ليه يااناس غير مؤهل

قلبي عليهم · #1 (**permalink**) 07-04-2014, 01:58 AM

صباح الخير

ياليت احد يفيدني

انا من اللي مستلمه 12 شهر وقدمت مع الناس لما قالوا بدا التسجيل

وقدمت من خانة صعوبة العمل ومكتوب جاري دراسة طلبك

وحده قالت لي ادخلي شوفي وش مكتوب بحالة الاهليه تفاجئت انه كلهن غير مؤهل

وش الحل ياالربايع يعني قصدهم اسوي اعادة طلب كل شهر ولا وش

اتعبني غلآك · #2 (**permalink**) 07-04-2014, 02:04 AM

للحين محد تأهل في حافز صعوبة الحصول على عمل
مثل ماتشوفين مكتوب جاري معالجة الطلب
والاغلبية كذا
انتظري الله يوفقك ويكتب لك كل خير .

أم القبائل · #3 (**permalink**) 07-04-2014, 02:21 AM

يمه فجعتيني
يعفن هالكلمه(غير مؤهل) والله اني خايفه بعد كل هالانتظار يدقوني بغير مؤهله..الله يدق كراعينهم

موجود بالخدمة · #4 (**permalink**) 07-04-2014, 02:27 AM

اختي الواضح من الصورة انه باقي ما نزلت الاهلية و انك باقي في التقييم

غير مؤهل خاصة بالبرنامج الاول

ام أسامه الحلو · #5 (**permalink**) 07-04-2014, 02:49 AM

طيب ماصار شي..ومو مكتوب غير مؤهل..الجدول يقصد انك شهر 4و2واللي تحتهم غيرمؤهله لأنك مااستلمتي شي وحالتك تحت الدراسه
والكل نفس الوضع..الله يكتبلك حافز..

بنت تكانه · #6 (**permalink**) 07-04-2014, 08:05 AM

نواضح انك استلمتي حافز البحث عن عمل وسجلتي مرة ثانيه فيه سجلي بحافز صعوبه البحث عن عمل

قلبي عليهم · #7 (**permalink**) 07-04-2014, 08:10 AM

بنات الله يرضى عليكم

انتم طلع نفسي ان السبب 12 مستفيده من المده المحدده

صديقتي مقدمه بس مو هذا اللي طلعلها من خانة السبب

اتعبني غلآك · #8 (**permalink**) 07-04-2014, 09:53 AM

^^^
ايه مثلك
طيب عشان تتاكدين كمان شوفي غير موهله بجنب برنامج حافز البحث عن عمل اللي هو الاول
وانت الآن مقدمه على صعوبة الحصول على عمل اللي للحين ماطلعت اهليته
اتمنى وضح لك كل شي .

ابراهيم الرقيبة · #9 (**permalink**) 07-04-2014, 10:49 AM

أنا مسجل الوالدة ويطلع لي في حالة الأهلية : لم يتم تقييم حالة الأهلية لطلبك بعد !

وبالنسبة للدورات هل في دورات لحافز صعوبة الحصول على عمل ؟!

جاوبوا الله يخليكم ..