السلام عليكم ورحمة الله وبركاته

بشرونا ان شاء الله طلعت اسماء المقبولين طول علينا ؟؟؟؟؟؟


الله يسر الأمور يارب ياكريم

والله تعبت خلاص 4 سنوات بطاله كفايه ،، ابي اعيش وافتح بيت واساعد اهلي

الله يرزق كل عاطل بالوظيفة ويحقق احلامه ،، يااااااااااااااارب

بس حابه أعرف انا اتكلم عن الشباب خريجين العلوم بشكل عام والله لهم وظايف وفرص أكثر من البنات ماشاالله يعني فيه ناس توظفوا في أماكن ممتازه ولها مستقبل مثلا : شركة أرامكو وسابك و سراكو وفيه بعد اراسكو وهيئة الغذاء والدواء وهيئة المواصفات و المقاييس ووزارة الزراعه و الحياه الفطريه و وزارة الكهرباء والمياه إذا ماني غلطانه فالأسم و تحلية المياه و شركات الأغذية مثل المراعي يعني ماشاء الله كثير بس هذا اللي يحضرني حاليا .... وكلها أماكن ماتحتاج رخصه صحيه أما أحنا البنات وظايفنا قليله وبالواسطه و آخرتها مدرسه أو عمل إداري بعيد عن تخصصنا للأسف فيه ظلم كبير لخريجين العلوم خصوصا فالمجال الصحي حتى فالخدمه المدنيه مالنا تصنيف اللي أقصده اللي يجيه فرصه فهذي الأماكن لا يضيعها بالإنتظار عشان هالبرنامج لأن بجد كثيرررر تأخروا وللأسف العدد اللي بيقبلونهم مره قليل و خصوصا الحين فترة إجازه والوظايف قلت .... يعني مثل المثل عصفور باليد ولا عشره عالشجره ...... وبالتوفيق انشالله يارب للجميع ويقبلونا كلنا ..... حاولت اليوم اتصل أكثر من مره بس ماعد يردون بس انشالله خير والواحد مايربط نفسه بشي يمكن مايصير ....

كهرمان النور
فعلا مثل ماذكرتي شباب العلوم لهم فرصه اكبر
بس هذا مايعني ان البنات محصورين بالتعليم والمستشفيات

بعض الشركات فيها مختبرات ويحتاجون للبنات مثل الشباب
وفيه جامعة الامير نايف يعطون برامج دبلوم لخريجين العلوم
وبعد فيه مركز الابحاث
وعلى فكره بعض المستوصفات الاهليه يقبلون خريجين العلوم بدون تصنيف اهم شي تكونين ملمه بأساسيات مجالك
وهذا رابط جامعة الملك سعود للتدريب والتوظيف هنا كل فتره وفتره ينزلون وظايف لنا

اهم شي الواحد ما ييأس ويدور لين مايلقى ان شاء الله
ربي يسهلها عالجميع ويفتح لنا ابواب الخير ويوفقنا

على فكرة رابط جامعة الملك سعود للتوظيف والتدريب 3 مرات ارسلوا لي فرص تدريب فالتخصصي بالتعاون مع الجامعه تدريب منتهي بالتوظيف ولا يردون بعدها ولما اتصل على التدريب و التوظيف اللي بالتخصصي يردون علي مالنا علاقه رسميه بجامعة سعود ولا قسم التدريب والتوظيف تبعهم صح فيه مركز خاص لكن الى الآن ماحصلت على تصاريح رسميه عشان تشغلنا فأي قطاع مهمتهم بس ياخذون السي في ويرسلونه لهذي الأماكن فقط لاغير والموظفة بنفسها قالت هالكلام بس اللي يقدرون يسونه يعطونك فرصة للتدريب الطالبات قبل التخرج هم اللي ينسقون لكن بعد التخرج الى الآن مالهم سلطه بس يرسلون السي في تبعك وهذي انتي بنفسك تقدرين ترسلين يعني حتى لو انرسلت من طرف الجامعه مو معناها امتيازات لنا ...... ما أدري اتمنى وضحت لك الصورة

السلام عليكم ورحمة الله وبركاته

هل من جديد على وقت اعلان اسماء المقبولين ؟؟


الله يوفق الجميع يارب

لا جديد

السلام عليكم ورحمة الله وبركاته..
حبيت افيدكم انا اختي ضمن المقبولين السنة اللي راحت في البرنامج قسم مايكرو بيولوجي.. وانا قدمت هالسنة في البرنامج على قسم الكيمياء الحيوية.. خليت اختي تروح تسأل المسؤول عن اوراق المتقدمين فقال لها ان اوراق المرشحين للبرنامج خلاص موجودة عنده...ويقصد بالمرشحين الأشخاص اللي انقبلو في المعدل واجتازوا اختبار الانجليزي واجتازوا المقابلة الشخصية.. وطبعا تم استبعاد اللي ما اجتاز واحد من الشروط.. وقال لها ان الان باقي المفاضلة النهائية بين اللي اوراقهم مقبولة لأن عدد المتقدمين ما شاء الله كبير وما راح يقبلون الا عشرة بكل قسم تقريبا لأن مو اكيد ينقلون للمختبرات الجديدة هالسنة.. وقال لها انهم مستنين الدكتور وليد يجي يوقع على الاوراق بشكل نهائي بس هو حاليا في اجازة واجازته بتنتهي الاسبوع الجاي ان شاء الله.. الدكتور وليد واحد من اللي كانو يسوون المقابلة للي قدمو على البيوكمستري كبير ولابس نظارة اذا تذكرونه ياللي متقدمين للبيوكمستري..هو رئيس القسم اتوقع بس ما ادري اذا الكلام هذا ينطبق على كل المتقدمين ولا بس على اللي متقدمين للبيوكمستري.. فمالنا الا نستنى الى الاسبوع الجاي ونشوف وش يصير ان شاء الله..ويارب يكتب القبول للجميع..

جزاك الله خير والله يكتب التوفيق للجميع