مشكلتي مع البنات في الدوام والله أني أعاني من سنة

فرفوشآ · #1 (**permalink**) 23-04-2014, 08:57 PM

السلام عليكم

والله من قهري ودي اصيح وانا اكتب الموضوع

بقول لكم سالفتي انا في شركة كبيرة ولها مكانتها الشركة هذي كونتركت ارامكو

وراتبي فيها حاليا 3000 بس

ودايم بشغل انا بحاااالي واللي يكلمني اكلمه واللي مو عاجبني مالي شغل فيه

المهم من سنه في وحدة حاطة دوبها من دوبي وسببت لي ازمة وقلل كل يوم تسبب لي مضايقات تبيني أطلع من الشركة وانا عارفه وصمدت وقعدت وتصديت كل هجماتها طبعا بعد تعب نفسي

لدرجة انا تجي ايام ابكي فيها قبل ماانام ولما اقوم احس اني ماابي اروح الدوام بس اغصب نفسي كانت مشكلتي اني ماارد على هذي النوعيه الوقحة من البنات

بس الحين عرفت كيف اتصرف معاهم وارد بس باادب دارة الايام وخلصت سنه ب شركة
والبنت اللي كانت تضايقني قدمت استقالتها وطلعت .

و سنة 2013 كانت اخيس السنين مافي يوم مر ماتضايقت فيه بسبت هذي البنت

المهم الحين احنا في 2014 والمدير نقلني الى ارامكو اشتغل هناك بس كونتركت داخل ارامكو وبنفس الراتب واشتغل مع بنتين وحده هنديه والثانيه سعودية

البنت السعودية صارت تسبب لي مضايقات وتعلمت اني اتصدى لكل مضايقات أي احد يضايقني وارد

الهنديه مسالمه جداً

مره كنت مودية معاي مؤنة لدوام شابورة وحليب بودره والباقي كان بطريق

جيت اليوم الثاني لقيت الشابوره مكسره ومنثرة والحليب البودره مكبوووب نصه . ؟

لحظة ماظنيت فيها ظن السوء قلت خليني اسئل الهنديه وسئلتها وقالت لي يمكن انا هذيك البنت هي اللي كسرته وقالت لي انها كانت تسوي معاها نفسسس الشي تقط جلالها حق الصلاة بالارض و وووووو

واليوم الثاني جيت الصباح الساعه 6 الفجر لقيت باب غرفة البريك حقنا مقفل والبنات يجون 7 هالمره ظنيت وايقنت انها هي اللي مقفله الباب تركتها يوم جات قلت لها ليه الباب مقفل بكل هدوء قامت تسوي نفسها تدور وانها انصدمت وليه مقفل وتروح تكلم الهنديه لانها لسه ماجات وتقول لها وين المفتاح وووووو وسبحان الله لقت المفتاح في درج الهنديه

اتوقع هذي الحركات حقت اطفال كلنا نعرفها

وكانت تقفل الدرج حق المشروبات الساخنه وهالاكواب وهذي الاشياء عشان لما اجي الصباح قبلهم يكون مقفل لاكن الهندية حطتني مفتاح للدراج وبعدها يوم عرفت اني عندي مفتاح صارت ماتقفل وتدور شي ثاني تقهرني فيه
والله والله اني اقدر اتصدى لكل حركة تسويها بس تععععب نفسي

ماابي اعاني بتقولون لي علمي المدير علمته وكلمها المدير وصارت تسبب لي مضايقات باشياء ثانيه مو مشكله

خايفه انها توصل لشغلي وتخربه

شغلي يجنن وعاجبني وتعلمت منه اشياء كثيررررر وابي اقعد لاني احس نفسي بوسط عايلتي وباني في امااان

بس معاها هي مااحس بامان تخيلووو في فترة البريك اشك انها تصورني

قددددد مااقدر قلت يمكن المشكله فيني انا اوسوس لازم احسن الظن بس خلاص تعبت ابي استشيركم

واللي يقهر وزاد الطين بله انا عندنا في الشركة سكرتيرة تصير صديقة البنت اللي قدمت استقالتها

وجاني كلام صدمني انا السكرتيره والبنت اللي قدمت استقالتها متكلمين فيني اني انا خاقه مع واحد معانا بشركة واني راعية مشاكل

ماابي امدح نفسي بس والله اني راعية دين وصلاة ومااحب هذي السوالف

وغير كذا انا السكرتيرة هذي بتصير مديرتنا ياسلاااام

احسهم بيتفقون علي والله مو رايقه ابدا زين اني اتحمل وحده يجوني ثنتين واحس انا صارت موامره ضدي كل البنات اللي يكرهوني اجتمعو

وكل اللي اذوني مااكرهم ابدا بس احس تجاهم بشفقه

والحين انا باخذ اجازة للاختبارات بعدها افكر اطلع من الشركة

ادري انا ماله داعي اطلع عشان بنات لاكني ابي راحت البال والراتب صج انا مو عالي لاكن الوظيفه استفيد منها من ناحية الانقليش والشركة مو سهله كبيره وبتفيدني في سيرتي الذاتيه عرضت عليكم مشكلتي ابي مشورتكم

# ابي راحة البال
# أنا رايحة اشتغل مورايحه حق هالسوالف
# لازم اشتغل معاهم لان شغلنا جماعي ويحتاج تعاون واللي صاير انه في تنافس مو تعاون
# المدير الكبير كلمني وقال لي انا البنت تغار مني
# طيب سكرتيرة المدير الحين جات هي الثانيه

# هي تكرهني ومره المدير قال لها اني قيادية واصلح اني اصير سوبر فايزر والحين اكيد صار ودها تذبحني
# مشكلتي اتاثر نفسيا اذا صارت هذي الاشياء لان مو من طبعي
ار بس اتضايق بعدها

قوووولووووو لي وووووويش اسوي

مشكلتي مع البنات في الدوام والله أني أعاني من سنة

مشاكلك في العمل

السلام عليكم والله من قهري ودي اصيح وانا اكتب الموضوع :cry: بقول لكم سالفتي انا في شركة كبيرة ولها مكانتها الشركة هذي كونتركت ارامكو :m وراتبي...

مشكلتي مع البنات في الدوام والله أني أعاني من سنة

تسجيل الدخول

مشكلتي مع البنات في الدوام والله أني أعاني من سنة

مشاكلك في العمل

السلام عليكم والله من قهري ودي اصيح وانا اكتب الموضوع :cry: بقول لكم سالفتي انا في شركة كبيرة ولها مكانتها الشركة هذي كونتركت ارامكو :m وراتبي...

مشكلتي مع البنات في الدوام والله أني أعاني من سنة