السلام عليكم اخواني ابي شؤركم و النصح اخوكم معه ثانوي صناعي تخصص حاسب بمعدل 4.61 الحمدلله و هاوي للانجليزية و من ايام الدراسة و انا احب حصة الانقلش و اتفاعل معها .. و هذا احد اسباب اجتيازي و لله الحمد اختبار ارامكو .. المهم مالكم بالطويلة فحصت و الى الان ماارسلوا النتيجة و محتاار اكمل دراستي بكلية المجتمع تخصص انقليزي و يمكن بالمستقبل اكمل تجسير بكالوريوس و نفس الوقت اشتغل مسائي و لا اروح لا ارامكو .. لاني ااحتررت و الوالد الله يحفظه يرص علي يبيني اروح ارامكو و الوالد من الطيبين و رافض اكمال الدراسة اذا انقبلت بارامكو و اللي خلاني احتار بعد ماكنت اتمنى ارامكو .. انه بعد بحثي من النت ان موظفين ارامكو من الثانوي يكرفونهم على وجيههم و غير الانقطاع عن الناااس و الخطوط اللي تقطها .. ف وش رايكم .. اتمنى لكل من دخل الموضوع يعلق و لو بذكر الله

ودنا بالاكمال بالجامعة لكن .. اظن مايقبلون ثانوي صناعي .. بلانا مؤسسة الفلس اللي مضيعتنا

السلام عليكم ورحمة الله وبركاته

اخوي بعطيك نصيحة قلت الوظائف في هاللبلد الي بالثانوي يلقى وظيفة والبكالوريس يتعب عشان يلقى الله المستعان يعني روح ارامكو وعليك بالاستخارة اولاا


وبالتوفيق

جزاك الله خير ننتظرالاخوة

طع شور ابوك ورح ارامكو

[align=center]
وعليكم السلام

أنا أنصحك ب أرمكوا :")

جميع الشركات فيها كرف , وميزة أرمكوا أنها تكرف وتعطيك على تعبك < 17 راتب بالسنه :")

الله يوفقكك ..
[/align]

عزيزي تعال نقارنها معاً بمعني :
إذا دخلت ارامكوا هل فيه مجال ان تبتعث وتكمل دراستك وكم تكون نسبة حصولك على ابتعاث ومواصله دراستك ؟
إذا فيه مجال ومحتمل يعطينا نسبه 40% لمؤصلة الدراسة ف النتيجة من الأفضل لك تلتحق بارامكوا وتكمل دراستك في المستقبل وبكذا ضربت اربع عصافير بحجر
• حصلت على وظيفة
• واصلت دراستك
• أرضيت رغبة والدك
• استفدت من السنوات في العمل والخبرة النتيجة : رجل متمكن في حياته
إما في حالة اذا كانت ألفرصه للابتعاث قليله جداً وطموحك عالي في الدراسة وعندك قدره بأنك ستتفوق في مجال دراستك وبتضمن في المستقبل بأنك ستحصل على وظيفة أفضل من ارامكوا ف هذا الخيار يعطينا احتمالات لانه في علم الغيب :
الجانب الايجابي المحتمل :
1- ربما فعلا ستتحقق طموحك وبتحصل على وظيفة أفضل
2- ربما ستحصل على مرتبة افضل من دخولك الان بعد تخرجك
3- ربما ستعوض كل السنوات التي قضيها في دراستك وتؤهلك لمراتب عليا في عملك
الجانب السلبي المحتمل :
1- ربما ستضيع منك سنوات كثيرة في الدراسة وتتوظف بوظيفة لم تكون تريدها
2- ربما ستشعر بالندم لأنك كانت ألفرصه في يدك وضاعت وهي وظيفة ارامكوا
القرار لك مجرد حاولت تجميع أفكارك لتتضح الرؤيا أمامك

جزاكم الله كل خير و اتمنى اجد احد توظف بارامكو بالتدرج و يعلق فانا في حيرة من امري .... اللي محيرني ماذكرت فوق و ايضا فيه ناس استقالت من ارامكو و العمل ضغوطات .. و لو فرضنا اني دخلت ارامكو و ماتحملت ضغط العمل و النفسية التعبانة و الانقطاع عن الاهل و استقلت كذا ما معي الا الثانوي و راح عمري و انا ما معي شهادة فوق الثانوي .. المال ليس كل شيء

نعم المال ليس كل شيء لكن اقلها تامين مستقبل وضرورة لحفظ دينك واعفاف لنفسك
راجع ارامكوا اذا فيها ابتعاث او السماح باكمال الدراسة ولو بعد سنة روح لهم ولو دوامهم وعملهم كرف من الصباح الى المساء مايضرك انت قدها ولا وراك شيء ولا جاء وقت الزواج وعلومه قد انك اغتنيت ووفرت لك مشروع يأمن مستقبلك ولك الحرية بالاستمرار او الاستقاله .

والناس اللي استقالت ترى تفرق فلكل شخص ضروفه وقدراته وصدقني اكيد تلقاهم استفادوا منها بالحيييييل .

الوظائف اصبحت محصورة والعالم اصبحت متكدسه بشهادات البكالوريوس لأجل البحث عن لقمة العيش
فاستغل الفرص يا اخي فالدراسة سبب للوظيفة بعد توفيق الله ولو وجدت الوظيفة اللي تعادل راتب خريج بكالوريس فتوكل على ربك .

والدراسة وعلومها هي مجرد استنزاف لوقتك ولو فيها علوم بالاخير الخريج لن يخرج الا بفكر مختلف وبفهم ارقى ولا علم ولا حتى اساس علمي انما مجرد مناهج كثيرة تجعل طالب العلم يبحث عن النجاح ولو دل على نطيحة او ما اكل السبع .

تاكد من موضوع ارامكوا والابتعاث واكمال الدراسة داخليا واستخر ربك والله يكتب لك الخير وينفع بك الاسلام والمسلمين .

جزاك الله خير عالتفاعل ي سميي و كلامك جيد