السلام عليكم

كيف الحال ياشباب

ادخل بالموضوع على طول مااطولها عليكم ياربع

حبيت افتح مشروع وخترت مكتب مقاولات

الزبدة الحين انا خلصة من جميع الاجرائات باقي علي مشكله مكتب العمل واستلام الفيز

لي الان شهر ريح جاي على مكتب العمل من غير فائده

وسمعت ان استلام الفيز بعد ثلاثه اشهر

سجلة زوجتي وسجلة رجال في التامينات ابي اطلع الفيز بسرعه بس للان مو راضين يعطوني الفيز

الحين ابي اعرف متى بضبط استلم الفيز

وهل اقدر انقل عمال على كفالتي وكم تكلفه النقل

تعبت انتظر من مكتب العمل

يالربع لا تبخلون بالردود

تحياتي

استغفر الله

موضوع التاشيرات ما ياخذ ثلاث شهور خاصه لما تقدم طلبك الاخير وتكتب فيه مهن العمال الي تبي تستقدم ياخذ من 15 الى شهر وبالنسبه لنقل الكفاله كل عامل يريد النقل لك يسدد 2000 اذا اول مرا ينقل واذا ثاني مره هذي له ينقل كفاله يسدد 4000 اتمنى افدتك اخوي

أنا رحت مكتب العمل وأعطاني ورقه اكتب فيها العمال المطلوبة
بس للان ما استلم مكتب العمل مني الأوراق يقول لي انتظر
ولان أنا مو عرفه اعطيهم الأوراق ولا كيف تعبت انتظر

ثلاث شهور

طيب اقدر انقل عمال على كفالتي خلال هالفتره ولا لزوم اتعده ثلاثة شهوو

ليه ماتشوف أحد من المعقبين ؟؟

دايماً أشوف عروض لهم يطلع لك فيز خلال 24 ساعه !!

بالتوفيق ان شاء الله

مستشمر جدي ياليت اشوف معقب يعطيني خلال 24 ساعه
فين اشوف موضوع مثل هذا ممكن تعطيني رقم احد المعقبين اذا تعرف

بالنسبه للاخ اللي يقول خلال 24 ساعه هذي سلمك الله للعماله الفرديه اللي مثل السائق الخاص والمربيه والشغاله

اما بالنسبه لك اخوي عبدالله اذا اكتملت السعوده عندك 100% يبي لك بعدها 3 شهور من واقع تجربه

انا سعودة واكتملت النسبه عندي100% نهاية شهر واحد وفتحت بعدها الملف في مكتب العمل ووالله ما استلمت التاشيرات الا اليوم

تجلس بالمعاينه اكثر من شهر ثم اللجنه ثم اللجنه الفرعيه .. ثم مريتهم الاسبوع اللي طاف قال سدد وافقوا على 3 تاشيرات وسددت يوم الخميس اللي طاف وما سلموني التأشيرات االا اليوم

السلام عليكم ،،
بعد اكتمال السعوده وبعد تقديمك لمعاملة الاستقدام تاخذ ٦٠ يوم
وبالنسبه للنقل تقدر تنقل كفالة عمال ولكن!! يخصمونها من تأشيرات التأسيس اللي هي عادةً ٣ تاشيرات
يعني اذا نقلت ٣ عمال راحت عليك ال٣ تاشيرات حق التأسيس ،،، او انتظر لين صدور التاشيرات بعدها انقل كفاله.

بالنسبه لأخوي اللي يقول سدد حق التاشيرات ،، اذا سددت خلاص خلهم يولون وشيك على النت عن طريق موقع خدمات وزارة الداخليه ابشر اذا صدرت التاشيرات بتلقى رقم التأشيره في لوحة معلوماتي - طلبات الاستقدام ومالك حاجه تراجعهم لان رقم التاشيره بتلقاه في الموقع اذا صدرت..

بالتوفيق للجميع