ما أعرف عن المشروع ..
لكن حبيت أعلق ع الشعارات ..

الشعارات صح حلوة كتصميم و احترافية .. لكن بصراحة تحسها مودرن ، ما تعكس هوية المغرب والديكور الشرقي الكلاسيكي.

يبي لك أحد عنده حس فني في تصميم الشعارات أكثر من كونه مجرد مصمم شعارات.

خصوصا الشعار الأخير تحسه شعار تقنية معلومات .. يميل للمجال الرقمي أكثر من الديكور

أول واحد هو الأفضل من ناحية الخط .. خطه فيه حس شرقي نوعـًا ما ..

عمومـًا إن بغيت أحد يسوي لك هويـّة لشغلك ( مو شعار و موقع و بس ) هوية لشعارك وموقعك يعطي المطلع انطباع أول أنك فعلا تعمل في الديكور المغربي بلغني .. و إن شاء الله أوجهك لشخص مناسب.


ربنا يوفقك

ماشاء الله تبارك الله
شغله باين حلو

استخير و توكل على الله
وبالتوفيق ان شاء الله

ي هلا اخوي طلال العنزي

مشروع طيب وفكره ناجحه ، وخصوص المخطط حولك وتقدر تضع لك لوحات ب المخطط

او على مدخل المخطط

وبنسبه للعماله ، حسب ماتشوف كابدايه خليهم 3 ، أو 2

واذا ربك اكرمك ومشى شغلك زودهم حسب المطلوب

وبنسبه لشعار ، الشعار الثاني انسب ، ولاكن لو تضع معه تخطيط

رسمي يوضح نشاطك

وكذالك تعمل نماذج ملصقات بحيث لو احد بناء بيت حولك تحط له ستكر يشوف لعل يتصل عليك

او يزورك

وسائل الله التوفيق لنا ولك

[QUOTE=عبدالله وسع صدرك;7979966]ما أعرف عن المشروع ..
لكن حبيت أعلق ع الشعارات ..

الشعارات صح حلوة كتصميم و احترافية .. لكن بصراحة تحسها مودرن ، ما تعكس هوية المغرب والديكور الشرقي الكلاسيكي.

يبي لك أحد عنده حس فني في تصميم الشعارات أكثر من كونه مجرد مصمم شعارات.

خصوصا الشعار الأخير تحسه شعار تقنية معلومات .. يميل للمجال الرقمي أكثر من الديكور

أول واحد هو الأفضل من ناحية الخط .. خطه فيه حس شرقي نوعـًا ما ..

عمومـًا إن بغيت أحد يسوي لك هويـّة لشغلك ( مو شعار و موقع و بس ) هوية لشعارك وموقعك يعطي المطلع انطباع أول أنك فعلا تعمل في الديكور المغربي بلغني .. و إن شاء الله أوجهك لشخص مناسب.


ربنا يوفقك[/QUOTE

مشكور يا يا غالي انا اساسا مبتعث في امريكا قاعد افكر ارجع بعد ما اخلص اللغة اسوي المشروع ادرس الفكرة

شكراا

أبو خبره 13 سنه شغله حلو بس السؤال هل تقدر تضبطه أو رايح يكون يكون متمرد .
بالنسبة للشعار الثالث رائع .

أنا ماعندي خلفية في الديكورات لكن ليش ماتفصل المصنع اللي فيه المعلم عن إستقبال الزبائن والمحاسبة واللي يستقبل الزبائن ويشوف المباني شخص آخر حاول تعزل المعلم عن المحاسبة حتى مايفكر إلا براتبه .


من الأخير اعزل المصنع والمعلم عن العملاء .

الشعار الاول الانسب من بينها

والمشروع مربح توكل على الله واستخير
والعامل هو العنصر الاساسي في العمل


وفقك الله