اول شي اسال الله الواحد الاحد ان يفرج همك وييسر لك امورك

وانا اخوك اهلك مهم سوى لاتزعلهم بالاعكس حول ترضيهم باي طريقه

وخلاك مع الله ولاتبالي وحافظ على صلاتك صلاتك صلاتك نجاتك

وتذكر ان مع العسر يسرا باذن الله الواحد الاحد

عليك بالصلاه وبعدها الاستغفار ... استغفر بعد كل صلاه وشوف كيف الخير يجيك ..

اخوي بدات موضوعك بمقارنه و المقارنه هذي هي اللي تأزم نفسيتك وتحبط من معنوياتك عشان ترتاح لازم ترضى بقدرك
أخوي الكريم انت لساتك صغيررر والحياه قدامك ف ليييه كل هذا الحزن والهم والقلق والتشاؤم صحيح انك مرريت بصعوبات وابوك مضييق عليك والمشاكل النفسيه والماديه ترى كثيررر من الناس يعانون منها ياما ناس اهاليهم تجار ورجال اعمال ومايصرفون عليهم ريال واحد واعتمدو على نفسهم وكافحو الواحد لازم يصبرررر
أخوي عشان تتغير حياتك - انسى الماضي وركز على مستقبلك اذا فيه موقف عجزت تنساه من الماضي اكتبه في ورقه وقطعها أنا اضمن لك راح تحس براحه عجيبه (:
*- لازم تكون اكثر ثقه بنفسك مو عشان ولد خالتك يسوق السياره وهو 11 سنه خلاص تفقد ثقتك بنفسك هو اتوفرت له الظروف وهيأت له السواقه يمكن انت اشطر منه بس في الوقت الحالي ماتوفرت لك امكانيه تبرز فيها مهاراتك بالسواقه خليك متفائل ان شاء الله بالمستقبل بيكون عندك أفخم سياره وتكون انسان ناجح بس بعد عن مقارنه فلان يلبس على كيفه وهذا يسوق وهذا يفحط لاتقاارن كثيررر راح تتعب
*- أبوك : راح يظل أبوك وموجود بحياتكم لذلك فكر في طرق تقربكم من بعض فكر ليييه ابوك يعاملكم زي كذا ؟ انت ذكرت انه يغصبك ع العزايم طيب ليه تخليه يغصبك ليه ماتروح برضاك حاول تتقرب منه سوي الاشياء اللي ترضيه قلك امشي معاي عزومه قله ابشر اكيد ابوك حاب يفتخر فيك وسط مجلس الرجال روح اجلس ساعه واطلع من العزومه اهم شي ارضيته..اذا ماتغيرت معاملته معاكم حاول تكلم اقارب لك لهم تأثير عليه ويسمع منهم يصلحون وينصحون لعل وعسى يجيب نتيجه
*- وقبل هذي الخطوات كلها اصلح مابينك وبين الله يصلح الله مابينك وبين الناس إلتجئ لله
الله وحده هو القادر انه يبدل همومك سعاده ويرزقك ويعطيييك لحد مايرضيييك
* استغفر
* حاول تحافظ ع الصلوات ف وقتها
*حاول تقرا قران
* تصدق ولو بشق تمره
أخيراً
اخوي اصبر واصبر واصبر ( الصبر مُر حلو العواقب ) ومصير ربي يعوضك انت نشأت وتربيت في أسره متمسكه بعاداتها وصعب عليك انك تغيرر تفكيرهم أو تقنعهم بفكرتك في يوم وليله انت ماراح تجلس طول عمرك عايش تحت ظل أبوك كلها كم سنه وتدخل الجامعه وتستقل وراح يجي اليوم اللي تكّون فيه أسره وتربي عيالك زي ماتحب وقتها تقدر ترمي بهذي العادات عرض الحائط أما الآن انت مجبوووور بها (كن مُتسامح وقوي اراده واتحدى ظروووفك هذي الظروف يااما انها ترفع الانسان او تضعه .......)

الله يوفقك بالدارين

الحقيقة اﻷعضاء كلهم ماقصروا قريت كلامهم كله الله يجعله بموازين حسناتهم
انا داخله بجوال صعب اقتبس وارد على بعض النقاط بكلامك لكن اقولك أنت
انسى الماضي ولا تعود له مهما كانت الظروف لا تجعل مشاكلك تؤدي بك للتهلكه

اخي انت عمرك18سنه توك صغير مازلت تحتاج رعاية ابويك وتوجيهم لك
اهتم بدراستك ولا تشوف غيرك ترى انت اللي تجعل نفسك اضحوكه لهم
شهادتك بإذن الله بتكون بداية انطلاقه لك ..
ادري انه يحق لك تلبس وتطلع وتخف الرقابه عنك شوي لكن هذا والدك
مثله كثير عنده انه عار لبس البدله والبنطال وانها ماهي رجوله لكن يمكن
ابوك يطبق ماتربى عليه ..
السياره لابد بيجي يوم وبيشتريها لك بنفسه واللبس اللي تبيه بتلبسه الدنيا تتغير
وانت حافظ على صلاتك علشان نفسك حتى ربي يرضى عليك مو ابوك
الصلاة فرح ونجاة وفرج ووقاية
وانت تقول والدك يبيك تتوظف بأرامكو يااخوي اذا له قدره يدخلك فيها طعه
بتتبدل حياتك للاحسن وبتنفك الرقابه عنك كثيرين يتمنونها
.
اسأل الله أن يصلح شأنك كله

__________________
"لله دُر أمي إذا ابتسمت
تهادت جروح قلبي والتئمت"