بنات

فيه نبات واحياء دقيقه واتصلوا عليهم ؟

لايكون سحبوا ع تخصصنا

السلام عليكم

صديقتي استبعدوها من البرنامج لان تخصصها أحياء جزيئية مع انهم عطوها امل بالبداية وسوت الاختبار ونادوها للمقابلة وهم عارفين تخصصها قالولها قدمي السنة الجاية يمكن ينزلكم شي ياحقين الجزيئي .. الحمد لله على كل حال .. الله يوفقكم ان شاء الله ويحقق لكم مبتغاكم .......

من جانب ما ينلامون على استبعاد بعض التخصصات لأن وزارة الصحة ما تعترف فيها بالتالي راح يكون تدريب بدون توظيف وهم يبحثون عن موظفين وهو الهدف من البرنامج

ومن الجانب الآخر أعتقد أنه من البديهي أنهم في البداية يعملون فرز للمتقدمين وتأهيل التخصصات والمعدلات المطلوبة للاختبار والمقابلة وليس العكس اختبارهم قبل التأكد من أوراقهم وهو الحاصل هنا،

عندنا مشكلة كبيرة في وزارة الصحة في الاعتراف بتخصصات، المشكلة أنهم ما يشوفون المواد الي درسها الشخص بل يعترفون فقط في المسمى على الشهادة مع أني أتوقع لو فرزنا المواد بين التخصصين راح نلقاها متشابهه الى حد بعيد،

خريجين العلوم بحاجة الى الانصاف واعادة تقييم للتخصصات

نورما تخصصك أحياء دقيقة ونبات وإلا أحياء جزيئية
أنا أحياء عامه ولا ارسلوا لي يمكن لأني مااجتزت الاختبار
والمفروض يكونون واضحين من البداية ويكتبون التخصصات المرغوب فيها والبرامج المناسبة لهم

انا احياء دقيقة ونبات .. نادوني اليوم للمقابلة في حرس الدمام
كان عددنا ١١ بنت تقريباً

المقابلة كانت جيدة لكن حصل فيها شي ازعجني

اول مادخلت توقعت القاهم موجودين لكن طلعت المقابلة اتصال مرئي عبر الانترنت
قدامي كام + مايك وهم نفس الشي

كالعادة اول شي عرفي بنفسك .. بعدين قالوا انتي مايكرو ليش اخترتي سايتو
فقلت لانو الدايقنوستيك مايكرو تحت الآعتماد! فسألني يعني انتي مو عارفة شنو تبين؟
فقلت الا لكن اللي ابيه غير معتمد فأخترت شي معتمد فقال لي انو كل برامجنا معتمدة ١٠٠٪
فقلت اوكي ..

سألني ثاني شنو تعرفين عن تخصص السايتو فقلت انو التغييرات على مستوى الخلية
فقال لا هو اخذ خزعات سرطانية مثلا وفحصها تحت المجهر يعني تظلين ع المجهر ٥-٦ ساعات
عادي عندك؟ قلت ايه فقال انا انصحك تقرأين عن التخصص قبل ماتدخلينه او تدخلين مختبراته
وتشوفين كيف الناس يشتغلون فيه

بعدين سألني السعودي من تخرجتي لما اليوم شنو سويتي؟ قلت كنت احضر كورسات اون لاين
بعدين قال ماعندك رخصة؟ قلت لا .. فقال ماقد اشتغلتي فقلت بس شهرين حق مشروع التخرج
اللي شاركت فيه بالمؤتمر العلمي الخامس فقال شنو كان الموضوع فقلت انو دراسة (وشرحت له الموضوع)

وكأني شفتهم يتكلمون انو حلو اشتغلت باللاب وكذا :$ .. بس بعدها قال بما انك مش متأكدة من التخصص
اللي تبينه ترى بنفتح برامج ثانية خلال شهرين او ٣ تابعي موقعنا .. بعدين قلت ان شاء الله

آخر شي سألتهم انا تخصصي احياء دقيقة ونبات والهيئة ماتصنفني قال ١٠٠٪ بعد برنامجنا تدريب سنة
ثم تتصنفين اكيد

وبس .. مرا منقهرة انو فهموا اني عبيطة وما اعرف شنو ابي وما اعرف شنو مسجلة

لاتتحسفين على شيئ يانورما وما تدرين وين الخيرة فيه، المهم أنك سويتي الي عليك وصدقيني ما في أحد يطلع من المقابلة ويحس أنه كان ممتاز ومقبول، وفي عدة معايير للقبول منها اللغة والمعدل وغيرها والأكيد أن الغالبية ما يفهمون في طبيعة العمل ولا ماكان احتجنا للتدريب، يمكن تكونين اقنعتيهم في أمور أخرى غير هالأسئلة المهم خليك متفائلة، واذا جاء القبول خير وبكرة واذا ماجاء الله يكتب لنا الي أفضل منه

الحمد الله ... أنا زيك نبات و أحياء دقيقة الحمد الله أنهم راح يصنفونا كنت شايله هم هالنقطه وكنت بقولك قبل المقابله لا تسأليهم اخاف يركزون على هالنقطه ولا يقبلونا .... على العموم انا كنت مختاره سايتو مثلك بس ما قالو لي ايش تعرفين عن السايتو سألوني عن البرنامج نفسه وقلت لهم انه يختص بالكارسينو اكثر شيء بعدين قالي هذا للعلوم الطبيه مو لكم انتوا انتي مايكرو وماراح ندخلك الا مايكرو وبعدها سألوني عن الجرام ستيت بالأنجلش وعن الستفايلو كوكس وبس ... بس الحمد الله طمنتيني على سالفة تخصصنا الحمدالله انه يتصنف ... وبالنسبه انا سمعت فيه هنا احد تخصصه أحياء جزيئية انا اليوم قريت عن مركز الملك عبدالله للأبحاث الطبية تبع مستشفى الحرس حاطين منح برامج كثيره ومره حلوه ومن ضمنها تخصص الأحياء الجزئية انا صراحه مادريت عن هالمركز الا قريب توه جديد ماصار له سنتين بس طريقة التقديم ماكانت ابدا واضحه يعني افضل الواحد يروح ويسأل بنفسه انا المشكله صعبه اروح مشوار بعيد وما ادل المكان بالضبط لفت نظري فهالمنح فيه تخصص خلايا جذعيه وأنا مره كان نفسي فهالتخصص من زمان وبعد فيه مركز ثاني تبع الحرس خاص بالأمصال للي تخصصهم مناعه او تقنيه حيويه المشكله مافيه اعلانات واضحه لطريقة التقديم ... اتمنى التوفيق للجميع والله يبلغنا يارب بالقبول النهائي ....