السلام عليكم

اليوم اتصلوا علي وبحمدالله انا كنت من ضمن المقبولين

حبيت اعطيكم خبر وبالتوفيق للجميع يارب

ماشاء الله الف مبروووك اخت نهى..والفال للجميع يارب بس حبيت اسألك انتِ وش تخصصك؟ وموظفة ولا لا؟ وهل فيه احد ثاني تم الاتصال عليه غير الاخت نهى؟

تخصصي احياء دقيقه و غير موظفة متخرجة حديثا

الله يكتب لي ولكم الخير في كل خطوة يارب..

مبروك نهي ... الله يوفقك ^^
في اي احد اتصلوا عليه غير نهي

اللهم لك الحمد حمداً كثيراً

جاء الفرج من ربنا سبحانه وتعالى بعد 3 سنوات بدون عمل

جاني اتصال يخبرني بقبولي في البرنامج الحمد لله رب العالمين

ماشاء الله تبارك الله ألف مبروك أخت نهى والأخ زمان الغرايب على القبول في البرنامج والخبر الي جاء مفرح بعد طول انتظار،
ان شاء الله يتم قبولي والجميع هنا بدون استثناء في حالة أنهم لم يتصلوا بعد بجميع المقبولين، اذا كان أحد اتصل فيهم ياليت يعطينا آخر التحديثات وهل تم اخبار جميع المقبولين في كل التخصصات أم لا حتى الآن، الجميل أن الدورة باقي عليها 3 أسابيع وسيعرف الجميع بالوضع اخيرا علشان يفكر في بديل في حال ما كتبها الله
بالتوفيق للجميع

السلام عليكم ورحمة الله...

حبايبي ابي افيدكم انا اتصلت فيهم امس.. وسألت الموظفة اذا كانوا اعلنوا اسماء المقبولين وفي جميع التخصصات او لا..
قالتلي الأسماء جاتنا بس للحين ما خلصناها تقول والله من يومين وانا اتصل عليهم وللحين باقي..
سألتها اذا اقدر اعرف اسمي موجود ولا لا.. سألتني عن اسمي.. وقعدت تحوس بالأوراق..الموظفة شكلها جديدة ومو عارفة بالضبط الموضوع لأنها سألتني قالتلي انتِ تبع جامعة نورة قلتلها لا انا متخرجة من عبدالعزيز ولا لي علاقة بجامعة نورة.. قالتلي لأن فيه مجموعة من الاسماء اللي وصلتنا قالولنا هذول حطيناهم تبع جامعة نورة قالت واسمك موجود ضمنهم..قلتلها كيف يعني قالت شوفي الصراحة انا مو فاهمة الموضوع بالضبط.. بس اللي اتوقعه ان في مجموعة بيكونون تبع جامعة نورة يعني هي اللي بتمولهم لأن البرنامج لازم احد يموله فهذول قالولنا لاتتصلون عليهم للحين الين جامعة نورة يردون علينا او شي زي كذا.. هي الموظفة نفسها مو عارفة السالفة بالضبط ولا عارفة على اي اساس قسمو المقبولين ناس تبع الحرس وناس تبع نورة.. طبعا طلبت منها تتأكدلي عن الموضوع بالضبط قالتلي دقي بعد ساعة ونص دقيت بعد ساعة ونص قالتلي والله المسؤولة مش موجودة ماخذة اجازة..قلتلها طيب كيف اعرف وضعي قالت اذا ردو علينااحنا بنتواصل معاكم.. المهم انا اختي موظفة هناك وطلبت منها اذا تقدر تعرفلي عن الموضوع فراحت سألت قالولها المسؤول مش موجود ودكتور وليد المسؤول في اجازة واكيد هو عنده العلم..وبيجي الاسبوع الجاي..قالت لكن اللي اتوقعه انو جامعة نورة محتاجين ستف وطلبوا من الحرس مجموعة تقول لأن حتى مننا اخذوا ناس و ودوهم هناك..فتقول يمكن بعد يبون من اللي مقدمين عالبرنامج وبيدربونهم عندهم بس بالاخر كلنا تبع الحرس وسألتها قلتلها الموظفة تقول انو يمكن جامعة نورة ما يرضون يمولونكم فما تعتبرون مقبولين قالت لا ان شاء الله ما اتوقع لأن اذا جامعة نورة ما يبون ماكان طلبوكم من البداية..طبعا هذي كلها توقعات من الموطفة ومن اختي اما الكلام الاكيد فهو عند المسؤولين اللي باجازة..فاذا حابين تقدرون تتصلون على الرقم اللي حاطينه وتستفسرون اذا اسماءكم موجودة ضمن المقبولين ولا لا.. بس فيه شي غريب بالموضوع انو يوم عطيتها اسمي قالتلي انتِ جايبة 60 بالانجليزي صح ومعدلك 4،26 قلتلها معدلي اي لكن بالانجليزي جبت 63 قالت شور؟ قلتلها اي قالت غريبة كاتبين انك جبتي 60 الصراحة استغربت هل هو خطا ولا ايش..عموما الله يوفق الجميع يارب ويكتبلنا كلنا من عنده الخيرة..

وحبيت اضيف ان صديقتي دقت.. قالولها انتِ في قائمة الاحتياط.. يعني لو انسحب يحطونها بداله..

اللي انقلبوا شنو برامجكم؟