السلام عليكم
الوالده ارمله وسجلت لها في برنامج اسكان
وطلبو أضيف أبناءها معها اللي اقل مت 25 وهي لها بنت عمر 22 وولد 23
وعند تسجيل البنت طلبو رقم صك الاعاله وابي اروح هالاسبوع واطلع للوالده صك اعاله بأنها تعول بنتها

ولكن الولد اللي عمره 23 كيف أسجل رقم صك الاعاله واصلا هو موظف عسكري

مع العلم ان البرنامج يقول اللي اقل من عمر 25 ولم يتزوج يسجل مع والدته

الان الولد اقل من 25 ولكن موظف ماذا أسجل في الفراغ؟؟؟؟؟

صك الاعاله واحد

ان فلانه بنت فلان تعول بنتها فلانه بنت فلان وابنها فلان بن فلان
عايدي وش المشكله
وبالنسبه ان ابنها موظف والا ماهو موظف اعتقد مالها اي علاقه في الموضوع

كلامي بخصوص صك الاعاله
تجيب 2 شهود و 2 مزكين وتحضر الوالده ويكون معها صك اثبات حصر ورثه وصوره منه وكرت العائله
فقط لا غير

فعلا الكلام صحيح تسوي لشخص واحد اعاله عادي
والشخص الثاني الموظف ماتعوله شرعا
وانت يوم تسجل لها تحط بياناتهم من سجلات مدنيه .. الخ
وهي شبكه مرتبطه مع بعض يبين ان اخوك موظف
تطرق له انه ساكن ولكن لاتتطرق له ان الوالده تعوله

طيب ما ذا أسجل بالفراغ اذا تم إضافته مع انه موظف وعمره اقل من ٢٥

كيف تم اضافته تقصد بصك الاعاله انا قلت لك
شرعا الوالده ماتعوله وهو موظف عائل للوالده بالاصل هو وليست هي
ولكن ان تم اضافته بصك الاعاله مايمنع وانا خوك بتمشي ان شاء الله
ولكن يا اخوان معلومات اسكان دقيقه وبيتاكدون من كل شي لانها شبكه وحده
وفي الحاله ذي الولد مع امه ساكن بنفس البيت وهذا ماينافي شروط اسكان
وارئ ان يتم استبعاده من صك الاعاله واضافته ببيانات اسكان كساكن
عندك انا مطلع الاسبوع الي راح صك اعاله لاختي الله يرحمها انها كانت
تعول امي واختي واخوي واستبعدت الوالد والوالد والوالده مو منفصلين
بس عشان ما الخبط امور الوالد الماديه ومشت الامور عادي