السﻻم عليكم ورحمة الله وبركاته

اخوتي واخواتي انا ولله الحمد لقيت وظيفه وبديت اداوم براتب 3000 صافي بعد استقطاع التامينات
واعرف انه راح يقطع علي الضمان لكن انا طلبت مهله من المدير م يسجلني لاني محتاجه المقطوعه بسداد بنك التسليف باقي علي 37 الف من اصل 45
ع اساس كان المتوقع للصرف شهر 6 ولكن شاء الله والحمدلله على مشيئته انه تتاخر عني .. متوقع الصرف شهر 7
كل م في الموضوع انه ايضا ادرس انتساب وعندي اعفاء وايضا راح يسقط واتحمل رسوم الجامعه
وقلت لو استلمت المقطوعه وسددت حق سنه قدام راح تخف الاعباء الماليه شوي لان عندي طفل وخابرين المصاريف

خﻻصة الحكي حالتي الان مراجع بالمقطوعه هل لو توكلت على الله وسجلووني بالتامينات م استلم المقطوعه .. هل يوجد بحث الي بعد حالة مراجع

شوروا علي ارهقني التفكير ابي الوظيفه وم عندي مشكله ينقطع الضمان بس م ابي ارهق ماديا لان الراتب بينقص لالف شغله وشغله والتزامات ماليه لليل

وعليكم السلام
اذا تم تسجيلك فسوف يسقط الضمان واذا سقط الضمان تصبح البطاقه غير فعاله وحتى لو نزلت المقطوعه لن تستطيع صرفها من الصراف ليه لأن البطاقه غير فعاله كثير من الناس توظفو ا ولم يقطع الضمان وكله بارادة الله ارى انك تشوف المسئول لايسجلك بالتأمينات قله يسجلك في 21 /7 وبعدين انا شايف ان هذي الوظيفه راتبها تعبان وماتستحق انك تخاطر بمعاش الضمان لو كانت وظيفه رسميه حكوميه ممكن لكن قطاع خاص لا لأنها غير مضمونه وربي يوفقك