السلام عليكم ورحمة الله وبركاته

اتمنى اعرف عن موضوع المناقصات الحكوميه
وهل فيه امكانيه لبنت مثلي عندها سجل تجاري وضمان بنكي تشتري مناقصه الموضوع جداً مهم ارجو الرد سريعاً

آكيد تقدرين بما انك موفرة للشروط

ابحثي عن موقع اسمه

المركاز


والله يوفقك وييسر لك كل خير

شكراً جزيلاً حمود القرني

هينفوس
المركاز سجلت فيه طلع الاشتراك ب ٦٠٠ ريال

سؤال ثاني ايش الخطوات الي اسويها بعد ما احصل مناقصه اقدر عليها
هل احتاج معقب؟
وغير الجرايد وين اعرف عن المناقصات ؟

يعتمد على نوع المناقصة
غالب المناقصات تلاقين موضوعهم في موقع المركاز, حتى تقدمين عليها لازم تشترين كراسة المناقصة (وتلاقين فيها الشروط العامة والمتطلبات التقنية).
تالي تقدمين عرض تقني (او فني) للمشروع مع عرض مالي مع الاوراق الرسمية للشركة أو المؤسسة (السجل التجاري - شهادة الغرفة التجاريه - شهادة الزكاة - خطاب للالتزام..بالاضافة الى ضمان بنكي للجهة الحكومية يساوي خمسة بالمية من قيمة العرض المالي)
يتم تغليف كل هذي الاوراق في ظرف مشمّع ويرسل مع مندوب الشركة لتقديمه للجهة الحكومية مع خطاب بتفويض المندوب أنه يقدم العرض
ثاني يوم يتم فتح المظاريف وتعلن الأرقام والشركات والعروض
الشركة الفائزة بالعرض لازم تقدم ضمان بنكي ثاني ب عشرة بالمية من قيمة المشروع ثم يستلمون خطاب التعميد للبدء بالتنفيذ...

هذي لمحة سريعة عن العقود الحكومية وباقي كثيييير من التفاصيل تختلف من مشروع الى آخر

إذا مالك خاطر تشتركين بالمواقع اللي تاخذ مبلغ سنوي للأشتراك
في جريدة رسمية للدوله أسمها " أم القرى " ولها موقع على الانترنت تجريبي وهي جريدة أسبوعيه رسميه تصدر كل يوم جمعه.
تلقين فيها جميع مناقصات الحكومه .. من اصغر مشروع إلى أكبرها جميع مشاريع الدوله
وتجي على شكل جداول كل وزارة لها جدول وفيها جميع مناقصاتها في جميع مناطق المملكه..

المشاريع تختلف بحسب طبيعة عملك إذا متخصصه بشيء وخبرتك جيده بتكون فرصتك بالمناقصات ممتازه.
في حاجه أخرى غالب المناقصات يطلبون سابقة أعمال " خبره " والاغلب يطلبون تصنيف حكومي
التنصيف الحكومي هو للمشاريع اللي قيمتها فوق 4 مليون ريال..
اللي اقل من 4 مليون ما يطلبون تصنيف أحيان يطلبون سابقة أعمال فقط..
والمشاريع كثيره بالهبل..

بالتووفيق..

وهذي صوره للتوضيح من موقع الجريدة لبعض المناقصات من كذا وزارة
وغيرها الكثير بمختلف التخصصات.

[IMG][/IMG]