خلك في وظيفتك وشوف لك دخل اخر

وبعدها انت من يقرر ،، اما الاستمرار او الاستغناء عن احدهما

وين موقعك ؟ وشو عندك أشياء تفهم فيها ؟
راسلني على الخاص لو تحب وأسأل قد ماتبي ولك من المشورة اللي تساعدك إن شاء الله
لكن أنتبه تترك وظيفتك لأنها ترى مصدر آمان حاليا ً ومنها يكون الإنطلاق

نصيحتي لك مثل ماذكرو لك الاخوان

لاتترك الوظيفة لانها مصدر دخل ثابت ان شاءالله

أحد الاصدقاء بدا التقسيط وهو على راس العمل وماشاءالله اصبح لدية دخل مالي ضخم ( وترك وظيفته ) وحول من التقسيط الى تأجير السيارات وخسر ودخل مشروع أخر وخسر أيضاً والان مطلوب بمبلغ مالي كبير لايستطيع سداده

تزوج وعش حياتك ورزقك اللي كاتبة الله سياتيك لكن انت ابحث عن الفرص المتوفره وأستغلها
وعليك بالصدقة وكفالة اليتيم ليبارك الله في مالك وصحتك

نعم الوظيفة مقبرة ومن لم تقبرها وتقتله وتقتل طموحه فستكون معتقل اليف على اقل تقدير فستحد وستقيد طموحك وامالك وفرصك في النجاح ....
ولي قصة مشابهة نوع ما لك ، فانا توظفت بالمرتبة السادسه ثم تركت الوظيفة بعد ان ترسخت قناعاتي السابقه عن الوظيفة .
والان لي محاولات للدخول الى عالم التجارة ....
طبعا من اهم عوامل نجاح اي مشروع المتابعة وبما انك بتصبح متفرغ بعد ترك الوظيفة فستصبح متفرغ لمتابعة مشروعك وبالتالي توفر لديك عامل من اهم عوامل النجاح ....
بالنسبه للتمويل حاول قبل لا تستقيل باشهر تضغط على نفسك في المصاريف وتجمع اكبر قدر من المال تقدر وبعد الاستقالة ممكن تبحث عن شريك يكمل راس المال وممكن تتوجه لاحد الصناديق الداعمه للمشاريع الصغيره مثل صندوق المئويه وهكذا ابحث عن طرق التمويل المتاحة لك ....
ولكن قدر المستطاع قلل من المخاطرة عند الحصول على التمويل فحاول ان تجد شريك مثلا او ان تحصل على الدعم من احد الصناديق التي تدعم الشباب ، يعني لا تاخذ قرض او سلفه من بنك تجاري او من شخص ما يصبر عليك ، وانا اميل جدا الى الشراكة مع من تثق ، حاول تحرض اخوانك والدك اصدقاءك على التجارة وتخليهم يشاركونك ، لان بكذا تقل المخاطرة .
وايضا في نفس موضوع المخاطرة ابعد عن التجارة التي في عقود والتزامات مستقبيلة مثل المقاولات والاشياء هذي ، يعني كونك مبتدئ افضل تجارة هي تجارة المحلات ، يعني تفتح لك محل وبعدها تطور واذا تطورت واصبح عندك خبره وظهر ممكن تدخل في التجارة الاخرى مثل المقاولات والامور هذي .
و طبعا كلامي هذا عن المخاطرة هو وجهة نظر لك الحق في الاختلاف معه لكن انا اشوف ان البداية لازم تكون باقل مخاطرة ، والمقاولات على سبيل المثال فيه مخاطرة ، لازم توفي بعقودك والا تتوهق ، بس المحل اذا خسر عادي قبله وبتطلع باقل خسارة .
اخيرا باقولك انك راح تواجه مثل ما واجهت عندما استقلت من وظيفتي راح تواجه رفض اجتماعي واسري،واستغراب من تصرفك واتهامك بانك متهور تارة وبأنك استعجلت تارة اخرى .
بس ما عليك ولا يهمونك دامك مقتنع بالفكرة فهذا اهم شي ، اهم شي ان تقنع نفسك وهذا الزم ما عليك ....
محد راح يعرف مصلحتك اكثر من نفسك ولا احد بيكون حريص عليك اكثر من نفسك ....
الاهل الاصدقاء الاحباب يهتمون لمصلحتنا ولكن ليس اكثر منا ، كل شخص هو اكثر شخص يعلم عن نفسه وماهي طموحه وما يريد فلا يمكن انا يعرف احد اخر عن نفسك اكثر منك ....
اعتذر على الاطالة بس طولت لاني مريت بالتجربه
وبالتوفيق لك

لاتترك الوظيفه فهي امان بعد الله بالدخل الثابت اما التجاره ممكن تخسر
سو مشروع تجاري وحافظ على وظيفتك
فيه عسكري راتبه قليل وهو عنده مشاريع كثيره وكبيره بس حافظ على وظيفته

الله يرزقك