السلام عليكم
انا موظفه تعاقد في جامعه سعود بن عبدالعزيز للعلوم الصحيه عندي سؤال اذا نزلت لي وظيفه حكوميه من الخدمه المدنيه ايش الاجرآت الي لازم اصلحا عشان انتقل للوظيفه الجديده

ما عندي فكره ابدا
هل استقيل الي اعرفه ان لازم اجلس شهر بعد تقديم الاستقاله لكن الوظيفه الحكوميه اذا ما باشرت خلال 15 يوم بتروح علي


ايش اسوي

ياليت الي عنده خبره يساعدني

للرفع

ينقل للقسم المخصص بأستفسارات الوظائف المدنية
موفقه لكل خير

__________________
"لله دُر أمي إذا ابتسمت
تهادت جروح قلبي والتئمت"

بالتوفيق ....

الحل انك تكلمي عملك الحالي اذا بيوافقون زين

ما وافقو اعتبره استقعاد

بالنسبة لي حصلت لي مرة وما كانت الوظيفة اللي بنقل لها حكومية ومع ذلك كلمت المسؤول قلت له بطلع .. قال اجلس عندنا شهر والا راح اشتكيك لمكتب العمل وطلع في الأخير يبي يضيق صدري بس
بس انا ما جلست عندهم كثير

تختلف من مكان الى آخر على حسب اذا لك سنوات خبرة كثير لازم تدارينهم عشان تاخذين اللي تبي منهم

لكن من غير المنطقي اني ارفض اي وظيفة تجيني بسبة الشهر اللي لازم اجلسه!

خصوصآ ان ما في مقارنة بين العقد والرسمي

الحل كلميهم واعتقد يوافقون

السلام عليكم ,,

قبل كل شيء مبروك الوظيفة , و موفقة إلى كل خير إن شاء الله ..

1/ بكرا أو أي يوم خلال هذا الاسبوع تراجعي فرع وزارة الخدمة المدنية في مدينتك , ومعك كل الأوراق اللي طالبينها لإستكمال التعيين ومن ثم توجيهك لمكان عملك ..
طبعاً راح تخبريهم إنك على وظيفة في القطاع الخاص وراح تطلبي منهم مهلة بسيطة لإنهاء اجراء الاستقالة .

فأهم شيء الآن تراجعي فرع الخدمة المدنية , عشان الوظيفة ماتروح عليك , المراجعة وإصطحاب أوراقك كفيلة بضمان تعيينك إن شاء الله .

2/ إجراءات الاستقالة من عملك الحالي بسيطة جداً , تعبئة النموذج الخاص بالمؤسسة اللي أنت فيها إذا كان عندهم . أو تكتبي خطاب إستقالة عادي بتاريخ يوم كتابة الخطاب .
فعندك خيارين : إما تداومي شهر أو تتنازلي عن راتب شهر من مستحقات نهاية خدمتك في مكان عملك الحالي .
وأنا أفضل إنك تتنازلي عن راتب الشهر عشان تكون الاستقالة من تاريخ تقديم الخطاب .

بعد الاستقالة تتأكدي إن إسمك مو موجود في التأمينات الاجتماعية . وإذا موجود كلمي عملك الحالي يحذفوا اسمك من التأمينات .

وبكذا تتفرغي لإستكمال إجراءات التعيين لوظيفتك الجديدة , ربي يبارك لك فيها .. اللي أعرف منها :
الكشف الطبي ,, إجراء روتيني مافيه أي تعقيد إن شاء الله .
وراح يبلغونك بتاريخ المباشرة .. بعد إجراء الكشف الطبي .

اانا عندي نفس المشكلة لكن كانت فكرتي اني اباشر بالحكومة واقدم اجازة من عملي الحالي الي ان اتنتهي بعض المتعلقات الي بيني وبين شغلي الحالي

سوالي هل في اي شيء يجبرني استقيل واخلي طرفي من القطاع الخاص؟ ولا عادي اقدر اباشر واخلص الاستقالة على مهلي

لان لي رصيد اجازات تقريبا 60 يوم وهم مايعوضونها بفلوس