السلام عليكم ورحمه الله وبركاته

باذن الله بدخل في تجارة الاغنام واريد النصيحه

السلام عليكم ورحمه الله وبركاته

انا عندي خبرة بالغنم ليست كبيرة لكن يوجد عندنا غنم

لكن انا ودي ابيع واشتري بالغنم اتوقع انه افضل من المقاني

لكن ليس عندي خبرة بالبيع والشراء

اتمنى احد يفيدني كم احتاج راس مال حتى ابدا في هاذا المشروع

هل عشرة الف تكفي لبدايه مشروعي

وهل الشراء والبيع في هاذا الوقت مربح

اتمنى احد يفيدني خصوصا من راعين الخبرة

بالنسبه للاغنام فـــ موسمها على طول العام
رمضان يعتبر موسم
ما بعد رمضان يعتبر موسم ( العيدين الفطر والاضحى )
الاجازه تعتبر موسم ( الزواجات )
ناهيك عن اوقات الربيع تعتبر موسم ( للمقاني و المواليد )
وهكذا __

رأس مال 10,000 تعتبر جيده جداً
ولو حاولت تتوصل لمطاعم المندي وتحاول توفير الذبائح ( تيوس هرافى ) لهم لكان افضل ( اذا تم ذلك يجب زيادة رأس المال )

اما من ناحية اكتساب الخبره
هو تقريباً سهل اكتسابه اذا حاولت الذهاب لسوق على مر اسبوعين فقط لمعرفة اسعار الاغنام بشكل عام ومختلف الاعمار ( بدون ان تشتري ) _ بعد ذلك تبداء بالشغل وعدم المخاطره بشراء اعداد كبيره
* ملاحظه _ وانت تشتغل فيها انت بنفس الوقت تكتسب خبر ه
لان شغلة الاغنام ليست جهاز يكون تشغليه 1+1 =2
المجال مفتوح والسعر متفاوت وفيها ( صيدات ) __ بس انتبه لاتصاد ههههه

والله يرزقك من واسع فضله وكل المسملين

هار دسك


مشكور اخوي على النصائح

صحيح مع الوقت الواحد يكسب خبره

عندك قبل عيد الاضحى بشهر يكون الطلب على الذبائح كبير جدااا

والاسعار ترتفع بزيادة


يعطيك العافية اخوي

أنصحك تطرح موضوعك بمنتدى الأغنام
لانهم راح ينصحونك بأفضل الأنواع لبدأ تجارتك

الله يوفقك مثل مشروعي اللي راح ابتدي فيه تجارة خرفان

الله يرزقنا من واسع فضله يارب

مرحبا اخوي
بالنسبة لتجارة الاغنام فيها خير كثير و مربح طيب
اولا ؛ لو يكون راس المال دبل ، يكون افضل
ثانيا ؛ انصحك انك تشتري الماعز اللي مولدة
لانك تقريبا راح تشتريها ب 1300 كسعر متوسط هي و ولدها و لو تشتري 15 راس و تصبر عليها شهرين تقريبا راح تبيع التيس ب 800 و الام ب 800 يصير ربحك 300 ريال ناقص علف الشهرين اللي مضت ريال لكل يوم =60 فالفايدة هي 240 ريال تقريبا .
يعني العنز طلعت لك مربح قيمته 120 ريال لكل شهر ،،، 15 عنز × 240 ريال ربح = 3600
ملاحظات ؛
الخرفان و سالفة الربط لرمضان او العيد ما يطلع لك الخروف 50 ريال بالشهر
العنز ام التوم لو تشتريها ب 1800 انت تعتبر ربحان بعد الشهرين 480 يعني دبل ربحك من ام واحد
اهم شي صحة العنز و اولادها يكونون شبعانين و شكلهو صاحي و طيب
لا تشتري من الي يقولك العنز ناقصها علف ، يبيلها اكرام و من ذالكلام ، الغالب تلقاها فيها مرض خفي و مع الوقت تموت عندك هي و عيالها .
لا تشتري اللي ديدها عايب او عوراء او خلافه
احرص على الشبب و لاتكون كبيرة
لا تنجر وراء كلام التجار و قليلين الخبرة من ناحية المزاين و الصنف و العوارض ام اذن و الكلام الفاضي
لان الانعام خلقها الله للحليب و الركوب و اللحم و الاستفادة من شعرها و وبرها
عليك باللي يسمونه حبش او مصرية و كلما كان جرمها كبير كانت افضل
العنز مو مثل النعجة ، لانها تحتاج دراية و رعاية اكثر و لكنها تعطيك ربح اكثر
الحلال اذا وصل مية راس صدقني بتحصل ارباح شهرية لا تقل عن ال 7000 ريال صافي كأقل تقدير
ابدا بالقليل و تعلم البيطرة من خلال ممراستك و تعرف وزنية الاعلاف و غيره

مشروع ناجح انشاء الله

لانه طلب عليه من المطاعم و الشركات التموين و الناس

لو تفتح مزرعة و قسم ثاني ملحمة يكون رائع

تربية الاغنام والانتاج على المدى البعيد افضل استثماراً
وكلما زاد عدد الغنم يكون احسن
لانك تحتاج عامل لعشرة روس او مائه راس
شغلها واحد
لكن كلما زادت يكون الانتاج اكثر
ولا يضر ان يكون هناك جزء للشراء المباشر ( مواليد) وبيعها بعد مدة وجيزة
وعندي اقتراح
شراء مواليد في هالوقت من السنه شهر 6
وتربيتها وتسمينها ستة اشهر
ومن ثم البيع في عيد الاضحى
ممكن حساب التكاليف بالريال
وحساب الارباح المتوقعه
واهم شي الامانه في البيع والشراء
والتوفيق بيد الله

الله يوفقك أخوي والغنم غنيمه ، وبداية موسم تشتري قبل نهاية سبعه دخول ثمانيه ، تلاقي الحلال راكد ،
واذا دخل رمضان ل بعد ظحيه ب اسبوع ملعلع ،

ف انصحك تشتري بالوقت هذا ، اسئل مجرب ، بس توظفنا ، ونقلنا لمنطقه شرقيه وخلينها ،

واذا ع المزاين والعوارض ، اسعار طيبه ، وخياليه شي يرفعك فوق وشي ينزل فيك ،

شد حيلك وبتعين خير ، وبالتوفيق ، لك