السلام عليكم ورحمه الله وبركاته ..




اخواني انا ابلغ من العمر 26 سنه لا وظيفه ولا شئ عاطل باطل


المهم جتني وظيفه عسكريه بأحد القطاعات العسكريه الرتبه جندي

والحمدلله حالتي الماديه اقل من المتوسطه بشوي

يعني اقدر اضبط اموري في البعثه


وماخاب من استشار

الله يوفقك ويكتب لك اللي فيه خير وصالح
استخر وشف وش يصير معك

up

up


up

انت خريج ثانوي ؟
او جامعي ؟
او دبلوم ؟

البعثه مضمونه وعندك <؟ ولا كيف ؟

وعليكم السلام ورحمة الله وبركاتة


شوف اخوي انا واعوذ بالله من كلمة انا

انسان واقعي ومحب الف وادور سواء على نفسي او على غيري

أول شي خلك واضح بينك وبين نفسك وتعرف شنو تبي بالضبط


طبعاً الدنيا اخذ وعطى

انت اجلس مع نفسك ونفسك فقط

او مع شخص عزيز عليك جداً ويقولك الكلام الصريح وبس يعني يعرفك زين ويعرف قدرت تحملك الى وين ويعرفك هل انت رايح ابتعاث لوسعة صدر وتغيرت جو الخ الخ الخ

لاتستشير واحد نفسه وخاطرة في الابتعاث واموره مرتبة

يعني يرجع من الابتعاث المهر حقه جاهز

واسطة ترتبه في اي وظيفه جاهز

سيارة يشترون له اهله

شقته للزواج موجوده وجاهزه

يعني شوف انت من اي صنف من الناس



انت شوف امورك وشوف وضعك كيف راح يكون وشنو الشهادة الى راح ترجع فيها

ولانجلس نكذب على بعض شهادتك الى راح تجيبها هذي هل فيها مجال وظيفي متوفر هنا والا لا وطبعاً الوظيفة برضو بيد الله بس مجالات الشهادات والتوظيف بدون واسطة واضح عندنا في السعودية


انت أجلس مع نفسك جلسة مصارحه هل بتروح ابتعأث عشان تغير جو من البطالة والقرف الى عشته
ومن الى حواليك ومنها تتعلم لغة انجليزية وتوسع الصدر وتغير جو وتجيب شهادة وتجي

والا رايح لهدف تجيب شهادة مو بسيطة وفي تخصص مو بسيط



شوف انت طموحك شنو بالضبط وطبعاً كل شي بيد الله

بس انت شوف شنو تبي بالضبط هل تطمح توصل لعمر 30 وتتزوج او 29 او 32 او 35 شوف العمر الى انت ودك تتزوج فيه وحدده بدون لعب

هذا اذا انت نأوي تبي تتزوج

خلاص بعد ماتشوف هالشي شوف مستواك المادي من ناحية الأهل الخ الخ ولاتكذب على نفسك لنا الى مستواهم المادي في المتوسط او تحت المتوسط محد يدوم لحد

يعني ممكن أهلك يتحملونك لمن عمر 30 بعدين الدنيا تتغير او اخوانك الصغار يكبرون الخ الخ



المختصر اخوي انا الى اشوفه الواحد يدخل جامعة في السعودية ويشد حيلة في تخصص يوظفة مدرس او طبيب او اي شي اخر

المهم جامعة في السعودية وادرس تخصص جامد يبون فيه وظايف في السعودية اما اني ادخل تخصص عادي او الكل داخلة الله يعينك انتظر الدور في الخدمة المدنية



شوف اخوي انت عمرك 26 والسنه الجاية او هذي السنة على حسب الشهر الى انت مولود فيه راح تدخل 27
والعسكرية الداخلية مثل الامن العام والدفاع المدني والمباحث الخ الخ ماتقبل الى يدخل عمره 30 سنة وانت براحتك يعني اخر عمر للعسكرية 29


عندك الحرس الوطني يقبل عمر فوق الـــ 30 بس ماتدري يمكن في اي سنة يتغير القرار

وعندك البحرية يقبلون عمر الـــ 32 ويمكن يتغير هالشي في اي لحظه


انت اذا شهادتك ثانوي خلاص ادخل العسكرية وربك يوفق ويسهلها عليك

اذا شهادتك كلية تقنية او جامعة المهم شهادتك فوق الثانوي لا يابوي لاتدخل برتبة جندي انتظر في تسجيلات جاية وتدخلها ويعطونك عريف او وكيل رقيب على حسب شهادتك ولو جامعة شهادتك يا سلام رقيب



انا كلامي مو معناته اني اقولك روح العسكرية لا ياخوي الوظايف والرزق بيد الله سبحانه

بس انت الحين 26 وشوف وضعك بنفسك وقيمة هل عندك واسطة هل جلست بطالي فترة طويلة وتحركت وسجلت يمين يسار ومافي فايدة ماتوظفت

ورب العالمين رزقك بالعسكرية وشهادتك ثانوية خلاص ادخل هذا رزقك والى كاتبة لك رب العالمين يمكن تلقى العسكرية ورتبة جندي هذي رب العألمين يكتب لك الراحة و التوفيق فيها طول عمرك

وكمل دراستك انتساب في اي جامعة وخذ الشهادة الجامعية ويصير عمرك 30 سنه او 31 سنة توك متخرج من الجامعة وقدم في اي وظيفة ثانية وان شاء الله تنقبل وتتخلص من العسكرية

او ترفع شهادتك الجامعية لوظيفتك العسكرية وتترقى منها ويضبط راتبك للأحسن



وبرضو لاتفكرني اقولك لاتروح ابتعاث لا يابوي اذا في رأسك الابتعاث روح الله يوفقك بالعكس وجيب احسن الشهادات

انا فقط ابيك تجلس تصارح نفسك انت رايح لشهادة والا وسعة صدر وتغيرت جو بدال قرف البطالة الى عشته ووجيه كثيره تبي تغيرها ههههههههه

والله انا انسان عادي جداً ولو تقولي بروح اوسع صدري واجيب شهادة وانتهينا اقولك روح وسع صدرك وشوف الموزز هههههههههه

أهم شي انك تعرف شنو تبي و واثق من نفسك و تتحمل قرارك



[align=right]
- اول شي تؤمن بالقضاء والقدر في كل شي + أبذل الأسباب

- ثانياً صلاة الاستخارة

- وبعدها اجلس مع نفسك ونفسك بس وشوف من داخل قلبك وعقلك شنو تبي بالضبط

- وبعدها استشير الناس الواقعية الفاهمه مو تروح لواحد مقهور ما توظف او تروح لواحد خاطرة في زواج او واحد اهله مشاء الله تبأرك الله مو مقصرين عليه في شي وكل شي يبيه يجيه وخاطرة في ابتعاث ويقولك يارجل روح ابتعاث احسنلك

الخ الخ [/align]


أسف على الاطالة بس خلاص انت في عمر لازم تحدد شنو تبي وكفاية ضياعة عمر

كلها 4 سنوات ويوصل عمرك 30 وحتى لو وصلت 30 توك صغير بس خلاص في هذا العمر الواحد المفروض محدد شنو يبي ومأخذ الشهادة الى يبيها


بالتوفيق

زي ماقالو الاخوان .

اذا وضعك بطران بلعربي وتقدر ترجع بمضمون الواسطة الى بتدخلك وظيفة

رح بعثة وادرس


واستخير وربك بيوفقك


كلنا ماودنا ب العسكرية لكن العمر وصل 28 وعاطل وثانوي ماعندى واسطات ولاشى على الله

الله الموفق

اخوي اذا عندك احد من معارفك .... من الضباط انشب بحلقه وتوظف عنده وخلك حوله ... لما يمر على تعينك 6 شهور الى سنه كلمة انك تبي ابتعاث

ومن افضل الانظمه بالابتعاث بريطانيا وتحقق من الملحقيه السعودية ببريطانيا لان كثير من الشباب يشتكون من موقع وزارة التعليم العالي على الجامعات المعتمده او الموصى بها وتحديثه بطئ جدا
بنسبه لك لانك كبير بالعمر تخلص ال بكالوريوس ب 3 سنين ..والماستر ب 11 شهر ... والدكتوره ان قدرت عليها ف هي ب ثلاث سنين
يعني لو تكون منتظم بدراستك ممكن تخلص 7 سنين وال 7 سنين هذي خبره ^_^ غير الي وانت بالديره طبعا
خذ الخبره وارفقها لشهداتك وابحث عن وظيفه اعلى من الي راح تكون عليها بالعسكريه
وبالمناسبه لما تبتعث وانت عسكري تترقى هواء ^_^ الرقم يجيك قبل الي بالديره
ولك راتب بالديره وراتب ابتعاث ^_^ من ناحية راتب بالديره وراتب ابتعاث هذا كلام واحد من الشباب ويفضل تتاكد منه
ودراستك مجانيه ولك دعم
والدراسه على وزراة الدفاع مفتوحه سهل التمديد من الملحقيه طبعا
لكن الخروج اول مره هو فيه صعوبه لكن ك تمديد من بكالوريوس الى ماستر الى دكتورة سهل
على العموم
الله يوفقك يارب

الرتبة جندي يعني شهادتك ثانوية ؟ راتب الجندي 7500 ريال والمدني بالمرتبة السادسة براتب 6000 اذا كنت جامعي
الشهادة ما تفرق كثير بالسعودية صاحب الماجستير يعين بالثامنة براتب 8000 فقط

انصحك تتوظف وتكمل دراسة عن بعد او تعليم موازي احسن لك

اخوي نصيحه ادخل عسكريه وبعدها كمل عن بعد تكون ضربت عصفورين بحجر الدراسه يبي لها صبر واجتهاد وكلنا ماعندنا سالفه تقبل رأي ولا تزعل واذا على الطلعه تقدر تاخذ اجازه خارجيه والله يوفقك