خطورة الاختلاط في المستشفيات وظاهره منتشره عندنا هنا وانا ما ادري مدري كيف بعض العوائل ترضى بان بنته او زوجته او امه تشتغل في مجال لربما يهوي الى الهاويه

تابعت قبل فتره ببرنامج على التلفزون بزوج متزوج ولديه اربع ابناء وكانت زوجته حافظه للقران وعندما توظفت في مجال الصحه وبالتحديد مستشفى السعودي الالماني حدث الكارثه واكيد انكم تابعتو البرنامج وانتشر على اليوتيوب يقول بدت تتغير علي حتى اكتشفت انها مكونه علاقه مع افراد المستشفى مما ادى الى حمل سفاح والعياذ بالله
انا بصراحه صدمت مما رايت لان بصراحه ما عاد فيه ثقه خلاص واساسا كل بنت تعمل في مجال الصحه يا جعله في مستوصف لا اقبلها ولا يقبلها بعض الناس
اقول لكم امثله صارت لي في مراجعة المستشفى رايت في الاستقبال سعودي وبجانبه سعوديه وراصين جنوبهم مع بعض ويا كلون فصفص ويضحكون هاه وش باقي بعد ؟
ويحدثني زميل لي يعمل في مستشفى الجامعي بالرياض يقول والله ان السعوديات اذا مريت من عندها تمد رجولها تبيني القي لها بال
وسمعت في مجلس بشخص يقول ابوي متنوم باحد مستشفيات الرياض وانا مرافق معه وفيه غرفه بجانب غرفة التنويم فيه برادة ماء ويقول قمت الساعه 2 الليل ورحت لللغرفه الي فيها براده وفتحت الغرفه يقول لقيت مصري جالس ومعه سعوديه يسون شي ما له داعي اذكره يقول البنت هجت والمصري اختبص وقالي عايز اي خدمه اقدمها لك وقلت له ابيكم ترعون ابوي رعايه لين يطلع قال المصري ابشر وستر عليهم

المستشفيات ترى فيها مناكر لا يعلمها الا الله جرائم وساخه علاقات محرمه فانصح اي عائله ان لا تدع بناتهم يدرسون دراسه صحيه مهما كانت الاسباب ما لها الا التدريس فقط والوظائف النسائيه المستقله
جن جنوني عندما رأيت برنامج وكلكم عرفتوه ومنتشر على الصفحه الرئيسيه باليوتيوب الاكثر رواجا
هذا هي وحافظه قران عاد كيف الي مهي بحافظه

نعم أختي كلامك صحيح انا مرافق مع أبوي 6 شهور في مستشفى حكومي في الرياض والله اني أشوف أشياء توجع القلب وما اقدر اذكرها لكن المشكلة في رب الأسره إذا ما كان عنده غيره

الله يرحم الحال
ونعم الرأي رايك

المشكلة مو هنا المشكلة لما تودون أخواتكم وزوجاتكم وأمهاتكم وبناتكم للمستشفى بترضون

الممرض يكشف عليهن؟؟ ويقيس الحرارة والضغط ويحط المغذي و يمكن توصل لتغيير الملابس لبعض المريضات

اللي حالتهن صعبة!! لو انعدمن الحريم فالصحة ماراح تصير تحرشات بين الممرضين والدكاترة والمريضات وبتنظف الدنيا من الدناءة

والبنات والشباب بيعيشون في ستر وحفظ للنفس من الشياطين !!

مو عشان كم وحدة تعممون بالعكس توظيف البنات فالصحة نعععمة ورحمة لباقي النساء ولما تتعب الوحدة تروح وهي متطمنة وبدون خجل

من يد رجال غريب تنمد عليها والله يستر على بنات المسلمين وشبابهم .

حمانا الله واياكم ...... يا لطيف

الوضع مزري ومن جد ترا بعض المستشفيات مايقبلون إلا بنات كاشفات وبكامل زينتهم
المشكلة والخطر من اكثر من جهه يعني
الله يستر علينا وعلى ذريتنا ويسترنا دنيا وآخره

طيب سؤال
أنت ترضى إن أختك يكشف عليها دكتور؟!!
إن قلت إيوه يعني أنت ماعندك غيرة على محارمك
وإن قلت لا..فأنت تناقض نفسك
ما أحد يرضى بالغلط..بس مو هذا الحل
والله النظيفة تبقى نظيفة لو عاشت في كومة عفن..
والدنيئة دنيئة لو إنها عايشة في مسجد

يادافع البلى !!!

اللهم احفظنا من شرور انفسنا والشيطان وهوى النفس و شر البشر