الامور لكن جمال القصيده جبته لكم