جالس أمخمخ أفكر كل المشاريع تحتاج الى عامل واحد على الأقل

أنا مشغول في عملي صباحا وبعد العصر فاضي لكن بعد المغرب مقاضي البيت من يجيبها غيري لاقدر الله تعب أحد ويحتاج المستشفى ما في أحد غيري

طيب والحل ...؟؟؟

شيروا علي بفكرة عملية أو مشروع صغير

المشروع الاليكتروني و التجارة عبر النت

مدري عن منطقتك .
انا بتبوك وشغال بالتمر بالسكري الطلبات عن طريق الواتس آب .
ومن فترة ولله الحمد معين خير
ارسل لي رسالة ع الخاص .
وراح أعطيك طريقة تصريف دعاية متخرش الميه

[align=center]استفيد من وقتك بعد العصر بالتجارة
بس عاد ماادري وش افضل طريقة
لكن ان جربت شيئ ونجح عطنا تفاصيل
[/align]

لموزين طال عمرك .
في اليوم تطلع من 100 الى 150 ريال او 200 ريال
يعني مدخول شهري من 3000 - 4500 - 6000 ريال غير راتبك
وعلى راحتك , لا عمالة ولا التزام مع احد .. واذا جاك ظرف نزل الزبون عند اقرب رصيف
اقرأ اكثر عن هالمشروع وتوكل على الله

الله يوفقك ويرزقك من واسع فضله امين يارب

مشروع التقسيط مايحتاج لا لعمال ولا لك

بس بعد فترة اذا حبيت تتطور زيادة بتحتاج لمساعدة واي احد ينفع سواءً اخوك او ابنك ولا جارك او اي احد

يعني مو لازم تستقدم او توظف عامل

اي احد تعطيه نسبة مئوية بسيطة ويساعدك على جمع الاقساط

طبعا تحتاج مساعد اذا وصل دخلك فوق 20الف

لكن قبل ذلك مافي حاجة لاي مساعد وليس هناك اي جهد

والله في مشاريع كثيرة بس يبيلة تفكير وبراس مال بسيط ربي يوفق الجميع