السلام عليكم ورحمة الله وبركاته

كيف الحال يا أعضاء المنتدى والمشاهدين

طالبكم طلب تكفون الله يوفقكم الي عنده معلومات عن مقابلة في شركه سابك انا اداري جامعي باكلوريس تخصصي : محاسبه تكفون انا اسبوع الجاي عندي مقابله ومحتاجكم تكفون الي عمل مقابله ياليت يقول وش قالوله في المقابله وش الأسأله المهمه في شركه سابك الي يقولونها والأساله المهمه في المقابله يعطيكم ألف عافيه يارب مقدما

وياليت النصائح منكم دعواتكم



أتمنى الجميع يشاركني

ماعندي فكره عنهم
الله يوفقك يارب ويسهل لك ويكتب لك الخيره

عليكم السلام ورحمة الله وبركاته
ماأعرف والله ولكن بحثت لك إن شاء الله تفيدك ....

.........................................

انا سويت المقابله وتخصصي محاسبة
ماكانت في التخصص كانت اسئلة عامة
واللغه عربي ماعدا تحدث عن نفسك بالانجلش
المقابله تدرس جوانب شخصيتك أكثر من انها تخصصيه
ممكن تختلف مقابلة النساء عن الرجال ما ادري لكن اللي عمل معي المقابله 3 رجال

.................................................. ...................................

المقابله تختلف من شركه الي اخري من شركات سابك
وتختلف من تخصص اداري ( لا بد يكون قدراته الانجليزيه عاليه )
وتخصص هندسي - ما يركزون كثير ع اللغة
انا سبق وسويت مقابله في سابك ( بتروكيما ) كانت المقابله مع امريكي وشخص اخر شامي
كانت كل المقابله باللغة الانجليزيه

اما بالنسبه لمقابله مع سابك حديد
فقط عرف نفسك باللغة الانجليزيه والباقي سهل
دردشه وسوالف بالعربي وبعض المصطلاحات بالانجليزيه

النصيحه
حظر نفسك كويس للمقابله ،
وراجع الاساسيات ف تخصصك والاهداف العامه في التخصص
واذا عندك خبرات رح يسالونك سؤال عام وش طبيعة عملك
كون ع ثقه كبيره ، ومرتاح نفسياً وبدنياً ،، وكاشخ هههههه
والله يوفقك

.................................................. ..........................


خلك ع سجيتك في التجاوب ع الاسئله
فعلن ليش بتتوظف في سابك
لعدة نقاط مهمه
شركة عالميه قويه لها ثقلها المحلي والعالمي
اهتمامها بموظفيها وبيئة عمل ناجحه متكامله
تطويرها وتدرجها للموظفيها
المشاركة في بناء وتكوين الذات والمساهمه في الرقي الصناعي والحضاري
رواتبها ومحفزاتها تنافس كبار الشركات اذا لم تكن في المقدمه

الدعوه فلسفه ذاتيه ، وخلك ع سجيتك في الاجابات ليش تبغ تتوظف في سابك
يعني تكلم عن طموحك ومستقبلك معهم كيف رح يكون ،


السوال الثاني
اقراء عن الشركه من خلال موقعها الرسمي
وبالذات الشركه اللي طالبينك للمقابله

.................................................. .................


اهم شي عندهم الشخصيه والاخلاق وراح يعرفون هذا مع اسئلتهم لك بطريقة كلامك وحركاتك وانت تتكلم , ثانيا الخبره وين وشهاداتك ولغتك, اول ما بتجي بيقولون تكلم عن نفسك بالانقليزي عاد انت عطهم اللي عندك وحاول تكون واقعي وواضح يعني ما تشطح تقول ابي اصير واصير وكذا بين لهم انك تبي تتوظف بسابك وهذا اقصى طموحك , بيسألونك كم سؤال بعدها عن راتبك والسوالف ذي ويمكن يستفزك بحركه يشوف ردة فعلك مثلا يقول راتبك قليل , او يقول شركتك حلوه ليش تطلع سلامات عندك مشاكل .. وممكن ما يستخدم هذا الاسلوب بس انت خلك حذر لان كلمه هههه ممكن ينتبه واحد لك فيها ينبه ربعه عليها. (كنت احضر مقابلات لدائرتي في ارامكو واشارك في التقييم مع خمسه اداريين) والله يوفقك وييسر امورك

..............................................


الله ييسر لك أمورك يارب العالمين
وفي إي مقابله اللي أعرفه أنك تكون واثق من نفسك مره
ولاتستغرب لا المكان ولا الأشخاص عادي كون واثق من نفسك ولامرتبك ولاحاجة
لأن الربكة تلخبطك أو تقلل من هيبة وقوفك أو طريقة ردة الفعل
وان شاء الله ربي يكتب لك الخير

ماشا الله ماقصرتي

ما شاء الله عليك ما قصرتي الله يسعدك ويوفقك ياررب وتتسهل امورك شككككرا من القلب

توكل على الله، ونام كويس، والله يوفقك