السلام عليكم

ياليت تفيدوني ياخوان

انا اشتغل من 7 ل 4 ..ابي احط الفلوس بمشروع يدخلي شهريا حوالي 10 الاف او اكثر بدون وجع راس

ساعدوني جزاكم الله خير

حط نقليات ( تريلات سطحات ) تكد خطوطـــــ

بالشهر بتطلع لك الوحدهـ على اقل تقدير 9000 صافي

[COLOR="rgb(139, 0, 0)"]اقصد بسطحات __ نوعية التيذر [/COLOR]

الله يرزقك و يزيدك من واسع فضله

معدات ثقيلة القلابيات اللي يحطون فيه الرمل تقريبا بالرياض على 80 الف و قبل هذا كله تشوف لك واحد عنده مقاولات تتفق معاه بكل شي اهم شي يوقع على كمبيالة اذا انتهت مدة التعاقد ترجع زي حالتها و فترة العقد تكون الصيانة من مسؤوليته فيها خير كثير بإذن الله

الله يبارك لك في مالك وحلالك

مليون و 100 الف ريال

لو قلنا الشاحنه مع القلاب مستعمله سعرها 150

يصير معك 6 شاحنات قلاب

الواحده تدخل لك بحدود 7-13 الف شهريا

10 × 6 = 60 إلى 70 ألف ريال شهرياً

ولا يهون الأخوان

ابعد كل البعد عن التأجير ___ نصيحه .

المشروع هو مخبز الي لانتاج الخبز العربي والصامولي

المشروع جاهز بكل المكائن ويوجد سياره فان لنقل المنتج وتوزيعه علي البقلات والمطاعم والبوفيات

بنسبه لشريك يكون شريك بنسبه فقط وله ارباح وهي 15 بالميه

المبلغ المطلوب 50 الف ريال حق تشغيل المخبز

وهي قيمة الدقيق والمواد الخام وقطع غيار للمخبز واكياس تغليف وايجار المحل وغيره

وتحتسب الارباح بعد ست شهور من تشغيل المخبز لتكوين الزبائن

باذن الله المشروع مربح والدخل ممتاز

وراس مالك يكون محفوظ اذا اردة سحبه ولكن بعد سنه يتم تسليمك المبلغ كامل

ويوجد شيكات باسم المخبز لضمان حقك وعقد وكل ماتطلبه

واذا تمت الموافقه تزورني بالمحل عشان تشوف كل شي

الموقع في حائل

انا اجيب لك عقد من ارامكو بمبلغك هذا يتم شراء معدات تبقى باسمك واضمن لك عقد لمدة 5 سنوات يتجدد تلقائيا
بعائد شهري لايقل عن 40 الف ريال شهريا واذا حبيت التفاصيل تواصل معي وابشر

اذا تبي الشغل المريح وربحه معقول .. العقار وانا اخوك .. مليون وميه تشتري لك عماره ثلاث شقق وتحت 3 فتحات ..
وتجيب لك خير ونعمه ..
واذا تبي الشغل اللي يبي متابعه وكرف لكن دخله ذههههههببببب عليك بالمطاعم او محلات الفطاير والحلويات وووااااااوووو ياعليهم شغل بس يبيلك تشرف عليه بنفسك وتعطيهمم رواتب وتاخذ الربح لأن اذا شافوك لاهي عنهم خسروك لين تنجبر تأجره عليهم بـ 5000 بالشهر وهم يدخلون 50 الف بالشهر ..
ولكن ترى كل مجال في السلبي والإيجابي هالنوع من التجاره فيه تعريض للخساير ويبي له وقت ..

وأتمنا اني أففدتك