السلام عليكم ورحمة الله وبركاته ،،

الموضوع بإختصار :

أنا موظف إستقبال في شقق مفروشة نظام شركات ، والراتب الحمد لله يستر الحال ، صحيح انه ليس كافياً لتغطية المتطلبات الخاصة ولكن الجود من الموجود
وأنا إنسان قنوع ولله الحمد .. )

مشكلتي سلمكم الله :
انا اشتغل الآن في هذي الشركة صار لي تقريباً سنة وشوي ومديري مصري الجنسية .. طبعاً كلنا ثلاث اشخاص أنا وإثنين أجانب ومافي الا انا سعودي بهذه الشركة _ في بداية عملي معه كان طيّب جداً ومحترم ودائم مبتسم ولم اعلم بأنها
( الإبتسامة الصفراء ) وبعد مضي (3 أشهر ) وهي الإنتهاء من فترة التجربة دائماً مايقول لي >> ( إذا عايز تفصل أفصل من الآن لأن أنتم يالسعوديين مابتحبوش الشغل ) وكان دائماً يردد هذه الكلمة فإستغربت من ذلك !! ليش بدأ يتغير فجأة مع اني نفعته بأمور واااجد وبعد مضي
( 6 أشهر ) من العمل بدأ بنظام التكريه ومحاربتي نفسياً على المدى البعيد من اجل ان اترك العمل لأنه رئآني منظبط في العمل وحريص على عدم التأخير والغياب وانا من فضل ربي كنت ما اعطيه اي اهتمام على قولتهم طنش تعش .. ومع مرور الوقت لفت انتباهي امر وكان دائماً يدور براسي هالسؤال ؛ كيف موظف إستقبال ومدير فرع بنفس الوقت والمصيبة أن إقامته مكتوب فيها مندوب مبيعات !!!؟ وهذي تعتبر مخالفة في لائحة انظمة مكتب العمل والعمال ، وكنت اقول المفروض يجيبون موظف سعودي من هالشباب العاطل اولا منه فيها بدال مايشتغل موظف استقبال ومدير وفي يوم من الأيام سألته قلت كيف مدير وموظف استقبال مع بعض ليه مايجي سعودي معي استقبال فبدأ يرتبك من كلامي ويلعثم بالكلام وقال هذي من خصوصيات الإدارة قلت اي خصوصيات هذا ظلم وقلت الحاجة الثانية كيف مدير فرع وموظف استقبال وانت مسجل بالإقامة مندوب مبيعات فعرف الآن ان وضعه خطير جداً بعد ان كشفت كل شي وبدأت تتغير معاملته لي ويزيد في تكريهي للعمل بزيادة ساعات العمل وغيّر دوامي من الفترة الصباحية الى الفترة المسائية لأنه يعرف ان مواعيد الاهل واشغال البيت عندي مساءاً فحاول يضغط علي مع الجهتين من اجل ان اترك العمل وانا ولله الحمد صامد في وجهه وسكوتي عن ذلك ليس خوفاً منه ولا سلطته ، وبوسعي ان امد يدي عليه وانا اعرف ان هذا مايطمح اليه حتى يجد علي سبباً لفصلي من العمل لكن انا اريدها بطريقة نظامية ( واللي قهرني وزاد الغبن : تخيلوا يا اخوان صار لي سنة وثلاثة اشهر لم ارى فيها موظف مكتب العمل الا مرةً واحدة عند انظمامي للعمل فقط لاغير !! ) مايجون للفرع ابداً وانا ماعمري راجعت مكتب العمل ولا اعرف كيف اقدم هالشكوى لهم او ماذا افعل وانا اطلب من الله ثم منكم توجيهي :

أولاً : لأنه يشتغل بوظيفتين بنفس المكان وانا اريد سعودي لانه ابن البلد واولا منه فيها

ثانياً: اريد تقديم شكوى لمكتب العمل على اقامته المخالفة للنظام بشرط دون علمه حتى لا يفصلني من العمل لأن الأجنبي صادق والسعودي كذاب ومايحب الشغل

آسف على الإطالة واعتبروني اخوكم ويفضفض شوي


< شكراً لكم من القلب >

لا لاتقدم بشكوى لمكتب العمل ولاهم يحزنون بخصوص مهنته بالوقت الحالي

بلغه بالحرف الواحد وبلغ الأداره في حال زاد تطفيشه ومضايقته لك وتطاوله بألفاظ على أبناء الوطن

بأنك سوف تتقدم ضده شخصياً مع ذكر كل المبررات بفضية تطفيش وتطاول ومضايقات

ونظام مكتب العمل لكل أجنبي يحاول مضايقة وتطفيش السعودين يتم تغريمه 10 الاف ريال وعقوبات أخرى تصل للخروج ا

لنهائي

أنت بس قله كذا بوجه وشوف كيف راح يصير

هذا من غير أختلاف المهنه عن العمل الي يمارسه هاذي مخالفه لحاله

أي أستفسار أنا حاضر

طيب عندكم في السلم الوظيفي مين الشخص الاعلى سلطة من المصري هذا ؟؟

تقدر تتواصل معاه لو بإيميل وتشرحله الوضع

واتوقع انه راح يفيدك كثيررر

الله يعطيك العافية اخوي على تفاعلك مع الموضوع
لكن لو اقوله كذا عادي ماهمّه لأنه يدري ان مكتب
العمل نايمين والموظفين اللي قبلي ماقصروا لكن
دون جدوى عنده ثقه تامه ان مكتب العمل ماراح
يسوي له شي لأن له واسطه بالمكتب وهذا اللي
مسكتني

اخوي اللي اسمك ( موظف برقم عاطل )

مدير الشركة اردني بالرياض اعتقد ماراح
اشرح لك اكثر عن هالجنسية ونظرتها للسعودي
والمصري اللي عندي مدير فرع وموظف استقبال
بنفس الوقت واصلاً هو متعلق بين السماء والارض
ماهو ضامن نفسه في المكان

انا لا حظت الاجانب اكثر شي يخوفهم اذا عرفو انك فاهم انظمة العمل وقوانينها حاول دايم تخش بعينهم
وهو ما عنده واسطة هذي من اساليب كذبهم وحتى لو كان عنده واسطة قدم شكوة
لوزير العمل بخطاب اكيد هذا ما يرضيه لا يشيله هو وصاحب الواسطة اقلها بيرسل لجنة تجي تفتش
ويشوفو المصايب والبلاوي اللي عنده والله لا يطردونه من البلد حسبي الله عليه