آستفسار ومقابلة بنك الراجحي

سهم الآمس · #1 (**permalink**) 31-03-2014, 06:16 PM

[COLOR="SlateGray")"]السسلام عليكم ورحمة الله ..

[/COLOR]

جتني رسالة يوم الخميس تاريخ 27-3 مكتوب فيها [ عزيز المرشح :لديك مقابلة شخصية لدي شركة الراجحي للخدمات يوم الاحد الساعة 9 صباحا . . ارجوا احضار اربع صور شخصية والسرة الذاتية وصور الشهادات وصور بطاقة الاحوال الموقع العلياء مجمع العقارية بوابه رقم 13 الدور الثاني مع تمنياتي لكم بالتوفيق ] < لا تدققون على الأخطاء الاملائية بالرسالة

طبعاً رحت لهم يوم الأحد تاريخ 29-6 الساعة 9 ومعي صور الشهادات والسيرة الذاتية على وظيفة مدخل بيانات . .
عطوني نموذج تعبئة توظيف وبعد ما كتبت بياناتي بالنموذج عطيت الموظف .. وفيه شباب موجودين يقدمون
ثم أنتظرت نص ساعة أو آكثر . .

دخلت على المقابلة ما أخذت 10 دقايق تقريباً ..

وبالمقابلة وقعت على تعهد توظيف مدخل بيانات مكتوب فيها المهام والراتب ..الخ
والموظف قال تجيك رسالة على رقمك خلال الاسبوع وتروح لمركز المعلومات بحي السلي الدائري الشرقي مخرج 18 على شارع اسطنبول ..
والى الان ما جاني شي منهم ..

ياليت اللي عنده علم أو معلومات بشكل عام بالتوظيف ببنك الراجحي ومركز المعلومات يفيدني ..

طفشت ومليت كل ما أقدم ومقابلة يقولون أنتظر أتصالنا ولا يجي شي . .
والله يرزق ويوفق الجميع

عاطل بالمستقبل · #2 (**permalink**) 31-03-2014, 09:57 PM

عسى احد يفيدك ان شاء الله .. و لا انت اول واحد و انا اخوك انا ادق مشاوير من الخرج للرياض و اتخسر فلوس و آخر شيء م فيه شي و كنك ي بو زيد م غزيت ولا هي مرة و لا مرتين و لا عندي مصدر دخل ثابت و الوالد قامط علينا الله يهديه يحسب معي مال قارون لاني سبق عملت والان م عاد عندي فلوس واجد يالله نمسك القرش لايروح .. و الحين نترزق من هنا و هنا لعل الله يغنينا عن الناس ... خلها على ربك بس ... و على فكرة البنوك ترى عندهم تعقيد ي دافع البلا .. قد قدمت عالبنك الاهلي قالوا اسبوعين و نرد عليك و لا ردوا علي لين تواصلت مع حسابهم بتويتر عطاني رقم اتصل عليه و نشبت للرقم لين ردوا و آخر شي مرفووووووووض

نادر الوجو · #3 (**permalink**) 31-03-2014, 10:32 PM

نصيحة اي وظيفه تقدمون عليها لا تنتظرو الرد ممنهم ابحثو عن غيرها ويجيك رزقك با1ن الله

بعض الشباب يعمل مقابله شخصية ويحرم نفسه من كل الوظائف بحجة اني عملت مقابلة شخصية وانتظرهم متي يتصلون وفي الاخير يكتشف انه غير مقبول ؟؟؟؟؟؟؟؟