ياخواني على مين اشتكي مكتب التوظيف في احدى مستشفيات مدينة الرياض اضاعوا اوراقي ولم يجدوا لها اي اثر حتى ورقة الاختبار التي اختبرتها عندهم لا يعلمون اين هي كل مارجعتهم قالوا ماحصلناها انتظر نبي ندور عليها
افيدوني هل مدير المستشفى له سلطه قوية عليهم ؟ او مين بالضبط اعتقد حق في الترشح للوظيفه ضاع بعدما اضاعوا الاوراق

حسبي الله حاول تشوف أسم الموظف وتشكيه أو تدور صور لها
وبعض المعاملات تضيع عليها السلام مانطلع الحق لا من مشرف ولامدير ولابطيخ
كان الله في عونك

يمكن رشحو واحد بدالك واسطه وزحلقوك ..سو شوشره عليهم وماضاع حق وراه مطالب وترى لو جلست تنتظر وتنتظر محد درى عنك اقلق الموظفين من مدير لاكبر راس فيهم..

اخوي / انشبلهم لين يطلعون اوراقك ،،، وروح لمدير المستشفى ،،واذا مافادك بشيء ،، أطلع لديوان المظالم واشتكهم ،،، لان فيه ناس متعودين الي يقدم يروح ولا يجيهم ابداً ،،

ويمكن مثل ماقالك الاخوو /دارك مان

يمكن حذفو ملفك عشان يحطوو شخص في مكانك ... هذا والله اعلم ،،،