اتق الله يامتعب واطلب الرزق من الله سبحانه وتعالى

العوض بالجنه ..

الله يعوضنا بغيرها
شكلها راحت علينا

اللي يبي العلم يروح للوزارة قسم شؤون التوظيف

اخي مرحبا مع .. بما ان لك معرفه بأحد الموظفين بالوزارة ياليت تفيدنا متى تطلع نتائج القبول نبي نتعبك معنا شوي شايف حرتنا وانتظارنا ولله يقويك ..

النتائج مدري متى تطلع لكن للحين ما طلعت
بس بعض الشباب الله يهديهم
مثل اللي يقول يركبها بدون سرج
اما يقول داواموا الناس
إلا يقول واسطات
ولا يقول كذب مابه وظائف

اها .. الله كريم ..يعطيك العافيه

صباح الخير

أنا من ضمن إللي قدموا معكم من سنة وعليها ولا بعد طلع شي لكن خذوا نصيحتي

ومروا على شئون الموظفين ( الصادر والوارد ) وإعمل خطاب طلب وظيفة وبين فيها شهاداتك وخبراتك ، وأرفق معها الشهادات والسيرة الذاتية والدورات وصورة بطاقة الأحوال ، وقدم على وظيفة ( مقاول/مقاولين) وبيعطونكم رقم صادر وبيرسلونه على جوالاتكم ، طبعاً ماعليكم من مسمى الوظيفة السالفة ومافيها إنهم يحولونكم على الشركات إللي مسوية عقود تشغيلية معهم (شركات المقاولات) بس تداوم في وزراة المياة والكهرباء أو يحولونك على الفروع يعني دوامك إلى الساعة 2 بالكثير والرواتب على حسب الشركات تختلف من 4000 وفوق ، أنت وحظك ، والوظائف إدارية ، وإذا جاء ترسيم أو فيه شواغر بالوزارة أنت أول من يترشح ولك الأولوية

هذي الرساله وصلت منهم بعد ماقدمت أوراقي




وهذي صيغة الخطاب


التاريخ : / /1436 هـ
الموافق : / /2015 م



سعادة مدير / التشغيل والصيانة المحترم

السلام عليكم ورحمة الله وبركاته : وبعد

أتقدم بخطابي هذا راجياً من الله ثم منكم توظيفي على الوظائف الشاغرة لديكم (مقاول / مقاولين ) حيث أن لدي شهادة خبرة بوظيفة …………………………… منذ عام ………..م ، حتى تاريخ………………. ، ولدي مؤهل علمي : …………………………………………………………… ، بالإضافة إلى خبرة بالتعامل مع كافة برامج مايكروسوفت أوفس ، ولدي دورة ......... لمدة ............... من معهد ...............

سائلين المولى عز وجل التوفيق والسداد ،، ولكم خالص الشكر والتقدير ،،


ملاحظة : مرفق لكم صور من السيرة الذاتية وشهادات التخرج والدورات وبرنت من التأمينات الإجتماعية.


مقدم الطلب
الأسم : .......................
هوية رقم : .......................
جوال رقم : ........................


قدموا حتى لو تأخر توظيفكم بالطريقة هذي
والله يوفقنا ويوفقكم

السلام عليكم ورحمة الله وبركاته
آخر الأخبار تقول النتائج الثلاثاء المقبل
والله أعلم

مرحبا شباب ...الوضع صار م يطمن ندري انها ارزاق وممكن مالنا فيها نصيب بس اللي يعرف يرسل معروض على وزير المياه والكهرباء بخصوص التاخير اللي حاصل الله يجزاه خير لان على حد علمي ان في واحد بسبب التقديم اللي صار السنه اللي طافت ولا احد اترشح قام احد الاخوه بارسال معروض للوزير وشرح له كل تفاصيل التقديم بعدم توظيف المتقدمين وترشحهم .. من بعدها باسبوع واحد قامو بتحديث الطلبات بالموقع ... اللي يقدر اويعرف الطريقه يحاول يرسل للوزير لعلا وعسى ان يكون سبب برزق الاخوان معاه قبل لا يلعبو بالوظايف ويشغلوها لمعارفهم واسطاتهم ..