اسمعوا يا جماعة الخير ,,,, ادري اني بغثكم بسالفتي لكن حلمكم علي ووسعوا صدوركم علي شوي

سالفتي يا جماعة اني متخرجة من عام ترمس يعني من سنة جدي يعني من ثمان سنين يعني تحديدا من عام 1421هـ وشهادتي من سوء الحظ ماهي بجامعية شهادة ثانوية وتخب علي بعد

ومن هاك السنة الى هالسنة وانا من كلية الى كلية ومن جامعة الى جامعة ومن وزارة الى وزارة ومن امير الى امير ما خليت احد الا وابيه يتوسط لي ادخل واكمل دراستي لو على حسابه الخاص او حتى يوظفني مير ما عندك احد
وكله من الادارة الخايسة اللي تحوف بهم ويقطعون ارزاق خلق الله

لا تقولون ادخلي على حسابك الخاص لاني لو احفر بيدي ورجلي ما طلعت اكثر من مصروفي الشهري اللي من اول يوم يطير في فديون او مستلزمات الضروريه
بتقولون... وين ابوك والا اخوانك يساعدونك بقول ابوي يالله يالله يكد علي وعلى عياله واخواني مثلي وازفت

حتى الوظايف عجزت فيها من بيقبل ثانويه عامة بس لا دورات ولا لغة ولا شيء الا اذا عندك
وساطة
طبعا انا ما ادور الا وظايف حكوميه ... او بنوك اسلاميه يعني رواتبها تكون مرتفعة شوي مو 1500 والا الفين,,,, طراره وتتشرط خخخخ تدرون ليش لاني من خارج الرياض واذا توظفت يبي لي ايجار سكن والا على الاقل 1500 حق السايق اللي بيوديني ويجيبني


مالكم بطويلة ,,,,,,,:o انا مابي اخذ من جيوبكم شيء اللي عنده وساطة لي اكمل دراستي والا وظيفة محترمه جزاه الله عني خير
يرسلي على الخاص
واللي ماعنده يدعيلي ان الله يفرج همي ويفك ازمتي ومالكم مني الا الدعاء بظهر الغيب


ملاحظة للجادين فقط ((والله لا يوفق ولا يبيح من يلعب علي))

للرفع

مأقول غير الله يفرج همك وييسر لك أمرك وتابع معانا المنتدى لعل وعسى
وعندك حرس الحدود حاول تقدم اذاأنقبلت والله يوفقك

الله يفرج همك وهمومنا امييييييييييييييييييييييييييييييييييين

الله يعينك ويعين الجميع

ويفرج همك وهم المسلمين آجمعين ,,,

الله يحقق لك احلامك ويرزقك والحال من بعضه وانا اخوك

شوفي اختي الكريمة والله عارف ان الحال صعبة جدا سواء للرجال او النساء

ولكن فيه نصايح من ليس مني ولا من غيري ولكن من هو اشرف مني

من الله الكريم اللي بيده كل شيئ ومن رسولنا الكريم عليه الصلاة والسلام

قال تعالى ( فقلت استغفروا ربكم إنه كان غفارا* يرسل السّماء عليكم مدارا* ويمددكم بأموال وبنين ويجعل لكم جنات ويجعل لكم انهارا ) سوره نوح

والرسول عليه الصلاة والسلام اوصانا بكثرة الاستغفار

لا اريد ان اطيل عليك فأنتي اعلم مني بذلك

ضاقت فلما استحكمت حلقاتها * فرجت وكنت اظنها لا تفرج
(فإن مع العسر يسر * إن مع العسر يسرا )

ولا تنسي صلاة اخر الليل