السلام عليكم
لو سمحتم يا شباب عندي شوية اسئلة والله يخليكم طمنوني هل سوو لكم مقابلة شخصية او تمارين هروله
والرتبة اللي اعطوكم اياها ايش وهل الاجراءات تطول عشان يعطونا اوراق الكشف الطبي والعمده والبصمات او على طول

اليوم قدمت عليهم وماكان فيه احد خاصة الجامعيين وهم يبون جامعيين كثير مايصدقون يسوفون شهادتك جامعية يحبون على راسك وقال بنحطك رقيب وعلى طول خلصوني وعطوني ورقة البصمات والاحوال وموعد الكشف الطبي بس لحد الان متردد والله كل ماقلت لحد قال ابعد عن العسكرية ومن هالكلام حتى كرهوني فيها وموعد كشف المستشفى يوم الاثنين 7/20 ولابد تجيب معاك اقل شي ثلاث صور شخصية وصورة للهوية والوثيقة صورة منها وصورة من حسن السيرة والسلوك ان وجد

اشكرك اخي لاكن نصيحة اخوية الحق عليها في هالزمن وانا اخوك مافي وظائف والحرس رواتبهم طيبه
طيب الاخوان اللي راحوا الشرقية ايش صار معهم

مرحبا

مقابلتي قبل 3 اسابيع عطونا الدبلوم رتبة عريف اول شي يصفونكم بعدين يحضرونك بالاسماء بعدين يدخلونكم الفصل يتناقش معكم الضابط ويقوسون الطول ويعطونك ملف تخلصه من الاحوال والبصمات الشرطة ويعطونك موعد الفحص

الامور سهالات بالنسبه القطاع الشرقي

جامعي = وكيل رقيب : (

الدبلوم = عريف

إذا تقفلت السبل روحلهم وش السواه اخويانا اللي توظف وتزوج وحنااا كذا جالسين لمتى ؟؟ العمر يمشي
انا مثلك مقدم فيها وكارهها بس ماحصلت شي ونفسيتي تعبانه الله يعديها على خير بالكشف الطبي

رقيب وبالحرس ومتردد ؟ ههههههههههههه
حبيبي انت م تاخذ مده طويله وتعلق رقيب اول
يعني النجمه ملحق عليها ملحق عليها الله لايعقب بشر لو سجلك نظيف : ) ..

خش ولا تشاور احد
مع اني افضل تقدم ب الدفاع المدني بـ الجامعه افضل لك ،
لـ ملعوميتك،الدفاع المدني طالب ثانوي
لاكن لما تدخل معلوماتك وتسجلها ب النظام انك جامعي يتصلون عليك ويطلبونك
نفس نظام المباااااحث بالضبط ماطلب جامعين لاكن تدخل وتسجل معلوماتك ب النظام انك جامعي
يرفضونك مبدئي لاكن يرجعون يتصلون عليك،لان النظام يقبل ثانوي،لاكن هم يرجعون ويسحبون الجامعين
+ الرقيب راتبه فوق 10 الاف مع البدلات ،ببالحرس
وعلى حسب التخصص لو امن وحمايه او استخبارات بتوصل فوق 11

بالتوفيق حبيبي

وش مؤهلك يالغالي لان الجامعي يعطونة رقيب وقليلة بالنسبة للجامعي

^^
المؤهل كلية تقنية ميكانيكا

تقنية = عريف

الجامعيين مقدمين معنا عطوهم = وكيل رقيب (( الكلام هذا قدامي ))