السلام عليكم ورحمة الله وبركاته..................
اصعب شيء في العسكرية حرس الحدود لأن دورتهم صعبه وكذلك عملهم صعب يحطونك على الحدود بدوريه وياويلك وياسواد ليلك إذا كشفوا احد تعدا الحدود اودخل الحدود من عندك
يقول لي أحد الذين دخلوا حرس الحدود في الدورة يخلونا نحمل اعمده ونجري فيها والله صعبه لو كان سلاح جثري أخف لكن اعمده صاحبي أخذ اسبوع وحط رجله.

الحلاااااااااااااااااق كم

حرس الحدود وماااااااااااا ادراك ما حرس الحدود.......؟
نصيحه لك اخ لا يدخل هذا القطاع إلا عنده خلفيه كامله عنه وبالذات مكان التعين
لان الدوره تهون مهما كانت صعبوتها لانهااااا فتره وتزول لكن المشكله الدوام انواع التعب والارهاق
من الاخر دوام الافراد اغلبيه يكون على الحدود السعوديه تعب فوق ماتتصور مخاطر بحياتك بأي لحظه من المتسللين يمكن تتعرض للرمي عشان فقط دخول المتسلل
انواع الخراب بكل صراحه متوفر
عزوبي متأهل ماينظرو بوضعك
ايام المناسبات او الاعياد يمكن تمر 3 سنوان مايحصل لك إلا عيد واحد فقط عند اهلك
حتى التحليل مايدققون فيه ولاحرص زايد ....اثناء الدوام
ابي اذكر معاناة شباب اعرفهم وطبعا فصلوووو بعد سنه فقط
شخص اثناء الدوام هو وزميله داخل السياره (طبعا يكون دوامك راكب السياره رايح و جاي على الحدلمدة 12 ساعه او اكثر) يتصوب من المتسللين عند اشعال سجاره تصوب بطلق بالراس .. تخيل هذا الموقف وانت معاه
والاخر فصل بسبب المعاناه داوم لمدة شهر ويريح اسبوع فقط طبعا متزوج
مع العلم ان اغلبية دوام الحرس الحدود بهذله ومرمطه ومسخره
والبعض الاخر شبه راحه
من الاخر الراتب مو كل شي اهم شي الراحه النفسيه قبل كل شي
طبعاااااا هذا نصيحه فقط لا اكثر

وعليكم السلام
علي العمووم حرس الحدوود علي حس المواقع يعني كل الي بلحرس الحدوود كلهم شغلتهم ميداني مو صحيييييح . فية مكاتب ومشاريع بس انت واصتك اهم شي لا يعينوونك بشمال المملكة ولا جنوبها والشرقية يمدحونها
وراوتب عادية ... تنفع الرواتب البدلات فقط
والله يوفق الجمييع .

أخوي فايز الحلاق طبعا برتبة جندي راح يكون


الراتب 5000 الالاف

والله ياشباب مافيه احد ينصح بحرس الحدود واقولكم قصه حصلت معي عندما كنت مسافر الى سكاكا عن طريق رفحاء عرعر وخلال الطريق حصلت عسكري رسمي متعطله فيه سيارته بعد رفحاء في احد المحطات واخذته معي لسكاكا هويبي سكاكا وسولفت انا واياه بوظيفته وطلع بحرس الحدود بالشعبه على حدود العراق وقال لاحد يقرب حرس الحدود يقولي عملنا على الحدود بالسيارة ثلاثة ايام ونستظل بالاشجار غير ذلك نأخذ اكل لثلاثة ايام لان ماعندك ولابقاله ولاغيره ماعندك الا الاشجار والصحاري ويقول اليوم الاول الاكل موجود واليوم الثاني اقل شوي واليوم الثالث مانحصل اكل الخبز يابس والماء حار وخلها على ربك ...... لكن يقول الراتب زييييييييين لكن العمل زفت لكن يقول الحمد لله رزق الواحد وش يسوي ........ بالتوفيق ... يكون بعلمكم سجلت اخوي وعلى الله كل شي .. خريج ثانوي 1423 .....

بعد استفسار من قريب لاحد افراد حرس الحدود يقوول :

الوضع تغير والاعتماد كامل على كاميرات حرارية موجوده على طول الحدود ، ويوجد طريق مزفلت محاذي للحدود .( قريبه شغال على حدود العراق )
بمعنى كلامه ان الوضع اهون من اللي تقولونه .. والله اعلم