فعلا فعلا أصحاب العقول الصغيرة ذولي يصعب علي شخصيا فهمهم أو التعامل معهم


أما بخصوص انهم يكيدون لك أو شي فوضي أمرك لله وأنتي ان شاء الله تتطمنين

هلا حبيبتي


موضوعك خلاني اسجل بالمنتدى وأرد عليك


انا عانيت مثلك بل اسوء منك
كنت بارامكوا وطلعت لاني كنت ابي بيئة نسائية 100%
فرحت شركة ماشاء الله سمعتها كويسة وتقييمها طيب

اول يوم داوم انبسطت بالوجية الحلوة الطيبة اللي تفتح النفس والاستقبال الاجمل والترحيب فيني

والله ماكملت اسبوع الا كل وحدة معدنها طلع والله بحياتي ماشفت قلوب سودة المشكلة قلوب سودة تحاول تتصنع الصفاء

اول ماجيت المدراء كانوا منبسطين مني وعلى طول سلموني مسؤليات بحكم خبرتي
وتعالي شوفي كيف انقلبوا علي و الغيرة والحركات المتدنية

ماطول عليك بس الحمد لله بالاخير انتصرت عليهم خذي نصيحتي :
توكلي على ربك خليك واثقة بنفسك مهما سووا ادي عملك على أكمل وجهة بل ابدعي فية ثقفي نفسك واياك تتركين الوظيفة عشانهم لا لا لاااااا كملي وثابري وتجاهلي وافضل شي لاتحتكين فيهم الا بخصوص العمل سألوك سؤال ردي على قد السؤال واشغلي نفسك لاتعطينهم فرصة لاي شي

وبنسبة لحركات الثلاجة ههههههههههههههه حتى انا مريت فيها وهذا يدل على نقص عقولهم والله كلما اشوف حركاتهم اقول الله يعين اللي بيتزوجهم ويعين امة كيدهن مررررررة عظيم يعني ماعرف كيف هالبنات بكرة بيصيرون ربات بيوت بهالخلاق والحقد والحركات الطفولية

وموفقة يارب ........

من خلال تجربتي في الحياه المريره

بعض الناس اذا شافك كافي خيرك شرك

يحسبك ضعيف ويجلس يتسلط عليك


ومايعقل الا لين تتسلط عليه وتكيد له

انتي بلغي الاداره ماتغيرت تصرفاتها

واجهيها وطولي لسانك عليها واشتميها والعني خيرها وامسحي في كرامتها الارض

بعدين ارامكو تعطي رواتب 3 الالف بس ؟ والله قهر


الله يرزقك الوظيفه الافضل والراتب اللي تستاهلينه

[align=center]الى متى وانتي بتعب نفسي !
الحل اما النقل
او المواجهة المباشرة
ادخلي بعينها .. يابنت الحلال انا سويتلك شي فيه شي مضايقك مني ..
حاول تفكري ايش العيوب اللي تسويها بدوامك وتخلي شخصيتين تكرهك انتي بالذات
يمكن انتي على نيآتك لكن فيه عيوب غلط تسويها

الله يفرجها عليكي ويعوضك بآاحسن منها ..

بالتوفيق
[/align]

اااه توقعتك فقطط انا اللي تمر هالايام بهذي العينات الوصخه الحقيره
قصتي وسالفتي طويله مع انه الفتره قصيره لكن كانها سنين وداخل فيها عنصر رجالي يعني لعانه وحقاره ماقد شفتها
ان شالله في القريب العاجل راح اذكرلكم سالفتي حتى لو عرفوني بالطقاق
الحل عزيزتي المواجههه شرشحتهم الين قلت بس
طبعا لاتقولين لاهلك اذا هم مثل اهلي لان اهلي مايبوني ارد على الناس يبون الناس تاخذ راحتها وانتي انطمي لكن على مين سنعتهم وسحبت عليهم بعدها وادق على المدير واكب عفش الجميع واللي يصير والان انتظر توجيهي في مكان مناسب من المدير الاعلى وجالسه في البيت

النوع هذا من الحيوانات موجود في كل مكان صكيها الكلام في وجها وقولي لها اذا حابه تبرزي نفسك ابرزي نفسك صح بشغلك مو باذية الناس

بقولك نفسي مشكلتي انا

انا وش اسوي للحقير والجراثيم ذي
احتقره مرره ماناظره مرات ابتسم خفيف يولع حريق
مرات حسبه يبكي من كثر احتقاري له


وقولي بنفسك حسبي الله ونعم الوكيل

تفاهمي معها وهدديها حاولي تخرشيها ان وراك معارف بشركه

اكلمك لاني مجرب هالطريقه وتغيير الاسلوب هع

ههههههههه قريت الردود بعضها جميله الله يسعدكم
على العموم اي شخص يواجه معاه بالعمل احد ما يدانيه ولا يعطيه النظره الكويسه الحلوه ويسوي اشياء ثانيه
استعمل معاه الاشياء الي استخدمها انا وبتكون ب امان
اول شي خليك هادي دائما ولا تعطيه الا قد الكلمه ورد غطاها بينقهر بينفجر منكك ما راح يعرف كيف يتصرف النظرات لها اسلوب جميل ناظره من فوق لين تحت كانه مسوي غلط وبيعرفها وقتها اذا هو مستمر على حاله قوله انت فيك كذا وكذا وكذا بالوجهه ليش ياخي وش السبب وقتها بيصرفها بشي ثاني كل م تشوفه انشب له فيها هههههه على العموم انا حصلت ناس العن والعن بس مطنش وطبيعتى امشي مره مرتين الثالثه بالوجهه وبصوت عالي علشان يعرف كيف يتكلم زين لان وقتها بيكون معاك الحق ع العموم حسيت انى طولت بس الله يصبرك على الي عندك ويصبر الجميع على المعاناه بالناس الي زي كذا

الله يصبرك ويعينك