تأسس الموقع عام
2006
Site was established in 2006
قسم مشاريع وأفكار ممنوع مواضيع المساهمات او المشاركة |
أضف رد |
|
LinkBack
![]() |
أدوات الموضوع
![]() |
انواع عرض الموضوع
![]() |
|
|||
شوفوا اخوي لازم تروح حلقه الخضار وتتعلم انت بنفسك |
|
||||
اقتباس:
التعديل الأخير تم بواسطة محمد الحربيِ ; 07-04-2014 الساعة 12:44 AM |
|
||||
اقتباس:
انزل السوق قبل صلاة الفجر وتفرج على البضائع واختار افضل نوع بطريقتك وبعد الصلاة لا تروح بعيد عنها خلك قريب ولا تشتريها ابداً مجرد اختبار فقط وشوف كيف طريقة بيعها . الحراج بالوقت الثاني مغرب عشاء على حسب منطقتك اختبر نفسك بنفس الطريقة وان فشلت نظرتك فما لك الا تتعرف على دلال وتقول له انا عاطل وابغى اقف على رجولي بالسوق وابغاك تشوف لي بضاعة زينه اشتريها منك بكرا ان شاء الله وتحدد كم كرتون وتلقى الترحيب من بعض طيبين القلوب . اذا وصلت عنده الفجر لا تزاود لأنك جديد اترك الناس تزاود ومن يقف عليه السعر اول واحد مباشرة قول للدلال العدد المطلوب وتدفع له القيمة كاش بنفس سعر من سبقك والزباين ينتظرونك تفرق الجملة وتبيع على الصندوق الواحد بزيادة ريالين ثلاثة لا تكثر حتى ما يخسرونك لأنهم متواجدين بالسوق من سنييييييييييين ويقدرون يربحونك ويخسرونك على طول بسب أن أياديهم بأيدي بعض ، ووجودك بالسوق بحكم وجود نظام المنع من البلدية بدخول اي اجنبي لداخل المزاد لكنهم متساهلين لأن السوق كله اجانب ولو وجدت ابناء بلاد الحرمين يمسكون هذه الشغلة لن تجد اجنبي واحد يزاود بالحراج بل ينتظر حتى تفرق ويشترون منك ولن تجد بأيديهم ما يعينهم عليك يابن البلد المسكين المغلوب على امرك . وليكن بعلمك الساعة سبع سبع ونص وانت مخلص ومعك ربح يسير ولا خسارة بإذن الله للخبير بالجودة والأسعار والسابق للبضاعة بعد الفجر . انزل وجرب وخل معك صرف عشرات خمسات ريالات وتاكد من ان بعض المناطق تفرق عن بعض فخذ حذرك وبشرنا بالخير والله يوفقك ويوفقنا جميعاً . |
|
|||
السلام عليكم ورحمة الله وبركاته |
|
||||
اقتباس:
حياك الله انا نزلت عندكم المدنية قبل يومين وسوقها ضعيف مقارنةً بجدة والحراج على الخضار يبدأ الظهر والفواكه تقريباً 7 ونص او 8 صباحاً . تجربتي في الخضار باختصار الصباح اربح والمساء اخسر والخسارة دبل الربح لعدم وجود قنوات تصريف وان حاولت تصرفها تصريف سريع برا السوق نادر تجد من يشتريها بربح ولو ريال اما البيع براس المال او الخسارة او تركن سيارتك وتبيع بالكيلوا او تنقلها بين المدن وهذه الطريقة تنفع لكن يلزمك البيع على الهايلوكس وهذه متعبه جداً . ايضا يوجد طريقة ممتازة وهي البحث عن مزرعة والشراء منها بعد معرفة اسعار السووق بالكامل ومعرفة البضاعة اللي عليها طلب كثير وعرضها قليل وهذه الطريقة لا زلت اسعى فيها ولم اجد المزارع المنتجه وقرأت لبعض الشباب أن المفتاح هو السواق يعني تجي بدري قبل الحراج مثلاً جده تجي السيارات محمله من المزارع الساعة واحدة بالليل ويبدأ الحراج بعد الفجر انت بدورك تسأل السوق قبل تواجد الدلال او تواجد احد قريب من السوق وتأخذ العلوم كلها ومكان المزرعة بس بسياسة ماهو من الباب للطاقه وتستمر حتى تجدها وان وجدتها تتفق مع راعيها بشراء الصنف اللي ببالك وتعرف اسعاره وتستأجر دينه لمدة شهر كتجربه او الهايلكس او اي سيارة حوض وتتفق مع دلال مشهود له بالخير اما تجده بالحلقه او تبحث عن المكاتب بجوارها بعد سؤال الناس اللي بالحلقه وتعال نوقف سياراتك عنده وتفرج على بيعها بس لازم تأخذ لك يومين خبرة بالحلقه حتى تفهم اكثر والطرق كثييرة ولا تنسى العماله اكبر عائق بطريقك بس خوفهم بالنظام . وبعض الشباب ينصح بالبحث عن المزارع والتعاقد معه على توصيل نتاجهم من 500 كرتون وطالع كل يوم ويأخذ على التوصيل ريال من كل كرتون لكن هذه مشكلتها وين نلقى المزارع ؟!! ومين اللي بيتعشم فيك ويقول لك تعال وصل بضاعتي ؟؟ وفيه تجارة فواكه وخضار مستوردة لكن مسيطر عليها وطريقتها تروح للمكاتب اللي تنزلها بالسوق وتستأجر منهم مبسط بالمعشق (موقف البردات) بـ 5000 تقريباً بالشهر وتحاول تدور مبسط بوسط المعاشق اللي شغاله تبيع او امام المدخل لأنه عندكم بالمدينة فاضيه بس زباينها قليل وتشتر منه البضاعة جملة وينزلها لك من البراد وتبسط تبيع بالمفرق بربح نص ريال او ريال على كل كرتون و الطبليه الواحده فيها 300 كرتون تقريباً وعلى حسب تصريفك ، عندنا بجدة يصرفون ثلاث طبليات تقريباً يومياً ولهم معارف وزباين وشغلها على العال لكن فيها مشاكل على كلام الشيبان بالسوق يقولون كل بعد فترة معينه ترجعها البراده وبينهم حسد الا مارحم الله لكن بنفس الوقت ممتعه وفيه ذهب . ابحث عن معارفك بالسوق وادرس السوق زين وتوكل على وبشرنا ولو تحتاج نشتغل ما عندي مشكله بس ادرس السوق زييييين والله يوفقك التعديل الأخير تم بواسطة محمد الحربيِ ; 17-04-2014 الساعة 03:36 PM |
|
|||
تفضل اخوي |
|
||||
اقتباس:
جزاك الله كل خير ... ![]() |
أضف رد |
(( لا تنسى ذكر الله )) |
|
|
|