السلام عليكم ورحمة الله وبركاته ....
اخواني واخواتي عندي استفسار واعتذر اذا كان الموضوع طرح لاني متابعة جديدة لهذا الموقع الاكثر من رائع
انا خريجة قديمة من عام 1423 قسم لغة عربية غير تربوي وانا كنت معلمة بديله وما امتحنت قياس لانهم
كاتبين في قياس اني لازم اكون تربوية عشان يحق لي اكون معلمة عشان كذا ما دخلت أخذتها من قصيرها وانا ما ابي تدريس اصلا ابي اداري سؤالي يا اخوتي
هل لازم ادخل قياس عشان التعيين رغم اني لا اريد تدريس وشروط تعيين البديلات تجاوز قياس افيدوني وش العمل هل ادخل الامتحان
او لا ما العمل وجزاكم الله خير الجزاء ......

رفــــــــــع
يجون البديلات ويفيدونك
موفقة

قياس متاح للتربويات والغير تربويات. للجميع من ترغب في وظيفة تعليمية هو شرط أساسي لقبولك في السلك التعليمي.


سواء بديلة أو غيره. وشروطكم إنه لو ماجتزتي قياس مايتبقى أمامك إلا الوظائف الإدارية.



الله يوفقك ويسخر لك.

مو شرط تكوني تربوية
قياس للجميع
من الممكن ان تكوني معلمة غير تربويية الفرق بينك وبين التربوية انك تعينين على المستوى الرابع والتربوية ع الخامس

وعليكم السلام ورحمة الله وبركاته ..

اللي ما تجتاز قياس من البديلات ( حتى لو كانت تربويه ) ما راح تتعين معلمه ، يخلوها اداريه ..

هذا اللي اعرفه ..

يعني الحين : لاسمح الله الي ( ما اجتاز بقياس : وماعنده ديلوم تربوي ) = يحطونه اداري - على الرابعه : < كم راتبها !
طيب اذا بعد فتره فتح الله عليه واجتاز قياس ودرس ديلوم تربوي : كيف يحول لمدرس < لايكون زي الامانة تفصل 6 شهور بعدين يعيننونك !
وهل صحيح الاداري معه سنتين لاجل يجتاز قياس ويدرس دبلوم اذا عينوه اداري ولا بعد ها السنتين ينسى التدريس !!

لا يحولونك معلم بدون ماتفصل

الجامعي الغير مجتاز لقياس يعين إداري على المرتبة السادسة بسلم الموظفين العام إلا إذا خريج حاسب فأظنها السابعة

والتعليمي مايكون له حق فيه لأنه على درجة مستحقة فالمرتبة السادسة تساوي المستوى الخامس في سلم الوظائف التعليمية

وطبعا الإداري مقصود به إداري في جميع الوزارات لا في المداارس لأن إداريي المدارس لم تسبق لهم مفاضلة سوى مرة واحدة

بالأمر الملكي ولم يقوموا بها مرة أخرى حتى الآن والمعينين بالأمر الملكي هم فقط من سِمح لهم بالتقديم على التعليم لمدة سنتين من تاريخ

تعيينهم أما غيرهم ممن هو على المرتبة السادسة فأعلى فلا يحق لهم ذلك وبالتوفيق.

التربوية لها الاولوية للوظائف التعليمية

طيب اذا يحطوني على السادسه : كم راتب الاداري !!
هل هو صحيح : الراتب 6065 والزيادة السنويه 305