السلام عليكم ورحمة الله وبركاته

ياشباب بخصوص مشروع بيتزا 10 ريال

وزارة العمل بتطول علي بالعمالة وانا افكر اني انقل كفالة اي عامل على طول واجيبه يشتغل عندي ( هل تنفع ؟ ) يعي هل بمجرد نقل الكفالة على طول اجيبه للمحل ويتوكل على الله يبدأ ؟ ولا لازم اجراءات وانتظار من وزارة العمل ؟

العجانة كم سعرها ؟

ماكينة الببسي حقت الاكواب كم سعرها ؟

انا ناوي اسلم الاجراءات لمعقب من استخلاص المعاملات من البلدية والدفاع المدني .. الـخ هل يلزم حضوري ام المعقب يخلصها عني ؟ ماحب وجع الراس

كم المدة لانهاء المعاملات ؟ كم تاخذ يعني ؟ اخاف استأجر محل واجلس 5 شهور او 6 شهور وانا انتظر الاجراءات تخلص وماقدر افتح المحل وابدأ بالشغل والاجراءات توها ماخلصت !!!

هل تحسون ان راتب المعلم قليل ؟ علماً ان سكن العاملين علي

ماهي افضل العمالة لمعلم البيتزا ( مصري - سوري ) ؟

مطويات الاعلانات والمنيو كم بتكلف تصميمها ؟
يعني لو ابي 1000 مطوية اعلان كم بتكلف ؟ ولمين اروح عشان يصممها لي ؟

اخوي انت تسال اسالة بدائية جدا نصيحه لا تبدا إلا بعدما تروح بنفسك وتشوف السوق اغلب اللى يدخل وهو ماهو فاهم شي بيخسر انا هنا ما اخوفك انا انصحك تروح تتعرف على نشاطك زين واش يحتاج خاصة ان عندنا بالسعودية لكل منطقة خصوصياتها وبخصوص مكتب العمل سارت امورة بسيطه كلها رخصة وسجل ويعطووونك العامل بس ترى ممكن يعطونك اقل مما تطلب انت وشطارتك لان الموافقة اصبحت من المكتب نفسة.
اعتذر على الإطاله بس والله ودي لك الخير

حبيبي انا لي سنة افكر واحلل في هذا المشروع وفاهم الشغل وطريقته كيف لكن كـ إجراءات ماعندي خلفية بس الحمدلله اخذت المعلومات من شخص موظف بالبلدية والاجراءات سهلة جدا وتخلصها في يوم وليلة عدا استقدام العامل ممكن يطول عليك اسبوع او اسبوعين او شهر

واذا تبي تفتح محل باسم مميز ومن اختيارك لابد سجل تجاري وتكون متسبب او يكون المحل باسم شخص اما متقاعد او اما باسم امك او زوجتك وتقدر تفتح محل بدون هالخرابيط والقروشه لكن بتسميه ( محل فلان للبيتزا )

العجانة سمعت عنها على 2000 و3 الاف ريال

شاكر لك مرورك وجزاك الله خير

موفق يارب

موافق بس مثل ماقلت ultan$ لزم تروح تشوف السوق والمطابع والله يوفقك

من احسن العمال في البيتزا هي الهندية و الفلبيينة
المطابع و الدعاية تبدء من 750 ل 5000 برشور

انا من وجهة نظري وقد تحتمل الصواب والخطأ
أهم شي الموقع
عندنا بتبوك محل اسمه بيتزا وفطائر بلودان ماشاء الله تبارك الله عليهم
موقع متميز العمالة اتراك العدد ممكن 8 عمال
وشغل عالي الجودة للبيتزا
تتصل عليهم من أجل الزحمة عشان تحجز فقط .


وفيه محل ثاني

موقع صراحة فاشل ... كان الله بعونهم
عدد العمال 1 سوري
وصراحة بالعادة اشوفه جالس على باب المحل او يسولف مع الحلاق اللي جنبه .

الخلاصة : الموقع الموقع أهم شي

اكيد الموقع اهم شي حتى لو كلفني الايجار
اخوي التراثي كم اسعارهن ؟

يعطيكم الف عافية يالغالين ماقصرتوا

الله يوفقك مشروع ناجح بس قبل ماتفتتح المطعم أعمل تجارب ع البيتزا مع المعلم الين ماتوصل لأفضل طعم ممكن يعمله لك. وأهتم في الجودة والنظافة وقبل كل شي أحترام العميل.

بالتوفيق

اخوي الصابر

انا عندي محل بيتزا وممكن افيدك من الالف الى الياء

اول نصيحة لا تفتح محل بيتزا ب 10 تكلفة الجبنة اصبحت عالية جدا

افتح محل بيتزا وحط فيه اسعار معقولة

س / في اي منطقة حتفتح المحل ؟؟؟