حلو إن عندك طموح لإكمال دراستك. والأحلى لمن يكون هالطموح داعم لوظيفتك.

ممكن تنسق مع إدارتك إنه تبي تدرس إنتساب. على أساس مسألة يعطونك إجازة وقت الاختبارات.

لو انتظمت بالجامعة كيف تصرف على نفسك؟ واللي جرب الراتب مايمشي وضعه مع المكافأة.


وجهة نظري البسيطة:

خلك بوظيفتك. أدرس انتساب بالتخصص اللي تبيه. لاتخرجت أرفع وثيقتك لإدارتك ومنها وتترقى أو يصير عندك فرصة تدخل مسابقات وظيفية على مراتب أعلى شارطين الخبرة اللي تبي تكون عندك.

بخصوص تبي تكون معلم ترا اختبار كفايات معلمين ماهب صعب.


من هنا إلى أن تتخرج وتكون الشهادة بيدك أنت ماضيعت وظيفتك الحكومية وأنت عارف صعوبة الحصول عليها وفي نفس الوقت أخذت شهادتك الجامعية.

مافكرت تدرس تخصص إداري؟

اخوي اذا عمرك صغير فالانتظام افضلك من الانتساب واذا شايف ان عمرك كبير لوالله الانتساب افضل وتجلس بوظيفتك والانتظام افضل من ناحية الوظيفه اذا تبي تدريس الاولويه للنتظام واذا تبي اداري الانتساب والانتظام زي بعض اتمنى اني افدتك

انا اشوف لاتخسر الوظيف لان صعب تحصلهآ
انا جامعية صار لي 5 سنوات من تخرجت ومجتازه قياسس
وعاطله صار امنيتي اتوظف
اشوفك م تخسسر وظيفتك كمل دراسسه انتسساب المهم الوظيف لا ابد ﻻ تفكر تتركها

للأسف أخوي برق
الوظائف التعليمية لخريجي الإنتظام فقط
كان هناك إستثناء والوزارة الآن ترفض تعيين خريجي الإنتساب
وأنا أحد خريجي اللغة الإنجليزية إنتساب وأنصحك تكمل إنتظام والوظيفة مضمونة بإذن الله .

تحياتي ،،
ولد الأشراف

[align=center]المضمون أفضل , الوظائف حاليآ صارت شبه حلم لك خريج , مدامك موظف بوظيفة حكوميه , أدخل انتساب بحيث أنك على الرأس العمل وماخسرت الوظيفه ومنها تكمل أنتساب , وأذا تخرجت ممكن تترقى بنفس والوزارة أو قدم بوزارة أخرى لأن شهادتك صارت أعلى من الشهادة الي توظفت فيها سابقآ ..

[/align]