السلام عليكم ورحمه الله وبركاته

كيف حالكم ان شاء الله بخير ...


ندخل بالموضوع علي طول ...


انا رجال كبير في العمر وعاطل عن العمل من فتره طويله المهم الحاجه خلتني اسجل عند شخص صاحب مؤسسة


خصوصا انني بحثت عن عمل فلم اجد وكذالك انا ادفع رسوم الجامعه لاني ادرس انتساب

بمبلغ 3500 ريــآل كل ترم ..

المهم الرجال سجلت عنده مده 8 شهور واتفقت معه من البدايه علي انه يعطيني مبلغ الف ريــآل كل شهر وعطاني مبلغ 5 الالاف ريــأل لي خمس شهور عن طريق الحواله البنكيه ودفعتها رسوم للجامعه
واخر 3 شهور


سحب علي ولا عطاني ولا ريال وشال اسمي من التامينات ومكتب العمل ....


مع العلم اني ما وقعت عقد معه ابداء ...


وكل ما اتصل فيه او ارسله علي الواتساب يصرفني يقول بعد اسبوع او اسبوعين ....


المهم اني حصلت رقمه الثاني وكلمته قبل ثلاث ايام وقلت له انك تماطل فيني من عده شهور


ولا ارسلت لي شي وقال لي انه ما عنده شي ولا استلم المبلغ من الشركه عشان يرسلي ..

المهم قلت له اذا ما ارسلت لي راح اروح لمكتب العمل واشتكيك انك وظفتني وظيفه وهميه

ولما قلت له كذا شاف رسالتي في الواتساب ولا رد عليها ..


تتوقعون الرجال خاف يعني والا مطمن لانه شال اسمي من التامينات ولا راح يلحقه ضرر ابداء ؟؟؟



وحبيت اعرف وش اسوي معه وشكرا لكم




انتظر ردودكم

الله يهديك المفروض ماتورط نفسك مع الاشكال هذي هو يستفيد منك بالتأمينات وانت تاخذ مبلغ بسيييط تافه
لكن الله يلعن الحاجة الي تحدنا على هالاشكال تقدر تشتكي عليه

اجلس وراه لين يحولها لك وخلاص اسحب اسمك منه ولا تسويها الحركة هذي اشتغل لو دوام جزئي ولا تعطيهم اسمك
انا حصلت واحد يعطيني اكثر من المبلغ حقك بس سحبت عليه

67 مشاهده ولا فيه الا رد واحد لاحووول الله محد يبي الاجر

أخي الكريم


أعتذر منك

سبق وقرأت مشاركتك ورديت ولاكن بأعتقادي بسبب خلل لم تصل المشاركه


أخي

السعوده الوهميه مشاكلها كثير

وعامل السن بأذن الله أنه ليس بعائق

حتى لو تقدمت ضده سوف تطالك أنت عقوبات

سوف يبحثون ويتأكدون بأنك كنت قابل بتسجيل أسمك من خلال الحواله التي قام بأرساله لك

أتمنى أخي بأن تحتسب الأجر عند الله

لاكن أهم شي خذ منه شهادة خبر وأخلاء طرف وهذا شي ضروري ولو رفض


تقدم ضده على حتى ولو للحصول على أخلاء طرف