شكراً كل من شارك بالموضوع و تفاعل معه ..
لكن اقول للمعارضات اولاً هدفي من هذا الموضوع ليس المطالبة ان تكون الأولوية لخريجات الامتياز بالوظيفة كذلك القديمة لها حق لكن انا وضعت الهشتاق و مطالبتي فقط حتى لا يصبح المعدل مهمش و اقل نسبة في نقاط المفاضل
انتم كلكم عارفين الطريقة اللي استخدموها مع البديلات في مفاضلتهم و ان نسبة المعدل و جهد اربع سنوات اقل نسبه حتى اقل من نسبه درجه قياس بالمفاضلة و هذا لا شك انه ظلم ما فيه اي وجهة مقارنة بين جهد اربع سنوات لنتيجة اختبار ثلاث ساعات و الاغلبية معارض فكره قياس حتى المجتازات و انا الحمد لله مجتازة قياس رافضة فكرته لان اعرف خريجات امتياز و معدلهم عالي ما اجتازن و لا حالفهن الحظ و انحرمن من المفاضلة اللي فاتت و ايضا هناك معلمين مدارس اهليه يعني عندهم خبرات و صلوا لخمس سنوات مع ذلك اصبح اجتيازهم لقياس شبه مستحيل وهذا يدل ان قياس ما يقيس الكفائة و الله اعلم انه يقيس فقط الحظ
لكن اذا انتم فعلاً معارضين فكره مطالبتنا اللي يمكن تفشل و ما نلقى اي استجواب
ان الجميع يطالب اولاً .. تضل طريقة حسب النقاط القديمة كما هي معدل + اقدمية فقط
ثانياً ... نطالبة بزيادة الاحتياج السنوي
هالهشتاق #خريجات_امتياز_عاطلات
حنا نتفاعل فيه كتمهيد لكن عند تغير طريقة حسب النقاط راح نطالب بتوظيف خريجات الامتياز و بقوة مثل خريجات المعهد و الكلية المتوسط و البديلات و مثل ما شفنا كثير معارض للبديلات و مع هذا نجحوا و الحين ما شاء الله قريب يتوظفون
و ما ضاع حق وراه مطالب ..*
و لا تجون تقلون ظلم تطالبون و ان ما لكم حق في الاولوية بالتوظيف
اجل الاولوية للقديمة حبيباتي كلنا بالهواء سواء محد له حق بالتوظيف عشان كذا الوزارة تلعب فينا و كل يوم لها نظام
حسبي الله عليهم لو اني عافة انه راح يصير لي كذا تسان مريحة نفسي ما تعبت بالمذاكرة و لا قفلت على نفسي شهر قبل الامتحانات
انام بفراش و اشطف بالمحاظرات و اجلس طول الوقت بالكفترياء اهم شيء شهادة و الوظيفة حياها متى ما جت صح يا بنات شيء ببلاش ربحه بين ..
محظوظة خريجة المقبول لا جهد و لا شيء حصل وظيفة كان بها ما حصل ما خسرت شيء طول عمره مرتاحة ..*

البنت ماقالت شي غلط لأنه الخوف تتغير سياسه حساب النقاط وان شاء الله ماتتغير بس الوسوسة لعبت فينا من قراراتهم لكن الواضح في جداره 3 انه حساب النقاط على المعدل والاقدمية وقياس فقط اجتياز ووضع البديلات تماما غير وضعنا صراحه عقب هالسنين وتجميع بالنقاط يلغونها .......قياس فقط اجتياز

انا خريجة امتياز ولي الان سبع سنوات عطالة لكن مع ذلك مافيه فرق بين الممتاز والجيد كلنا بالهواء سواء
الكل عنده ظروف والكل يبي الوظيفة
الله يرزقنا من عنده

يابنات تتوقعون فيه خريجات امتياز بقسم الاحياء متخرجين من سبع سنوات وماجاتهم الوظيفه

تقديري ممتاز ومتخرجه من سبع سنوات