[align=center]
يعتمد على نوع نشاطك او مشروعك ...

بس الأفضل لك فتح حساب منفصل سواء في البنك نفسه او بنك ثاني يكون فقط للايداع النقدي من قبل الزبائن .. تسحبين من هالحساب تكاليفك لشراء المنتج وتنفيذ طلبياتهم وتتركين الأرباح في الحساب من غير اي مساس .. حتى ما يختلط الحابل بالنابل ..

كيف ؟؟

بعطيك مثال ..

عندك حساب رقم (1) اودعوا فيه ثلاثة زبائن كل واحد مثلا بمبلغ مختلف الأول 200 الثاني 300 والثالث 500 المجموع 1000 ريال صح ؟؟

انتي طبعا عارفة ومتأكدة ان طلبية اول زبون ابو 200 بتكلفك 100 ريال وال 100 الثانية ربح لك اجل تسحبين منه فقط 100

وطلبية الثاني تكلفك مثلا 150 تسحبين فقط التكلفة وتخلين 150

ومن الطلبية الثالثة .. مثلا تسحبين 200 وتتركين 300

فبتسحبين للثلاث طلبيات مبلغ 100+150+200 = 450
والباقي اللي هو 550 بيكون صافي ربح لك في الحفظ والصون من العبث واللمس والضياع والتلف

لو طبقتي اللي فوق ان شاء الله ما اظن ان راح يصير تداخل في المبالغ وراح تعرفين بالضبط اللي لك واللي عليك ..

ويفضل تطلبين لكل حساب (حساب اونلاين) قابل لتحويل والسحب ومع بطاقة للشراء من النت بحيث تربطينها مع موقع paypal لو كنتي تطلبي من النت من المواقع ...

وموضوع الدفتر جدا بيكون منظم ويمكن فتح ملف وورد في الجهاز او اكسل وتحديثه .. فوق هذا يفضل تطلبين من الزبون ارسال نسخة او صورة عن ورقة ايداعه البنكي لك عبر الواتساب او الايميل الخ ..

ولو تعطين رصيد او وصل استلام مع البضاعة بيكون شي طيب وتحتفظين بنسخة من الرصيد عندك في ملف تكتبين فيه المبلغ والبضاعة ورقم المعاملة البنكية والتاريخ الخ .

اتمنى افدتك اختي ..
[/align]