السلام عليكم
أنا خريجة قديمه من كليات التربية قسم دراسات اسلاميه نفسي اكمل ماستر
بس في غير تخصصي أولآ
وثانيآ نظام الكليات مافيه معدل فية نسبة من % وتقدير لذلك ماني عارفة هل معدلي يدخلني او لا
ثالثآ ماتفرق عندي الدراسة داخل المملكة أو خارجها
أبي أكمل ادارة أعمال وش الحل ياجماعة الخير وين أروح ومن وين أبداء
تكفون أرشدوني

اهلا اختي
عادي تكملين في غير تخصصك ، ولكن في العاده اذا غريتي التخصص يشترط ان معدلك يكون اعلى من لو تدرسي بنفس التخصص .
تبغي اداة اعمال قدمي عادي واذا قبلوك يعطوك فصل او فصلين مواد تكميلية وبعدها تكملي ماستر عادي .
طبعا يا كثرهم الي مغيرين تخصصهم .
نص الي يدرسون معي الان مغيرين تخصصاتهم، ولكن لازم يكوم في حسبانك ان اذا غيرت تخصصك فالوظائف الاكاديمية ما يقبلوك بعدين ، اذا تبغي تصير اكاديمية في الجامعه لازم نفس التخصص ، بس برى الجامعه عادي تتوظفي في اي مكان .

الله يعطيك العافية ا ب ت ث على الرد
والله ريحت قلبي
بس كيف اعرف اذا معدلي يدخلني او لا؟؟ هل فيه طريقة لحساب المعدل عن طريق النسبة %
والسؤال الأهم جامعاتنا أصعب من الجامعات اللي برى في متطلبات القبول
يعني ممكن يقبلوني بمعدلي او لا؟؟

والله من ناحية القبول برى اسهل

هنا موووت القبول وواسطات ومسخرة مابعدها مسخرة

طريقة تحسبين معدلك

المعدل من 5 = النسبة المئوية ÷ 20

هلابك تباشير الصباح
والله يعطيك الف عافية على الإفادة
أنا حسبت معدلي وطلع 3,68
ياخواني اصحاب وصاحبات الخبرة وين تنصحوني اقدم
مع العلم ان لغتي الإنقلش جدآ بسيطة؟؟

يا أختي انا مثلك معدلي جيد وحسبته من معدل 5
طلع 3.68
ودي اكمل بقسم اداري لكن الجامعات مثل جامعة سعود والأمام
ونوره مافي امل يقبلوني
لأن شروطهم تعجيزيه
ياليت تفيدونا ألي عندهم خبره
وهل فيه جامعات اهليه تمنح ماجستير وتكون رخيصه مو غاليه
وشهادتها معترف بها.,

حبيبتي سرايا الروح
هلابك يالغلا
أذا كنتي تبين قسم اداري تربوي ادخلي على جامعة فيصل اعتقد فيه دبلوم عالي يأهلك انك تأخذين بعده ماستر
أنا بالنسبة لي ماأبي قسم تربوي ولا أبي عمل حكومي
لذلك جالسه أدور على قسم يأهلني للعمل الخاااااااااااص
منتظرين دعم وإفادة أخوننا وأخواتنا الأعضاء

اذا تبين ماجستير ادارة اعمال ورخيص موجود بالجامعة السعودية الالكترونية عن بعد ومعتمد والجامعة حكومية واذا تبين تفاصيل اكثر ادخلي موقع الجامعة

وفيه جامعة دار العلوم الاهلية موجود بعد وباللغتين العربية او الانقليزية بس اظن انه غالي شوفي وتأكدي

وهذي شروطهم يعني يقبلونك بالراحة
شروط ​القبول في البرنامج:
الحصول على بكالوريوس من جامعة معترف بها، ويشترط على الطلاب الحاصلين على البكالوريوس في غير تخصصات إدارة الأعمال اجتياز الفصل التحضيري قبل القبول النهائي في البرنامج.
أن لا يقل المعدل التراكمي في البكالوريوس عن جيد (2.00 من 4.00 أو 3.00 من 5.00).
الحصول على درجة لا تقل عن 500 درجة في اختبار التوفل الورقي (PBT ) أو ما يعادلها في اختبارات (IELTS-STEP-CBT-IBT) على أن لا تزيد مدتها عن سنتين ولا يستثنى أحد من هذا الشرط.
تقديم درجة اختبار الجيمات (GMAT) أو اختبار الجي آر إي ((GRE، (للمفاضلة).
تعبئة نموذج طلب الالتحاق بالبرنامج على الموقع الالكتروني.
يلتزم الطالب بتسديد الرسوم الدراسية (1000) ريال لكل وحدة دراسية معتمدة.


ورسومهم على حسب المواد يمكن ٦٠٠٠ الاف بالترم