السلام عليكم ورحمة الله وبركاته ..

احتاج منكم عرض تجاربكم مع الرجيمات إلي بعد تجربتها تحسين إنها ناجحة

طبعا أنا طفشت من الرجيمات وأبي أنقص خمسه كيلوو ووزني ثابت أكثر من ست شهور

أكيد أن الأغلبية همها وهاجسها الدايت والرياضية للأسف أنا صار وسواس عندي

الحين محتاجة رجيم ينقصني خلال 25 يوم ع الأقل 3 كليوو

أخيراً الله يفرج علينا جميعاً وعلى من تفيدينا بشي فعال اللهم آمين

اهلن اختي

من افضل انواع الرياضة للفتيات هي الاوربكس + زومبا ( يوجد مقاطع كثيرة عندك المدربة جليان ) اعملي تمارين معها مدة شهر وشهران وثلاثة + انصحك بوضع الصامت عند المقاطع واستبدلها بصوت دعاء وقران
لابد من عمل تمارين لكي لايترهل الجسم


بخصوص السعرات الحرارية والنقص
اليوم الواحد لابد من حرق 500 سعرات حرارية مدة اسبوع سوف تنقص واحد كيلو
كل اسبوع واحد كيلو
مع التمارين ممكن يصل 2 كيلو

بخصوص الغذاء اذهبي الي الدكتورة ( لها اختصاص بالغذاء )

السموحة والمعذرة

انا والله مره سويت رجيم قاسي بس بغيت اروح فيها

ونحفت بشكل خورافي.. ودخلت نادي حديد مدة شهر تقوية وشد

وصراحة نتيجة مذهلة ...جسم ملكي علا قولتهم لااله الاالله

الرجيم كان كالتالي:

الصباح اول ماتصحين ٣ كاسات مويه نص باردة علا الريق

بعدها قهوة تركية بدون سكر ابدا اقل شي كوب .

طبعا الغدا جبن وزن وبيض مسلوق فقط وخيارة

العشا نفس الشي ..

اذا حسيت بالجوع اكل تفاحة او خيارة او خبز او اشرب مويه كمية كبيرة

وكنت يوم انزل او اطلع مع الدرج اشد بطني للداخل يعني اشفطها وانا ماشي بعد اسوي كذا..

قطعت الحلا والشاهي والقهوة والمايونيز والكاتشب والشلة كلها بعد.

الرز هذا اكبر بلا ،،، وفيه حبوب لونها اخضر امريكية كنت استخدمها لسد الشهية وحرق الدهون رهيبة

خلال تفريبا شهرين نفصت ٣٦كيلو بس صابتني انواع الامراض ضعف ارهاق نقص فيتامينات
اغماءات متكررة ... بنية ضعيفة اي احد بقدر يشيليني ويرميني
رحت الدكتور طاني مقويات ونصحني بالحديد ...فعلا خلال شهر صرت احسن من قبل بمراحل

جسم رياضي انيق والحمدلله راحت مشاكل التنفس والخمول والالام القلب والصدر .. .. بس نصيحة احذري من فقر الدم

الحركة تنقص الوزن والمشي
أحساس مترف اتبعي نظام لانقاص الوزن من اخصائية تغذيه
حتى ماتفقدين صحتك مادام اتبعتي اكثر من برنامج ومانفع
واكلات المطاعم المشبعة بالدهون والفطائر والمعجنات من اقوى اسباب زيادة الوزن
انا احاول اقللها بقد مااقدر
ببداية شهر3كان وزني 76ماصدقت الممرضه يوم قالت لي
بس الحمدلله نقص صار70 ثابت وتوقعي اني انقص اكثر
من المشي والحركه والكرف بالبيت والقهوة والشاهي مااكثر منها
المشي
ثم المشي
ثم المشي
له دور في إنقاص الوزن

__________________
"لله دُر أمي إذا ابتسمت
تهادت جروح قلبي والتئمت"

من تجربتي افضل شئ لانقاص الوزن

مع اخصائيه تغذيه ونادي رياضي

بسس المشكله لما تركتهم يرجع وزني

جلست البيت ممله ومافي اي مجهود حركي

الان اشتريت ميزان وراح ابداء رجيم ورياضه الاوربك

واهم شئ تثبيت الوزن

موفقه اختي

الله يسعدكم جميعاً مشكورين .. صحيح الزومبا والاوربكس يمكن تنفع لحالتي

على فكره أنا آسفه ما بينتلكم إلي مزعجني بالضبط

أنا وزني 57 متعوده أمشي

المشكله جسمي تعود على هالشي ماينزل والله أنه ثابت بشكل يفجع

ولما أخفف أو ألغي وجبه يهبط الضغط والسكر مع انه الحمدلله ما عندي ضغط وسكر
بس كله من الرجيم

طيب أنا رح أغير نظامي وأزيد زومبا أو اوربكس ..أو ابطل امشي

بس والله حومة كبد هذي رياضة لازم أحد يسويها معي لحالي مافيها حماس

آخر كلام .. مافي حبوب أو شي ثاني ينحف


يسلموو

حبوب ابتعدي عنها نصيحة<< خواافة ههههه

ثانيا ماعندكم نادي الحي اشتركنا فيه مررة جميل وحمااس صحيح لي شهر واسبوع منقطعة عنه

بس كانت٣ شهور وبان الفرق في بنات واجد ومن غير الأجهزة اللي مشتركات بالأجهزة بين فيهم أكثر

ماشاء الله بالنسبة للدايت إذا عزمت عليه تزيد شهيتي للأكل ههههههههه أهم شيء ابعدي عن المشروبات الغازية

هي الدمااار صراحة الله يعيني على مقاطعتها مع أن علبة الببسي تغري بس نتصدد الشكوى لله :

يمكن يبي لك تنزلين ثلاثه كيلو وبعدها تحاولين تحافظين عليه
المهم عند انقاص الوزن لازم ببطء يعني ماتستعجلين عليه
لانه إذا رجع بيزيد اكثر وكثري الماء خاصه الصبح وحاولي تدخلين
الليمون مع كوب ماء مره مرتين باليوم واشربي الماء بعد بين الوجبات
تراه زين لتنقيص الوزن.

شفتي السيكل ذا



اعرف لك وحده صارت هيكل عضمي منه طول يومها فيه وتربط سفره مكان الشحوم

اذا شفت بنات يتكلمون عن الريجيم اتعجب
اذا الوحده ماعندها مرض هو سبب السمنه مثل الغده الدرقيه كفانا الله شرها
وين المشكله ؟؟ بس خففوا اكل ودهون بدل ماتاكلون صحن كامل اكلي نصه
بدل علبه بيبسي كامله نصها الى ان تتركينها نهائي لانها مضره بكل شي
مو لازم الواحد يقوم من السفره مايقدر يتحرك الرسول صلى الله عليه وسلم يقول ثلث لطعامه وثلث لشرابه وثلث للنفس ..
اللي ماعنده امراض مشكلته كثر الاكل خففوا الاكل وتشوفون النتيجه انا اشوف ناس الله يعافينا ياكل الصحن كله ويبي زياده كذا يضر نفسه وصحن على صحن لين ماعاد يقدر يمسك نفسه
اهم شي الاراده والعزيمه ..
موووفقين