الله يجزاك خير اجابه سؤال

رحت اليوم مكتب التوظيف النسوي بالاحساء وأحبطت

اول مادخلت ذكرت لها المشكلة قالت ارفعي مشكلتك لآمر قلتلها رفعت لآمر الف مرة وبعدين كيف ارفع لآمر عشان يرفعولكم وانا عندكم ليه ماتستقبلوا المشكلة مباشر ... ( صدق المثل : وين اذنك ياحبش )

المهم بعد ماحست اني مخنوقة خلاص قالت بشوف الحالات اللي عندنا لان في حالات معلقة من النظام ووجوها على فروع الوزارة وبحثت مالقت اسمي قالت الظاهر انت اسمك المعلق في فرع الدمام ... شلون ، الله اعلم ؟؟؟

المهم في الاخر قالت مااقدر اخدمك بشي غير انك ترفعي طلب لآمر واذا رفعت طلب أنا مايفرق عن آمر ...

بعدها حسيت باليأس والاحباط ولا شعوريا بديت ابكي قدامها دموعي تنزل من الضيقة والقهر

الا شوي قالت اجلسي بالانتظار بكلم المسؤول .. انتظرت انتظرت انتظرت انتظرت ... شوي نادتني قالت اكتبي خطاب بالمشكلة وعطيني شهاداتك ارفقهم مع الخطاب إلى جدة
المهم اخذت سكان لاوراقي الشهادة وتصنيف الهيئة والبطاقة وقالت برسلهم وعلى الله ..

المهم رجعت البيت بعد ساعة اتصلت علي قالت ردوا ايميل انه طلبك كان معلق وان شاء الله تنحل وبالنسبة للوظايف المطروحة اساسا مؤهلك غير مشمول من ضمنهم وانجلط في مكاني كيف يعني قالتلها انتو طالبين اخصائية تغذية وماحددتوا ان علاجية وبما انه عام فخريجات كلية العلوم الزراعية والاغذية لهم المجال وخاصة اني مصنفة من الهيئة السعودية للتخصصات الصحية اني اخصائية تغذية انسان ، وحدة قدمت وتم تقديمها قالت من وين هي متخرجة قلتلها من جامعة الملك سعود كلية العلوم الزراعية والتغذية قالت : اي خريجات كلية العلوم الزراعية اللي بالاحساء تخصصهم غير مطلوب كيف كذا ليه فاتحين جامعة ويدرسونا اربع سنين ويجلسونا بطالة سنين عشان بالاخير يقولوا هالكلام وليه جامعة الملك فيصل خريجات مستثنين حنا خارج المملكة ولا جامعتنا مو مرخصة ....
حدها قالت الله يوفقك وبس .....

موظفين الخدمة المدنيه ما يدرون وين الله حاطهم
بس ارجعي لهم بكرا و نزلي كم دمعه ترا عندهم صلاحيات التدقيق والتوثيق وكل شي واذا اشتهو بيخلصونها لك بثولني
واذا قالولك تخصصك مو مطلوب او الشروط ماتنطبق اكذبي عليهم وقولي زميلتي نفس مؤهلي توظفت و بكذا تحرجينهم

الله يعين انا مسجل اعتراض من اسبوع ما ردو و مابقى شي عن وظائف السلم العام

في وحده مثل وضعك قال لها الموظف بآمر وين المشكلة قدمي بالمفاضلة القادمة !!!!!!
بالله هذا رد
على العموم الله يفرج همك ويخلص الموظف التدقيق

توني اشوف ردك الثاني بخصوص جامعة الاحساء
لازم تتحركي انتي وكل خريجات هالحامعة بنفس تخصصك
وابحثي عن المواد اللي تم تدريسها لنفس تخصصك بجامعة الملك سعود وايضا المواد اللي تم تدريسها لتخصصك بجامعتك وارفعي بها لوزارة الخدمة
قبل السنة الجاية
ومشكلتك مثل مشكلة تخصص علم النفس بجامعة الملك سعود ومدري وش صار عليهم لانها قديمة
المهم لاتسكاي وتندبي حضك تحركي وباذن الله تنحل مشكلتكم

لعل بالأمر خيره مابعد الله كتب

الله يسهل لك كل أمورك وجميع المسلمين "

الله يفرج همك حبيبتي قطعتي قلبي ...
حسبي الله ونعم الوكيل ...