الله يجزاكم خير جربنا الخضار رزقها قليل لكن الحمدلله احسن من لا شي . وشكرا علي دعواتك و افكاركم اسعدتوني الله يسعدكم

الوظايف مليانة اختي روحي لمركز باب رزق جميل او وتحصلون او العثيم طالبين رجال ونساء بعد او التميمي

الله يفرجها عليك حبيبتي

آآآآآآه يالقهر .. والله أني ودي أسوي فيكم خير قبل الأجل,,

حطو لكم جدول خآص بالمصاريف.. يعني كم باليوم تحتاجون؟
وحطو الباقي على جنب.,

والربح بالبطايق لأ بئس فيه..واذا زوجك عنده سيارة يصير حق خطوط..
أخوي اذا احتاج للفلوس ولا معه.. يروح للنقل الجماعي ويركب اشخاص مثلا من مدينة الى مدينة ويتفق مع كل شخص ع سعر معين..
مثلا من القصيم للرياض..يقوله بـ 90 ريال .. ورككب 4 اشخاص
يعني90ريال في 4 اشخاص= 360 ريال .. وهو راجع من الرياض للقصيم يركب ركاب مرة ثانية 360 ريال..
يعني طلع 720 ريال..نخصم منها قيمة البنزين مثلا خمسين ريال .. تصير 670ريال

نضرب 670 ريال في ثلاثين يوم = 20100 ريال!!!!!!!
واذا اشتغل يوم وارتاح يوم تصير = 10050 ريال!!
واذا بالاسبوع اشتغل مرة = 2680 ريال .
أنصصحكم لوجه الله لأتجعلون الوظايف غايتكم ..
.......
واذا ماعنده سيارة او سيارته ابدا ابداً ماتتسافر فيها يروح يستاجر سيارة باليوم ويروح يمسك الخط لين الله يفرجها ويشري سيارة بحدود 15 الف ريال ..
,,,,,,,,,,,

اسئل الله العلي القدير ان يرزقكم ويرزقني البركة والمال

الحمدلله على كل حال

الحمدلله عدد خلقه ورضا نفسه وزنة عرشه ومداد كلماته

لا اله الا الله وحده لا شريك له

الله يفرجها

السلام عليكم

اهلا عزيزتي انا اتفق مع الاخوان اللي ذكروا انه ممكن يوصل الطلبة او غيرهم
وايضا فيه اقتراح اللي انتي رافضته وهو الطبخ ... مو شرط عزيزتي تطبخين عشرين صنف
هو مثلا احترفي بالمفرزنات .. سمبوسة مثلا بس تكون مميزة ... او حشوتها حلوة وبيعيها بتلاقين لك ناس بالهبل عزيزتي
اعرف وحده .. وضعها المادي كان صعب وصارت تسوي خبز رقاق .. لان ما يكلف كمقاضي ..
ما شاء الله حققت لها ربح جدا طيب وخاصة قبل رمضان يكثر عليه الطلب
ممكن مثلا تشترون حلويات وغيره وتبسطون واتوقع قريت هالاقتراح بالموضوع
واهم شي التسويق خلوا اهلكم يسوون لكم دعاية عند الناس وغيره وبيمشي امرك
ولو تعرفين مدرسات او غيره .. المدرسات يسوون دعاية محترمة من غير قصد باوقات وينتشر الخبر ويكثر عليك الطلب

الله ييسر لكم عزيزتي

اختي رحلة عذاب لك رساله مني على الخاص


ربي يرزقك ويسعدك