والله مادري صراحه وش السالفه .. بعض الاخوان هنا يشير الى انه الموضوع حسم وتم اختيار موظفيين لفرع القصيم وانا اتصلت عليهم وقالو الى الا لم يصدر شيء ولم نستدعي احد حتى الان ...

في اخبار جديده يا شباب

الله يكون بالعون لاهم اللي قالوا ايه ولاهم اللي قالوا لا !!!


الله يصبرنا ويوفقنا جميع،،،

انا اتصلت على الفرع الرئيسي ،، الموظف يقول الى الان ما تم ترشيح احد ،،

وسألته عن المقابلة الثالثة ،، وقال انه مايدري عن سياسة اللجنة وطريقتها وعن عدد المقابلات !!

وقال لي يمكن تكون الأسبوع القادم،،، يقول احتمال


شباب شدوا الهمه ،، اتصلوا عليهم حتى نأخذ الخبر الأكيد

فيه اخبار جديده ياشباب ؟؟

لرفع ...

بعض التخصصات في فرع القصيم وصل لهم اوراق الكشف الطبي وانهاء الإجراءات ام الباقي فلا اعلم

السسلام عليكم .. يسسعد صباحكم .. ياشباب هل من اخبار جديدة هل فيه احد اتصلو عليه وقبلوه نبي اي ششي عشان ماننتظر تكفوون ياشباب .. اختفت نتائج التأمينات الاجتماعيةة .. ياشباب الي عندهـ اي خبر يقوله وبيض الله وجهه وبالتوفيق للجمييييع

السلام عليكم

حبيت اكتب للمساعدة وارجو الدعاء لي كثيرااا لاني ابي وظيفة التامينات
قولوا يارب ربي يكتبها لي اذا فيها خير لي واذا فيها شر يبعدها عني

اول شي حنا قدمنا السي في ع الموقع
وكلمونا كنا مجموعات بنات من الرياض ونختلف مابين ماجستير وبكالوريس
ومابين ادارة واقتصاد وماليه ومحاسبه

قالوا لنا تعالوا الساعه 1 لفرع الادارة اللي جنب الهوليدان القديم
رحنا وكنا 15 بنت تقريبا كانت المقابله مع رجل بس الوظيفة بقسم منفصل لنساء
سالناه كيف حنا ماجستير وبكالوريس ؟ قال يوجدة عدة وطائف

قمنا كل وحده منفصله بالمقابله كانت 10 دقائق
يسال فيها الاسئله العادي
تكلم عن نفسك - نقاط القوه ونقاط الضعف - سال وحده عن ماذا تعرفين عن تامينات وحده نظام ساند
كان سوال سطحي والمقابله جدا سطحيه والله يعطيه للعافيه المقابل كان اسلوبه اكثر من رائع ومريح
واول ماتخلص الوحده اذا هي اوكي يقولها تعالي بكره للاختبار
( تقريبا قالنا كلنا - وعجزت اعرف وش معيار الموافقه لان مافي احد انرفض

يمكن هي خطوه شكليه للخطوه الاهم
الاختبار !
على طول بعده بيوم قال لنا انه اختبار انجليزي وقدرات

جينا للاختبار
كان اول اختبار هو الانجليزي مقسم ل 3 اقسام
فسم واحد ريدنق وهو قطعتين عليها 6 اسئله خيارات والوقت لها 20 دقيقه . طبعا كانا نختبر بكمبيوتر ف اذا ماخلصت بالوقت المناسب راح ينتقل على طول بدون ماتوافق
القسم الثاني ليسنق وكان عباره عن انك تسمع محادثه قصيره وتجاوب 4 اسئله بعدين محادثه اطول وتجاوب 5 اسئله بعدين محاضره وتجاوب 6 اسئله وطبعا ب 15 دقيقه كل هذا
والقسم الثالث قرامر وكان 25 فقره خيارات ب 10 دقايق فقط

اما الاختبار الثاني برضوا ع الكمبيوتر
كان قسم 1 استبان عن شخصيتك ماله درجات والا وقت
قسم 2 رياضيات 15 سوال لكل سوال 90 ثانيه وكانت الاسئله عباره عن جداول وتقارن بين عده عمال بعده شهور كم زاد احمد عن فيصل بابريل مثلا
وقسم 3 عربي وهو قطعه مع اسئله
قسم 4 ذكاء

وخلصنا وقالوا بعد اسبوعين نرد لكم انتم انقبلتوا او لا
واذا انقبلتوا يعني ترحون للمرحله الاخيره وهي مقابله اخيره
يعني مو كل من اجتاز الاختبار خلاص انتهى

وبس ادعوا لي مرره نفسي بالوظيفه
وقلت ان شاءالله اذا ساعدتكم بشرح كل شي
ربي يرزقني واتعن فيها يارب