عاشقة التدمير - قصيده نبطيه- اتمنى تعجبكم

عبدالله الغامدي · #1 (**permalink**) 17-01-2007, 09:09 PM

هلا باللي تكدر خاطري من كثر غيباته
علي ابخل من البخل وعلي أكثرمن التقصير
عشقت البخل من بخله علي بقل شوفاته
لأنه صار من طبعه وطبعه له علي تأثير
تعبت امشي على كيفه واعيش بقرب مشهاته
تعبت ادوره من لهفتي بين البشر تدوير
تعبت انطق حروف اسمه واردد عباراته
تعبت اساير اعذاره معي بالصدق والتزوير
غلط مره وهو داااايم معي ياكثر غلطاته
غلط واعطاني من وقته ساعة غلا وتقدير
اقول احيان ليه اغليه؟ وليه اعشق مداراته؟
وارجع اعشقه اكثر وادور للجفا تبرير
يكفي لابغيت ازعل عليه اتذكر صفاته
صفات(ن) لو يناظرها ابن الملوح خانه التعبير
يعاف يشوف ليلى وبعدها يغير قناعاته
وش ليلى؟ ووش عبله؟ حلا ماله أبد تفسير
ابعرف بس شي واحد متى تتحرك آهاته؟!
اكيد انه جمع زين البنات وعشق للتدمير

خريجة عاطله · #2 (**permalink**) 18-01-2007, 12:25 AM

ههههههههههههههههههههههههههههه

صح لسانك اخوي كلمات جدا رائعه

والله يكون بعونك

دمت بخير

محمد الزهراني · #3 (**permalink**) 18-01-2007, 02:19 AM

لا ياخريجه ماهي رائعه

بل قمة في الروعة

وقادم وبقوه

سلمت وسلم نبضك وحرفك الجميل والنادر

وصح السانك

غيمة عطر · #4 (**permalink**) 18-01-2007, 02:55 AM

ضـايع بقـوة هـوى عاشقـة تدمير
وهـوت بقلبـه في قاع الغلا من قوة التأثير
أسير في حب مخلوقـه عسى مايشملـه تحرير

يسلم لسـان شاعرنا مثل حرفه سالم من التكسير
إبداع من الله يابشر مايحـتاج له شـاهـد أو تبرير

عبدالله الغامدي · #5 (**permalink**) 18-01-2007, 03:07 AM

اختي خريجه ،،،
أخي محمد ،،،
اختي عاطله بالفطره ،،،
(الترتيب حسب الردود)

أثلجتم خاطري بزيارتكم وتفاعلكم الراااااائع
أشكركم
وأقرأكم في ود ...

أبو عزوز · #6 (**permalink**) 18-01-2007, 12:51 PM

صح لسانك أخي ضايع بقووه

عبدالله الغامدي · #7 (**permalink**) 18-01-2007, 08:54 PM

صح بدنك ابو عزوز
واشكرك ع المرور

سعودية عظيمة شان · #8 (**permalink**) 19-01-2007, 08:38 AM

رائعة جداً ...

ومدمرة جداً ..

وممتعة جداً ...

سلمت.. وصح لسانك أخوي ..

تحياتي لك ..

عبدالله الغامدي · #9 (**permalink**) 19-01-2007, 08:46 AM

الروعه أختي سعوديه
في مرورك وتعليقك
على الأبيات
لأنك قرأتيها
بعذوبة مشاعرك
أشكرك

وأقرأك في ود ...

عبدالله الغامدي · #10 (**permalink**) 03-05-2007, 12:32 AM

لمن لم يشرفني بزيارته

انتظر مروركم بشوق

أقرأكم في ود ...
ابونوره

عاشقة التدمير - قصيده نبطيه- اتمنى تعجبكم

الشعر والنثر

;) هلا باللي تكدر خاطري من كثر غيباته علي ابخل من البخل وعلي أكثرمن التقصير عشقت البخل من بخله علي بقل شوفاته لأنه صار من طبعه وطبعه له علي...

عاشقة التدمير - قصيده نبطيه- اتمنى تعجبكم

تسجيل الدخول

عاشقة التدمير - قصيده نبطيه- اتمنى تعجبكم

الشعر والنثر

;) هلا باللي تكدر خاطري من كثر غيباته علي ابخل من البخل وعلي أكثرمن التقصير عشقت البخل من بخله علي بقل شوفاته لأنه صار من طبعه وطبعه له علي...

عاشقة التدمير - قصيده نبطيه- اتمنى تعجبكم