السلام عليكم انا بدخل بقصتي على طول وابي مشورتكم ومساعدتكم


انا جامعيه و زوجي كان موظف حكومي بس انسجن في قضية وطول لين فصلوه وماعنده شهاده

انا قدمت ع كل الوظايف في ثلاث مناطق لكن ربي ما اراد لي الوظيفه كل ما سولي المقابله سحبو علي بحجة الانجليزي او الخبره
تدربت بعدها في مؤسسه خيريه عشان الخبره واخدناها قلت يمكن راح تتسهل وظيفتي لكن للاسف مافيه وظيفه قبلتني ووالله حتى وظيفة الامن والمفتشه قدمت عليها وهم طالبين فيها متوسطه بس لكن مالي نصيب فيها والحمدلله ع كل حال ، زوجي احيان يروح الحراج يبيع ويشتري لكن مصروف ما يجي حق ايجار بيت وتموين يشهد علي الله انها تمر علينا ايام ما نلقى فيها اللي نبيعه عشان نعيش ، بنتي مسكينه فاتتها سنه بالمدرسه مدري شلون اشتريلها اغراض المدرسه يبيلها ميزانيه لحالها
والمشكله قلت بروح لاهلي لين يوقف ع رجلينه زوجي لكن اهلي ما يبوني قالولي مالك الا زوجك واذا بتقعذين عندنا ما تطلعين من غرفتك ولا نشوفك والله ضاقت الدنيا علي رجعتله الحين في شقه مفروشه لين الله يفرجها

الزبده ابي منكم حلوووول راس مالنا الحين 1000 ريال كيف اتصرف فيها فكرت اشتري بطايق سوا وابيعها انا و زوجي بس اخاف ما تمشي ولحد يقول سوي اكل وبيعيه ،،انا مالقيت االلي اكله عشان اطبخ وابيع !! ابي مشورتكم كيف يصير لي دخل لو شي بسيط عااادي
تكفوون الفزعه ابي امششي اموري هالشهر ،، وزوجي ماعاد لقى شي وتقفلت بوجهنا الابواب

أسأل الله الكريم أن يرزقك وزوجك من حيث لا تحتسبون

حالك مؤلم لكن لا تيأسين
وربما قد تكون الخيرة من الله حينما منع أهلك جلوسك عندهم والذهاب عند زوجك
لكي تقفي معه وتتشاركان الهم ..


أختي ..

لا تحزني الله كريم ويراكم ويعلم حالكم ..أصبروا سيأتي الفرج من الله
عليكِ بالاستغفار ليلاً ونهاراً أنتي وزوجك وذكر الله والإكثار من قول لاحول ولا قوة إلا بالله
أيضاً لا تمر ليلة إلا وقت صليتي ركعتين وأكثر أنت وزوجك ودعيتم الله فيها
أكثري من الدعاء في كل أوقاتك وخاصة بثلث الليل الآخر
واعلمي أن الله قريب مجيب كريم رحيم
اقرأي سورة البقرة أو ليكن لك ورد من القرآن يومياً لينشرح صدرك ..

ممكن تشترين بضاعة مثلاً حلويات أو يكون كشك لبيع الذرة وغيره في الأماكن العامة
في الأسواق والمنتزهات والحدائق العامة
وممكن تروحين المدارس القريبة من بيتك وتخبرين الإدارة برغبتك في البيع
حتى الأكل ممكن تبأدين باليسير تسوين ساندوشات وأشياء خفيفة وتبيعينها في المدارس
المدرسات يحبون هذا
أو ممكن في دور تحفيظ القرآن ممكن تذهبين وتخبرينهم برغبتك بالعمل
وإن كان عند زوجك سيارة ممكن يوصل مشاوير
والتوصيل الآن مربح تخيلي المشوار بمئة ريال أو ثمانين ع أقل تقدير
وكثير من العمالة يشتغلون توصيل وعندهم دخل ممتاز

أذكرك بالدعاء واللجوء إلى الله وكثرة الاستغفار وسيأتيكم الفرج بإذن الله
وبالنسبة لبنتك دخليها المدرسة مافيه مشكلة أحسن من التأخير
وربي يرزقكم.

الله يفرجها عليكم وع جميع المسلمين
ان كنتو بجدة فيه وظيفة لك ولزوجك بشركه رلتبها كل واحد ٣٧٠٠ هذا الي اقدر عليه مساعده لوجه الله

جزاكم الله خير

لا والله ماني بجده بس وش الوظيفه عادي بروح لها

ربي يفرج همك

وعليكم والسلام ورحمة الله وبركاته

اول شيء اكثري الإستغفار ..

ثاني شيء قيام الليل وادعي وشوفي كيف راح تتغير حياتك

واهذا اللي أقدر اقوله

تقبلي مروري

اكثرر من الاستغفار وخليه عاده ع لسانك وصدقيني راح تتفرج وتطلعين ع الضمان وتروحين باب رزق جميل او الموارد البشرية وتلقين وظائف ان شاء الله

الله المستعان

ليش ما يطلع له تآكسي واتوقع شروطها بسيطه وفيها رزق او انه يشتري خضار من سوق الجمله بملبغ 200 او 300 ويبيعهاويطلع له ربح كويس

الله يفرجها عليكم أختي

الله يرزقكم .. ويغنيكم عن خلقه