المشاركة الأصلية كتبت بواسطة ولد بطالة

بما انك من الرياض وشغال بالسوق

اللي سمعته انه فيه تجار خضار من خارج الرياض يشترون بضاعتهم بشكل يومي من الرياض

تقدر تزبط علاقات معهم وتصير المندوب حقهم بسوق الرياض

حتى لو المحافظات القريبة من الرياض

الله يوفقك وياليت تعطينا فكرة عن تكلفة المحل ودخله واي شئ تعرفه بحكم خبرتك

المشاركة الأصلية كتبت بواسطة روح اللييل

[align=center]


والله وانا اخوك

المحلات الي في المحافظات الي برى أغلبيتهم

عندهم ثلاجاتهم الخاصه للفواكه ولا يحتاجون للنقل , واكثر

المحافظات تصير مكتفيه ذاتيا من الخضار

اما بالنسبة لمحل الخضار ففيه خييييييييييير

بس لازم تنتبه له وتشوف لك احد من هالشباب

العاطلين الي عندهم استعداد يشتغلون بالراتب والنسبه

وان شاء الله يوفقك الله
[/align]

المشاركة الأصلية كتبت بواسطة معين

اخوي روح الليل

الأخ جندي عاطل من سؤاله يعمل في نفس المجال

عليك بالتنسيق معه بالإتصالا المباشر بالجوال

سوق الخضرة له تشعبات كثيرة

احدها يكون عندك معرفة باسعار الخضار في المدن الأخرى لو كان فيه صنف غالي في مدينة منها وعندك رخيص تشتري وتشحن لهناك فلو حصل بينك وبين احد الأخوان في النشاط تنسيق افضل لكم الإثنين ولو كانوا ثلاثة افضل اهم شي من عدة مدن وما يمنع حتى لو كان اثنين او ثلاثة من مدينه واحده اهم شي غير مدينتك بالتعامل معهم راح يكون فيهم واحد تفضل التعامل معه سواء سرعة ارسال قيمة البضاعة بعد يخصم اتعابه منها

يعني لو كان فرق السعر مثلا بين الرياض وجدة 5 ريال فيمكنك التنسيق مع الأخ وارسال له حمولة دينا 5 طن فلو مثلا سعر الحراج بجدة 5 ريال لكرتون وزن كيلو يحتاج لك مبلغ 25 الف تقريبا واجرة الدينا او الشاحنة مبلغ ما 500 ريال مثلا
فاتفاقكم على ان اي واحد يصرف بضاعة الثاني وياخذ تعبه على كل كرتون ريال فيكون خويك اللي صرف لك البضاعة حصل على مبلغ 5 الاف مقابل استقبال البضاعة والأشراف على تنزيلها في منطقة الحراج واستلام المبلغ من الدلال او التجار في حالة اشتروها بدون دلال وتحويل المبلغ لك بادخال المبلغ في حسابك وبالتالي فمكسبك من هذي العملية بحساب ان الكرتون كيلوا كما ذكرنا سابقا فمكسبك ( 4 ) ريال في الكرتون واجمالي المكسب 20 الف وخويك يحول لك 45 الف راس مالك والربح

وانت تصرف بضاعته بالمثل واتصالاتكم مستمرة ومعرفة الأسعار

اذا لو دخل طرف ثالث من مدينة مثلا حفر الباطن فاصبح لكم سوق ثالث وهكذا واذا نوعتم من فواكه لخضار وتم تشكيل حمولة الدينا راح تدخلون لحمولات التريلات

المشاركة الأصلية كتبت بواسطة حارس الشرق

شباب انا عندي خبرة قوية فى سوق جدة بالنسبة للخضار السر فى الحراااااج اذا تبغى تشتغل خلك فى الحراج المباسط الزينة مؤجرة . شوف انا قريت بعض تعليقات الاخوان الى يقول شرا الكرتون ب30 وبعد ساعة يحرجون علية ب20 شوف السوق عرض وطلب . بشرح لكم الوضع اي مزارع مايقدر يبيع فى السوق الا عن طريق مكتب تحريج يعني اي سيارة جاية من المزرعه خبرها عند المكتب والمحرج يعني السوق يتارجح مثل ابو 30 وربع ساعة 20 لية فية سيارات جاية نفس الخضار يعني مشي . المهم فيها خير الى بيشتغل لايطمع مكسب ريال ريالين فى الكرتون ومشي فى البداية بيكون مشتراك بسيط يعني من 20 الى 40 كرتون من ريالين وثلاثة على حسب زبونك وشطارتك لا تنسى اذا طولت فى محلك بياخذو عليك ايجار تقريبا من 25 الى 40 على حسب المساحة الى فارش بضاعتك فيها . بعد فترة يسير عندك عملا الى هم اصحاب محلات الخضار والمطاعم ... الخ ويسير بينكم تلفون وحجز ويتوسع شغلك . وانصح اي واحد بيبدء بنوع واحد مثلا البامية ملكة الخضرة تخصص فيها ولا تاخذ الا الزين النظيييف حتى لو غالية شوي تمشي ماعليك ( لكل بضاعة سوق وشراي) بعدين ترا فيها خسارة مو كلها ربح يعني يوم تطلع خسران 30 ريال اقل او اكثر وتذكر انك اذا ماخسرت ماتتعلم وعلى قولهم محد يتعلم بلاش
بعد فترة تسير معلم تنزل سيارة كاملة وتصرفها وهي باقى فى السيارة
معليش اذا كلامي مو مرتب لكن ارجو انكم استفدتو منة ... وتقبلو تحياتي

المشاركة الأصلية كتبت بواسطة حارس الشرق

الاخ عاطل 90 لو تلقى مكسب عندك بالرياض 3 ريال احسن من 10 فى جدة مو مضمونة . بالنسبة للارسال يجيلها اوقات معينة . بالتواصل بينكم تعرفونها اهم شي ثبت نفسك فى السوق خل الدلالين يعرفونك دائما تشتري
بقولكم نصيحة الى يخاف مايتعلم . وحاول تتخصص فى صنف صنفين بس . واذا لقيت نظيف زود حتى لو مع الكنق حق الحلقة . الزين يمشي ويفرض سعرة .. اصلا اصحاب المباسط يلفون وقت الحراج ويعرفون الزين والنظيف ويكونون قريبين منه وقت التحريج يعرفون سعرة كم لنهم بياخذون منة . هو صاحب بسط يعني بيشيل لزباينة شغلة مفرق والزبون يبغى النظيف وهم مباسط الحلقة يعني الزبون ماراح يلاقي برا الحلقة اغلى منهم . بس خلاص ( شعبولا )

المشاركة الأصلية كتبت بواسطة الواثق بربي

السلام عليكم ورحمة الله وبركاته

اعرف رجل كان يشتغل في سوق الخضار الان من أكبر تجار في سوق العقار وساكن في قصر كبير في محافظة كبيرة بالسعودية وفيهارزق كبير ولكن إذا كنت تبغى الحلال الواضح اللي مافيه شبهات ولا اتفاقات على المزارع المسكين يعني إنك تخالف طريقة ومنهج كثير من مجموعات بائعي سوق الخضار "وليس كلهم "وأعرف رجل آخر كان يحاربونه حرب شاملة لأنه مايدخل معهم باتفاقاتهم مع المحرج والتجار ومع ذلك نجح نجاح باهر لأنه قطع حبال الخلق وتمسك بالعروة الوثقى التي لاانفصام لها " تمسك بالحلال الذي أمر به الله " ولكن لاتنسى أذكار الصباح والمساء والمعوذات وآية الكرسي بعد كل صلاة


* من خططهم في محاربة أخونا إذاكان فيه حراج وحضر خوينا يزيدون بالسعرثم يوقف عليه السعرالغالي ثم يمشي خوينا ويوزع على المحلات والمتعهدين معه بربح ريالين على كل صندوق
وإذا جاء الحراج اللي بعده اتفقوا ونقصوا بالسعر كثيرا ثم يبيعون للناس بسعر أقل ويذهبون إلى من تعهد معهم خوينا ويعرضون عليهم بسعر قليل جدا يريدون الخسارة لخوينا ونقض اتفاقاته وتعهداته مع الناس فلابد من مرابطة أمين ليحضر كل أوقات الحراج وقطع التلاعب


. موفق بإذن الله ... لك مني أجمل تحية .

المشاركة الأصلية كتبت بواسطة عاطل90

السالفة بسيطة جدا يبيلها رجال تدورالمرجله تنزل السوق مويجلس خلف شاشات الكمبيوتر
وملاحظة على شباب المنتدى يبي يسوى ويفعل ولايتحرك يبي كل شي يجيه على الطاير
ياشباب نصيحه نصيحه نصيحه قووووووووووووموووووووووووا انزلو الاسواااااااااااق ترو فيها خير انزل
لا تنتضر من يدعمك براس مال ولا بافكار انزل وانت والله تستنتج اشاء كثيرة وتعرف طريق الصح والخطأ
ويجيب مشاريع وافكار
وانا معاكم بس وين الى يتحمل نبي رجاااااااااااااال تشتغل بجد ةصدق واخلاص وتحمل التعب والقهر وتحمل
اذا خسر ما ييأس يشوف وين الغلط ويصححه
واذا انتو صادقين اخسر من مالك وجهدك وتوكل على الله الحي القيوم
وراح تعينون خير كل
اتفقوا كل 5 او 10 او15 او20 اشخاص جادين من مكان وحد واعملو محفضة استثمار مثل تجار العقار
وكل واحد يدفع 500 او 1000 ريال لوكنتو 10 اشخاص بيسير عندكم راس مال 10.000ريال
انتدبوا 2 اسواق الجنوب و 2 اسوق الجمله في الرياض مثلا ويتواصلون ويشترون في البدايه بثلث المبلغ
يعني الكرتون مثل في جيزان من 10 ريال الى 30 ريال الباميه والرياض مثل 80 ريال سعر البيع
اشترى 10 كرتون 30 ريال =300 ريال بيع 10 كرتون 80 ريال = ربحت 500 ريال وهذه تكون عينه لسوق هل هي المطلوبه او لا وهاكذا
واذا اخذة 100 كرتون =3000ريال وبعت 50 كرتون 80ريال = 4000 ريال
واذا بتشتغلو 15 يوم فقط بربح 1000 ريال كل يوم = 15000 ريال طلع منها 2000 ريال اجار دينه بالشهر وسواق
2500 ريال الصافي 10000ريال
ولو اشتغلت 500 كرتون من كل نوع وكا مكسبك بس 5 ريال اقل تقدير بينما الواقع اكثر = بيسير يوميتكم 2500 ريال * 10 شغل بيسير شهرك 25000 الف ريال يشبااااااااااااااااااب انا ما اقول كلام من فراغ جربو شي واخسرو وتعلمو
لا تخاف من الخسارة الرزق من عند الله واذا خسرت ايش المشكله لا تجعل خوفك من الخسارة يمنعك من خير لك ولهلك توكلووووووووووووو على الله ورحو اطلبو الله لاعاد اشوف واحد فيكم مرتز في الموقع نبي تجاربكم وارائكم
واخر دعوانا ان الحمد لله رب العالمين
ارجو منكم لالا تغضبو منى اريد مصلحتكم وماتوفيقي الا بالله

المشاركة الأصلية كتبت بواسطة المعلوي نايف

بالنسبه اللي يبي يتاجر بالخضره انصحه يشتغل بالحلقه عامل لمده شهر فقط وراح يعرف كل شي واسرار السوق ومن يبدا

المشاركة الأصلية كتبت بواسطة التراثي

اذكر مرة مزراع كبير عرض علي اني اشتغل امعاه سائق دينا اوصل الخضار من المزرعة الى الحراج و لي راتب زهيد
و لا اعرف اني هل قد ضيعت فرصة ذهبية ام لا

المشاركة الأصلية كتبت بواسطة اناالسعودي

الله يصلح الحال


اخوي هذي مشكلة عندنا يا السعوديين نطفش بسرعة ولا نلقى شغل والاجنبي مصبح وممسي شغال



اخوي الدينة فيها رزق ما يعلم به الى الله

وكتوب على الشاص ضد الفقر اذا الله يسر


يعني لو عندك دينة اليوم اقل دخل لك 400 ريال يومي

وشغلة معروفة ويومية ولا فيها هم ولا تعب ووجع راس


من اول كنت ابا اقول لو عندك دينة انت والاخ قوة عزيمة تتساعدون انت عليك الدينة وهو راس المال


والفكرة بسيطة


كل اللي عليك تسوية تروح يم حراج البطاطس والجزر

وتشتري من الرياض البطاطس اعتقد ها اليومين على 2 ريال


وتحمل وتتجه لسوق الطايف من الصبح الى المغرب وانت مخلص الحملة والبيع على 4 ريال



اذا حمولة الدينة 400 كيس وقلنا صافي الربح 1.5 ريال بكل كيس كذا مكسبك في الحملة 600 ريال


يعني بالقليل دخلك الشهري 9000 ريال على الاقل اذا قلنا انك تشتغل 15 يوم بالشهر


وعندك البصل كذلك

والجح والشمام


وكل موسم له بضاعتة




على العموم الله يرزقك منواسع فضلة وييسر لك الرزق الحلال والغنى عن الحرام

المشاركة الأصلية كتبت بواسطة اناالسعودي

اخوي قوة عزيمة

ياهلا وغلا


مشروعك ناجح باذن الله بس اهم شي تكون اسم على مسمى وتكون صبور

المشروووع متعب لا كن مردوده مشجع


نبداء براس المال

5000 ريال تكفي ولو نص ها المبلغ برضوه كفاية


بالنسبة للمزاد
المزاد عام لكل من حضر يقدر يشتري ولا هو حكر على احد

اوقات المزاد
بالنسبة لسوق العزيزية
اذكرة قبل 5 سنوات 4مرات في اليوم يكون الحراج
بعد الفجر

وبعد العصر وبعد المغرب
والساعة 11 مساء


اليوم والله مدري


بالنسبة لافضل البضائع
انصحك تبتعد كل البعد عن البضائع المستوردة وخلك على المحلي لانه يصبر اكثر ولا قد عرف الثلاجات


طريقة توزيع البضائع في المزاد
اذكر ان مزاد العزيزية يوزع الحملات على اكوام كل كوم 20 -30 40 كرتون ويحرج عليها كوم كوم والحركة ذي عشان ما يكون هناك احتكار للبضائع
طريقة الشراء
اخوي لا تشتري من البداية
اول شي حط عينك على البضاعة مثلا طماطم ولا تشتري من اول الحراج
اصبر وشف على كم يوقف سعر البيع وبعد ما يتم بيع كم بيعة مثلا اذا قلنا 5 بيعات انباعت ما بين 5-7 ريال للكرتون هنا انت يصير عندك قاعدة ان سعر الطماطم اليوم ما بين 5-7 ريال ولا تنسى ان الجودة ونظافة البضاعة لها دور في رفع السعر

اذا وقف الحراج على بيعة انت ناوي تشتريها تعال عند المحرج وقل له انا ابي مثلا عشرين كرتون هو يبيعك بنفس سعر البيع اللي وقف عليه الحراج كل اللي عليك انك تحاسبة وتحجز بضاعتك وكذا هي طريقة البيع والشراء من الحراج


اذا بغيت تبيع في نفس الساحة انصحك تكثر البضاعة وتقنع بالقليل مثلا يكون عندك 200 كرتون وتكسب ريال في كل كرتون احسن لك في سرعة البيع واو فر لك في التعب

200 ريال في اليوم زينة وفي اقل من 3 ساعات وانت مخلص

اخوي سوق الخضار سوق حر وعالمه عجيب زي الاسهم


من استمر فيه وصبر عين خير

انصحك اذا بتخوض ها التجربة ابداء ولا تتراجع لو خسرت اكثر من مرة اهم شي تعرف الشغلة وشف بعدين كيف بيكون دخلك


الشرح السابق شي قليل جدا ولا يعد شي في سوق الخضار

والتجربة خير برهان اخوي

حاول تكون بالسوق كل فجر ومع موعد كل حراج لمدة اسبوع مثلا قبل تبداء اي شي وانت بتعرف الطريقة من نفسك

وراح تشوف كيف الاسعار تختلف كل يوم له سعر

على العموم اخوي الله يوفقك وييسر امرك ويغنيك بالحلال عن الحرام


اي استفسار انا بالخدمة اخوك فهد الغامدي