للي تقدم بشكوى لمكتب العمل مساعدتك تكفى

محمد الكترو · #1 (**permalink**) 22-04-2014, 03:50 AM

بسم الله الرحمن الرحيم
السلام عليكم ورحمة الله وبركاتة

انا انسان توظفت بعد التدريب و كنت استلم مكافاه خلال سنتين وبعدها داومت بالشركه كموظف زي اي موظف ب بصمه وداوام رسمي وكل شي لكن لم يتعدل راتبي ومازالت المكافاه مستمره مع العلم ان فتره التدريب انتهت و العقد ينص ان يتعدل الراتب مباشرة بعد التدريب
وانا اعرف اصدقاء لي تعدل راتبهم في شركات اخرى من اول ماداوموا و لكن انا استمرت معي
4 اشهر و ماتعدلت

ف عندي هذي الاسئلة اللي له خبرة يجاوبني وله دعوه ان شااء الله

هل من احد تقدم لمكتب العمل بدعوى ضد شركة بخصوص ان الرواتب ماتعدلت وماتنزل كامله ؟
و هل تم حل المشكلة بسرعه ؟
وهل تم تعويضك ؟

و انا ابي افصل من عندهم هل اقدر اشرط اني استلم رواتبي ويعطوني إخلاء طرف لاني مابي اشتغل عندهم

نص محامي · #2 (**permalink**) 22-04-2014, 08:58 AM

نفس الراتب اللي منصوص عليه بالعقد تاخذه

وانت مفروض تروح تكلم الموارد البشريه او شؤون الموظفين يمكن يعدلو راتبك انت ساكت ليه !

بالنسبه للفصل اعتقد لازم تكمل فتره العمل اللي متفق عليها بالعقد او تدفع فلوس

تقدر تقدم شكوى لك حق في الراتب انهم ماعدلوه

بس حاول تحلها ودي بدون مكتب العمل خله اخر شي

الشقراوي الحزين · #3 (**permalink**) 22-04-2014, 10:15 AM

يعني هم كانو اول ياخذو من راتبك لانك كنت تدرب من المعهد او الكلية اللي متعاقدة معهم

لكن الحين على اي اساس ياخذو من راتبك دامك انتهيت من التدريب واتوظفت عندهم حاول تكلم الموارد

البشرية وبينلهم انك فاهم وطالبهم بالرواتب الناقصة حقت الشهور اللي اتوظفت فيها عندهم واذ مافاد الله يعينك

لازم ترفع عليهم شكوة لمكتب العمل وتاخذ برنت من التأمينات الاجتماعية يكون موضح فيه الراتب من غير

البدلات اللي ينبغي ان تتقاضاه خلال فترة التوظيف

محمد الكترو · #4 (**permalink**) 22-04-2014, 12:10 PM

اقتباس:

المشاركة الأصلية كتبت بواسطة نص محامي

نفس الراتب اللي منصوص عليه بالعقد تاخذه

وانت مفروض تروح تكلم الموارد البشريه او شؤون الموظفين يمكن يعدلو راتبك انت ساكت ليه !

بالنسبه للفصل اعتقد لازم تكمل فتره العمل اللي متفق عليها بالعقد او تدفع فلوس

تقدر تقدم شكوى لك حق في الراتب انهم ماعدلوه

بس حاول تحلها ودي بدون مكتب العمل خله اخر شي

انا تكلمت معهم يمكن حول 3 مرات و كل مره يماطلون يعني ماكنت ساكت ابدا حاولت احلها وديا لكن الاداره راسها يابس كل شوي يوعدون الشهر القادم و مايصير شي

ثاني شي في فقره في العقد تنص ان يحق للطرف الثاني فسخ العقد او ترك العمل اذا الطرف الاول اخل بشرط من شروط العقد كما متفق عليه
هل يحق لي افسخ العقد كما هو مكتوب لانهم اخروا رواتبي ونزلوها ناقصه

محمد الكترو · #5 (**permalink**) 22-04-2014, 12:16 PM

اقتباس:

المشاركة الأصلية كتبت بواسطة الشقراوي الحزين

يعني هم كانو اول ياخذو من راتبك لانك كنت تدرب من المعهد او الكلية اللي متعاقدة معهم

لكن الحين على اي اساس ياخذو من راتبك دامك انتهيت من التدريب واتوظفت عندهم حاول تكلم الموارد

البشرية وبينلهم انك فاهم وطالبهم بالرواتب الناقصة حقت الشهور اللي اتوظفت فيها عندهم واذ مافاد الله يعينك

لازم ترفع عليهم شكوة لمكتب العمل وتاخذ برنت من التأمينات الاجتماعية يكون موضح فيه الراتب من غير

البدلات اللي ينبغي ان تتقاضاه خلال فترة التوظيف

يعطيك الف عافيه اخوي

كلمت الموارد البشريه مرتين لكن مافاد ابد ، اتوقع سلطتهم مو مثل مكتب العمل

لكن ابي اسال هل يوجد احد له تجربه مع مكتب العمل و هل يحق لي المطالبه بتعويض

al_waleeed · #6 (**permalink**) 24-04-2014, 03:19 AM

المادة 81 من نظام مكتب العمل
تتيح لك فسخ عقدك وتعويضك عن الفرق + المتبقي من باقي عقدك

مبرمجه سعوديه · #7 (**permalink**) 19-07-2014, 07:07 PM

حاول تنهي موضوعك بشكل ودي
ممكن مديرك يكون ناسي او ما انتبه
ذكره دائما ... بالتوفيق

للي تقدم بشكوى لمكتب العمل مساعدتك تكفى

مشاكلك في العمل

بسم الله الرحمن الرحيم السلام عليكم ورحمة الله وبركاتة انا انسان توظفت بعد التدريب و كنت استلم مكافاه خلال سنتين وبعدها داومت بالشركه كموظف زي اي...

للي تقدم بشكوى لمكتب العمل مساعدتك تكفى

تسجيل الدخول

للي تقدم بشكوى لمكتب العمل مساعدتك تكفى

مشاكلك في العمل

بسم الله الرحمن الرحيم السلام عليكم ورحمة الله وبركاتة انا انسان توظفت بعد التدريب و كنت استلم مكافاه خلال سنتين وبعدها داومت بالشركه كموظف زي اي...

للي تقدم بشكوى لمكتب العمل مساعدتك تكفى