السلام عليكم ورحمة الله وبركاته
كيف حال الجميع

انا ي ناس تعبت من قل المادة تعبت
ادور اي احد مثل حالتي من اقربائي
ماحصل فيه الي قريبين مني بس اعلى مني بشوي
كلهم اساسيات تتوفر كل شي يتلبى لهم
وانا لو اطلب شي اساسي من الوالد لازم يضيق صدري بالكلام
لازم يتعبني ويقهرني ويغبني حتى عندي مشاكل نفسسية كثيرة
وسبب الوالد واهماله حتى انجريت لمصايب كبيرة
ولاعنده علم فيها ي ناس قاهرني
والله عظيم كل رجاجيل خالاتي يكافحون ويطلعون فلوس
وابوي 19 ساعة في البيت ماراح اقول 24 ساعة في البيت
لان 6 ساعات في المدرسة وهو مرشد طلابي
وراتبه ممكن 18الف بتقولون كيف حالتك حالة وابوك راتبه فوق10
لانه مايخطط ويضيع فلوسه وكل شي يبيه بسرعة
وامي 90% حلالها راح بسبته اكثر من دفع واخذ قروض قد دنيا امي
ومافي معروف يجزى او يشكر له ماغير كل يوم يجيب لها بلاوي ويصدمها بأفكاره المريضة تعبت ماعرفت اعيش حياتي طبيعية
اقسم بالله من اكبر مصيبة عظيمة تشيب راس بدت وانا عمري
ممكن 10 سنوات او 11 سنة وكشفت السر للوالدة لما صار عمري 13 سنة والوالدة استهبلت واللحين ناسيه ولاكأن شي صار
وقد رجعت له ثم انقطع ثم ارجع لما صك عمري 17 سنة اظن انقطعت انقطاع وقدرت افتك من المصيبة
قد مافيني من مشاكل وابوي يزيدها علي لدرجة اتمنى يسافر ويتركنا ولا احسن يتزوج على امي والله عظيم متأكد لو ابوي يتزوج على امي امي بتنبسط ماتبيه من وراه شي بس يفكنا منه
كل يوم مشاكل ويكبر المشكلة ويوصلها للقمة وهي تافهة تافهة
انا يالله اعيش حياة طبيعية مثل العرب وسبب هو
والله عظيم لو امي تسحب عليه ان تدهور حالتنا لان امي اشوف مقامها وموقعها في اسرة غلط لان من مفروض تكون اب اﻷسرة
حتى هي قالته لنا قبل لو احسب كم عطيت ابوكم وصل مليونين واكثر ولا حتى تذلنا بلا هو يذلها وقد مد يده كم مرة
عطيتكم نص المشاكل الي انا فيها واكثر ماتأزمني
وتتعبني المادة بتقولوا انت رجال روح اشتغل انا طالب ثانوي ونسبتي الله اعلم اذا بفلح في هالسنة
وسواقة سيارة يالله يالله اسوق في حينا صرت مسخرة عند عيال خالاتي بزارين اعمارهم 11 و14 سنة ويسوقون ويفحطون بعد وقد ولد خالتي ودا نا للمكة وهو الي يسوق تخيلو بزر 11 سنة اهو الي يودينا
ولاتسألون ليش وكيف سمحتو له لانها قصة ورا قصة
وكم صرت اضحوكة عند الناس وعند بنات خالاتي
وحتى لو بتوظف ابوي ماراح يسمح بهالشي لان بيعطلني عن دراسة
او عيب تشتغل لاننا بدو متخلفين وعقول متحجرة
الناس تحضرت وارتقت وصاروا اعلى من كذا وللحين فيه ناس متخلفة وعقول متحجرة كل شي عيب والله عظيم شوي وودهم ينفون المرأة من الحياة لانها تعتبر عار والله ماكذب تدرون عندنا عيب لو ولد عمك شافك معا اختك تصير مصيبة والله تخلف ليتني مانيب بدوي كان سسنعت عمري وقدرت احسن من حالي بس شسواة لازم ارضى باللي فيه وبعدين بفشل ابوي لاني رحت اشتغل ومانيب رجال بعد ممكن ينقال كذا انا لو تزوجت مستحيل اعقد عيالي واقول ذا عيب وذا عيب حتى مرتي
تصدقون حتى ماعندي شخصية في البيت حتى اختي ما عمري هاوشتها في شي كم مرة تسوي حاجات يبيلها من يوقفها في حدها بس اسكت لاني ماحب مشاكل
والحمدالله عقلت بنسبة 80%
واليوم كمان سويت فضايح مثل حصلت وحدة تغازل
وصرخت سبيتها لاني مكبوت في البيت وكذا
لاحد يزعل يعني فترة مراهقة والمراهق حساس
والله الي قلته لكم نقطة نقططططة من بحر عميق من مشاكل
نفسيتي تعبت تعبت تعبت من كل شي تعبت
ماعاد فيني اتحمل وحاصتن ابوي يقهرني ثم يقهرني
وكمان قام يغصبني في روحة المجالس والعزائم
وقبيلتنا العروس والعزايم ماتخلص
اكرره المجالس كرهم ابليس وربي ابليس مااكرهه مثل هالكره
يعني ملللل وفقعة تسبد اكرهم مااواطنهم
ليت فيه احد اسولف معاه اصنم في مكاني واشوف
ليت هالشحنة الي فيه اشتحن فيني وانا الصغير
يوم 25 نزالة الشهر هاذا ويوم الجمعة الي بيجي عرس
ترا ي ناس مو مكرهني في العزايم الا ابوي وحالته
وابو ي انسان مزززاجي احينا يعصب في حاجة ومرات ماينتبه ومرات يعتبرها شي تافه ومقاطع المسلمين كلهم قاعد في البيت وحداني معا ان الرجاجيل يدقدقون يبونه يجي يحظر عندهم في استراحات بس مايبي بحجة خايف على عياله
واكثر ماينرفزني موضوع اللبس جنني جنني فيه
والله عظيم اليوم اخوي عمره 9 سنوات ابوي عصب على لبسه وهدده قال تلبس هاذا اذا بس رحت شمال الرياض
تراه ي ناس قبل زمان قايل لي اللبس الي تبي بس ابي اشوفك في مسجد كم مرة و بس انسان مزاجي على مزاجي يبي يعقدني
وكم مرة يذلنا على نفسه احمدوا ربكم اني مو راعي مخدرات
معا ان تصرفاته مثلهم او شبيه لهم
لو اللبس بدلة لازم ينهد حيلي وتنسد نفسيتي عشان اروح بها او توصل لمدة اليد بظربني عشان لابس بدلة ارتكبت جريمة سويت مصيبة
قبل مالواحد يزعل من كلامي تفهموا وضعي اني مراهق وابي اعيش حياتي
وتعرفون كيف افكارهم ودهم كل شي يتوفر لهم
حتى ولد خالتي بدوي نفس قبيلة وقبيلتهم بعد بدوية مررا ومتشددين
بس ابوه مايعصب اذا لبس بدلة بس يقط حكي ومعطيه الحرية
بجد انقههر
سامحوني ادري ماله اي دخل اتمنى محد يزعل من كلامي لاني ابي افرغ الي فيني من قهر وغبنة اقل حقوق عشان اعيش فيها شبابي وي كثرها مسلوبة
حاب اقولكم عن حاجات
تقتلني
ابوي كم مرة قال لي انه يبيني اتوظف في ارامكوا وغاصبني عليها
ومرات يقول خخلاص سو الي تبي براحتك انا حاس حركته
انه بعد ثانوية يغصبني
والله كل شي انحرم فيه الراحة يالله يالله لازم نص يوم يروح كله مشاكل وهدود
من انولدت في هالدنيا ماعشت مثل العرب كانت نفسيتي تتعب وتتعب وتتعب
من 4 ابتدائي وانا نفسيتي تعبانة واطنش عشان اقدر اكمل يومي
تحرشات وحالة حاب انبه عن حاجة من كثر مشاكل ونفسيتي تعبانة
قمت اميل للمحرمات السرقة و الكذب الكذب هاذا في لساني مايكمل يوم الا واكذب
وكمان الحلف بالكذب عشان اتجنب ازعاج والمشاكل
وصلوات على مزاجي استغفر الله يارب سامحني
امنيتي شي واحد وتحل 40% بالمية من مشاكلي ونففسيتي
اني اصرف على نفسي واعز نفسي واتجنب المشاكل والذل
ابي اصرف عالحالي
اختصر ذا كله
ومابي اطول ياليت الي عنده شغلة او يعرف وظيفة لطلاب الثانوي عن بعد يعني بالكمبيوتر
يساعدني والله ادعيله من كل قلب ومن ظهر غيب تعبت ماعاد فيني اتحمل
ياليت شغلات مثل تسويق او اي شي
والي يسوي خير او عاش شبه تجربتي يساعدني ويعلمني كيف تخطاها
يضيع شبابي وانا مايكمل يومي والا ضايق ومكبوت
والله احيانا انقهر اشوف شباب وش كثرهم الله منعم عليهم
يتسوقون او اقل شي يطلعون وينبسطون وواضح شباب مراهقين
وابوهم مشغول مهو فاضي لهم وانا مستقعد لي
تعبت من التناقض ومن تفكير ومن انعزال عن الناس
ابي حل الي يعلمني كيف اقوي نفسي واتحمل لايبخل الله يحرم وجهه من النار
ان لله وان اليه راجعون

الله يعينك وربنا وربك الله

اسال الله ان يفرج همكم ويسعدك ويحقق لك كل م تتمنا..
اول شئ حافظ ع الصلاه بوقته والله العظيم راحه بالصلاه ..وادعي ربك بالحاح بالحاح ي اخوى وادعي ربك وخرج كل شي بقلبك لربك...ثانيا الصحبه الصالحه الصحبه الصالحه ..الدنيا م صفت لاحد وربي لازم نصبر ونحمد ربنا ع النعم للي انعمها علينا لاتنظر لناس للي وضعهم احسن منك لا انظر للي اقل منك ...ناس بمستشفيات سنين لهم الواحد يحمد ربها ع نعمة العافيه....وفي ناس هموم بقلوبهم مايعلم الا الله ولماتقابلهم ما تشوف الا ابتسامتهم لانهم متفائلين ويدعون ربهم اسمعى مقاطع يوتيوب لشيخ نايف الصحفي وغيره...كمل دراستك واجتهد وماعليك من كلام ناس لانهم م يتركون الواحد لوحده بس طنشهم ..الله يوفقك اخوى ويفر ج همك...

الله يفرج همك ويهدي والدك

استوقفتني هذه الكلمة

__________________
ومن يعمل من الصالحات وهو مؤمن فلا يخاف ظلما ولا هضما

الله يكون بعونك والله
الصلاة في وقتها وعليك بالصبر الصبر الصبر الصبر
ولو تقرأ قصص الانبياء عليهم السلام عرفت وش اقصد بالصبر
وحاول تتودد لابوك يمكن ربي يهديه ويحن عليك ويتعامل معك افضل من اول
الله يوفقنا وياك

اذكر الله واستهدي بالرحمن واحمد ربك عندك ابو الله يطول بعمره ترى انت معقد حياتك بنفسك ومكبر الامور كمل دراستك وبعدها بتتوظف ان شاءالله وبتتغير حياتك صبرت ع كلامك من كنت ب 4 ابتدائي راح الكثير مابقى الاقليل وترى اغلب مراهقين نفس كلامك اذا تحس بكتئاب قل لامك ورح عند دكتور نفسي مع اني احس وضعك عادي انت مكبر الامور اشغل نفسك بوقت فراغ بالمذاكره ولاتقارن بينك وبين الناس واهم شي صلاة

تقدر تختار إنك تصير مهموم وتفكر في المشاكل وليه ..الخ
وإنك تختار الحل الدبلوماسي وتفك راسك.


يعني:
العادات اللي ماتحبها (مثل إن ولد عمك لو شافك مع اختك ينقد) ماعليك منه، دام ماسويت خطأ لاتهتم لكلام الناس.

- ارامكو وش فيها؟ ترا كل الشباب يتمنونها.

- اهتم في دراستك لأنها المستقبل.
- والدك ادعي له بالهداية.
- السواقة عادي رح تتعلم. لو تطلب أحد زملائك يعلمونك على القيادة+ اطلب من والدتك تجيب لك سيارة من باب أقضي مشاوريكم وممكن حتى تشتغل عليها وقت فراغك.

- اللبس عسى مهب أكبر همك بس؟

أحد نقد عليك مشي الوضع ماعليك منهم، بعد الهندام لازم يكون مرتب ومحترم.

- أهم شيء وأهم من كل الحلول هو صلواتك ياطيّب. حافظ عليها بترتاح نفسيا.

الي فوقي
ايه اول همي لما اشوف الناس تلبس وعايشة ولو نص حقوقها
وانا ثلاثة ارباعه حقوقي مسلوبة
اقل شي اللبس مايكون فاضح او محرم عشان يحرمني منه
الي منصدم على اخوي صغير ماسلم منه حتى في اللبس
وارامكوا ماينفع كلام تسمعينه وخلاص ممتازة ووواوو
انا اقرا تجارب عن الي دخلو ارامكوا وكلهم اتفقوا انها جدا صعععبة
وابوي يبي نفسيتي تتعب عشان الفلوس مو عشان ولده
الله يكتب لي الرزق واقدر اصرف على نفسي واعز نفسي
صار عمري 18 سنة ولازال يعاملني كطفل والسبب التربيته الفاشلة م
لو قدرت اصرف على نفسي كان قدرت ارفع من قدري واكبر بعينه اني قدرت اصرف على نفسي او اعطيه عشان يحترمني ولا يذلني
كل الي حولي ماشفت احد مثل الي انا فيه
وربي يعين ويصبرني على الي انا فيه
واشكر الجميع على المساعدة ربي يسعدكم دنيا وآخرة
الله مساعدتكم للجميع وعلى مواساة
واجابة سؤال ماقصرتي ولاتزعلي من كلامي
وراح اركز في دراستي والله يرزقنا جميعا

اسال الله ان يفرج همك وهم المسلمين ..
اولا عليك محافظة على الصلاة لانها 100% راح تحل مشاكلك مهما كانت
خلي صلة بينك وبين ربك قوية .. وعليك ايضا بالصبر والدعاء .. وعليك بالصحبه الطيبة ..
لا تخلي نفسيتك تاثر عليك من ( صلاة وطاعة وبعد عن الله وعن دراسة ) حاول تشغل نفسك بشي
لين تتخرج .. وعليك تركيز ب نسبه ( شهادة سلاح لك لزمن ) لكي تكون مستقبلك ..

الله يوفقك ويرزقك طيبة الخاطر ..

اخوي الصراحه قريت قصتك وحسيت في شي منذ الصغر هو سبب تأثير للحين بسيبه انت تفكر فيه وهذي أكبر مشكله مدام الماضي يمضي لاتجعل اليوم يذهب منك اخوي في بعض الأشياء قريته وأحس انه السبب فيك انت اكثر شي لن لو ان ابوك ظالم عليك في بره وتسمع كلامه حتي لو صار الي صار يعني مثل انك تتكلم ع ابوك ترا له تأثير سلبي عليك في المستقبل أخي المستقبل أمامك ولا تجعله. يذهب منك ادراج الرياح أتوقع من كلامك لم تتجاوز العشرين أنصحك اخوي مدام ان الدنياء ماهي راضيه تمشي معك عليك بالتقرب من الله وانت تجعل الصلاة عبادة وليست عاده وأنك تكثر من الاستغفار أخي أتوقع انك محروم من أشياء والله راح يعوضك فيه بالمستقبل القريب عليك بالإكثار من الاستغفار احذر ان يستولي عليك الاحباط فتصبح صفراً في الحياة ؛ لا وزن لك ولا قيمة اصبر ، و قاوم ، و تحمل فالعثره التي تسقطك احياناً تنعشك ازماناً .