السلام عليكم ورحمة الله وبركاتة

..

اسعد الله اوقاتكم بالخير والمسرات اعضاء وإدارة .. وأصدقاء الأماني والبطالة عسانا نفرح بتوظيفهم واحد ورى الثاني ..

انا ياجماعة الخير من خلال منتداكم تعرفت على الجهات الداعمة للمشاريع الصغيره والفكرة دخلت راسي حيث اني لي رغبه بتجربت نفسي بعالم البزنز لعل الله يفتحه علي وعليكم ..
اي والله ..
وانا اقوم وادخل على موقع صندوق المؤوية واقرى واقلب واشاور لي اسبوع لما اني جزمت اني اقدم .. قلت شلون اروح لمهم هنا بحائل ولا اروح لم الرياض ولا شلوووون شلوووون .. اثاري الدعوى سهله تقدم عن طريق الأنترنت .. قمت قدمت .. طبعا عبيت بيانات كثيرة كلكم تعرفونه وش نوع المشروع وكم تكلفتة ومن هالعلوم .. بعد كذا صرت ادخل اشيك كل ماهذا << وكل ماهذا يعني من حينن لآخر .. مريت بثلاث مراحل من حالة الطلب بالبداية والله نسيته لكن الثانية كانت العرض المبدئي .. والآن له يومين متغيره وصارت حالة الطلب ( المقابلة ) مع العلم اني مقدم عليهم تقريبا لي عشر ايام ..
الحين ياجماعه الخير عسى الله يوفقكم ويفرحكم دنيا وآآخرة انا وش يلزمن اروح لمهم بمقرهم واقول لهم السالفه .. ولا انتظر اتصال منهم او باقي حالات آخرى ...
والسؤال الثاني انا ماسويت دراست جدوى إلى الآن يعني سويت حسبه على الطاير ومشروعي معروف وتكاليفة تقريبا معروفة لكن هل يطلبونه مني فور ما يستدعونن ؟؟؟؟؟؟؟؟ هنا السؤال أو اني اجيهم ويقابلونن بعديييين يطلبوون مني دراست الجدوى وهل لها نموذج محدد

افيدونن بكل ما تمتلكون من المعلومات اللي تهمن ولكم مني جزيييل الشكر ..
والله يوفقكم ولا يكدر لكم خاطر ويفرح قلوبكم ... ويسلم لنا ادارة ههالمنتدى والقائمين عليه ويخليهم لعينن ترجيهم ويتفرحهم بعياالهم قولو آآآمين