السلام عليكم

ماادري فين اكتب الموضوع ، واعتذر لو مكانه غلط هنا

بس اتمنى تساعدوني بكل خطوة في الفكرة اللي راح اطرحها

حابه اكون تاجرة زي باقي التاجرات بالنت

وعندي مكان اجيب منه الاغراض الحلوة والغريبة والمحببة للناس
بس ذا المكان بنفس مدينتي واتوقع يكون محل بنفس المدينة امر سهل وبسيط ..

ابغى اعرف ايش الخطوات لأكون تاجرة ناجحة و اجذب الناس
ابغى اعرف من البداية وكل الخطوات ..

ثانيا : وكيف لو ابغى اطلب من برا ومواقع اجنبية مثلا ؟؟

واللي تاجرة واللي عندهم خبره ياليت تعلموني ( تعلمو بنت بلدكم )

بما اني عاطلة وجالسة بالبيت لا شغلة ولا مشغلة

انا عندي فكرة بكل المشتريات من التاجرات لاني كذا مره اطلب من تاجرات واشتري منهم ،

بس ابغى هالمرة انا اطلب لنفسي واكون تاجرة واكسب وانشغل بدل الفضاوة
واستفيد واغني نفسي عن الكل وعن حاجة احد ..



ربي يسعد ويرزق ويوفق للي يعطوني افكار والخطوات المهمه ..

وعليكم السلام

ينقل للقسم المناسب

الله يوفقك ويرزقك

بصراحة انا مو تاجرة ولاعندي خبرة
ان شاء الله الاخوان هنا اللي عندهم خبرة يساعدونك مايقصرون
الله يوفقك ويرزقك من واسع فضله امين

بدايه الله يوفقك يارب

وبعدين الامور سهله ياعيني
توكلي على الله وجيبي شغلات حلوة وحاولي تكون مو مستهلكه مرره وسوقي عن طريق النت اذا مافي محل وربي يسهل امورك كل شي صار سهل مع التطور
اهم شي راس المال والتسويق

الله يرزقك

شكرا حبيباتي ،
ربي يوفقنا ويرزقنا جميعا


طيب بااعرف كيف لو وحده طلبت من برا مدينتي ان شاء الله ( متحمسة مو

الشحن عن طريق شركة يحتاج شي او اوراق او لهم سياسة ؟؟؟

وهل ذي شركات الشحن تشحن طلبية فيها اكسسورات ؟؟ وكيف تغليفهم ومحافظتهم ع الطلبية ؟؟

الله يوفقك ويرزقك ، استخيري الله ، وفكري بشيء يكون سهل ومستهلك من الناس عشان ما تورطين

كذلك ممكن اول مرة بتكون صعبة عليك ممكن تنوعين باكثر من شغلة لا تجيبين نوعية وحدة

ترا انا مو تاجرة بس افكر مثلك اني اتاجر بإذن الله

الله يوفقك ويرزقك ويرزق جميع المسلمين يارب

الله يوفقك ويرزقك فكرتك حلوه واهم شئ ركزي علي طلبات مميزه وغريبه الحين كل شئ صار مميز ومو مستهلك يمشي
الشحن عن طريق شركات شحن في كل منطقه فديكس زاجل ارامكس وتغليف انتي غلفيها باحكام حتي تظمني انها ماتتلف
وانتبهي اذا تبين تطلبي من برا مو كل المواقع مضمونه واذا تبين وسيط مضمون ويكون بينك وبينه عقد يضمن لك استراجاع نص المبلغ في حالة عدم وصول البضاعه
في شغله عجبتني واتمني فريق بطل من البنات يعملوها خصوصا المصصمات والي عندهم افكار غريبه
اعرف مصنع يعمل لك شنط وجزم واكسسورات حسب طلبك
يكون مميز او يكون عندك صوره من النت يعملوها لك
والافضل تتفقي مع تاجرات قريباتك وتطلبو بضاعه مميزه جدا